43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່

43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - 9966 1 - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່
43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - AGL banner - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ໄດ້ແຈ້ງໃຫ້ຮູ້ວ່າ: ມາຮອດວັນທີ 25 ພຶດສະພານີ້ ກໍເປັນມື້ທີ່ 43 ແລ້ວທີ່ລາວເຮົົາບໍ່ມີກໍລະນີຜູ້ຕິດເຊື້ອໂຄວິດ-19 ລາຍໃຫມ່, ມີພຽງຜູ້ຕິດເຊື້ອສະສົມທັງຫມົດ 19, ແຕ່ມາຮອດປັດຈຸບັນກໍສາມາດປິ່ນປົວຫາຍດີ ແລະ ອອກໂຮງຫມໍແລ້ວ 14 ຄົນ, ຊຶ່ງຍັງພຽງ 5 ຄົນ, ກຳລັງສືບຕໍ່ ຕິດຕາມອາການຢູ່ໂຮງຫມໍ ແລະ ເຫັນວ່າມີອາການດີຂຶ້ນເປັນປົກກະຕິ. ທັງນີ້ກໍເນື່ອງຈາກພວກເຮົາໄດ້ເອົາໃຈໃສ່ປະຕິບັດຄຳສັ່ງແນະນຳຕ່າງໆຂອງລັດຖະບານກໍຄືຄະນະສະເພາະກິດໃນການສະກັດກັ້ນ ແລະ ປ້ອງກັນພະຍາດດັ່ງກ່າວໄດ້ເປັນຢ່າງດີ, ໂດຍສະເພາະແມ່ນການກັກກັນຕົນເອງ ແລະ ຜູ້ເດີນທາງເຂົ້າມາປະເທດ, ເອົາໃຈໃສ່ນຳຊອກຫາຜູ້ໄດ້ສະພັດກັບຜູ້ຕິດເຊື້ອ ແລະ ຜູ້ຕ້ອງສົງໃສເຂົ້າມາກວດຫາເຊື້ອ ແລະ ກັກງບໍລິເວນເປັນເວລາ 14 ວັນຕາມຫລັກການການແພດຢ່າງເຂັ້ມງວດ ແລະ ປັດຈຸບັນລາວກໍບໍ່ໄດ້ລົດລະໃນການປະຕິບັດມາດຕະການປ້ອງກັນຕົນເອງເຊັ່ນ: ການຮັກສາໄລຍະຫ່າງ, ການລ້າງມືດ້ວຍສະບູ ແລະ ເຈວ, ການໃຊ້ຜ້າອັດປາກ-ດັ່ງ, ການຈຳກັກຈັດງານໂຮມຊຸມນຸມ, ຊຸມແຊວງ ແລະ ອື່ນໆຢ່າງເຂັ້ມງວດເຊັ່ນກັນ, ຊຶ່ງເນື່ອງຈາກຫລາຍປະເທດໃນໂລກກໍຄືອາຊຽນເຮົາຍັງືບຕໍ່ມີການລະບາດຂອງພະຍາດດັ່ງກ່າວຄຶ: ມາຮອດເວລາ 6:00 ໂມງເຊົ້າ ຂອງວັນທີ 25 ພຶດສະພານີ້, ທົ່ວໂລກມີລາຍງານການລະບາດ ທັງໝົດ 213 (ປະເທດ/ເຂດ),ມີຜູ້ຕິດເຊື້ອພະຍາດ COVID-19 ຫລາຍກ່ວາ 5,49 ລ້ານຄົນແລ້ວ, ໃນນັ້ນມີຜູ້ຕິດໃຫມ່ 93.498 ຄົນ ແລະ ມີ ມີເສຍຊິວິດ 346.357 ຄົນ(ໃໝ່2.749ຄົນ) ກວມເອົາ 6,30 % ຂອງຜູ້ຕິດເຊື້ອທັງໝົດ. ປີ່ນປົວຫາຍດີ 2,29 ລ້ານກ່ວາຄົນ ກວມເອົາ 41,86 % ຂອງຜູ້ຕິດເຊື້ອທັງໝົດ.ສິ່ງທີ່ຫນ້າເປັນຫ່ວງແມ່ນຍັງມີການລະບາດເປັນວົງກ້ວາງຢູ່ ທະວີບອາເມລິກາ ແລະ ທະວີບຍູຣົບ, ມີບາງປະເທດ ຈໍານວນຜູ້ຕິດເຊື້ອມື້ດຽວ ມີເຖິງ 18.273 ຄົນ ແລະ ບາງປະເທດເສຍຊີວິດມື້ຫນຶ່ງຫລາຍເຖິງ 653 ຄົນ ສຳລັບກຸ່ມປະເທດອາຊຽນ ມາຮອດເວລາ 6:00 ໂມງເຊົ້າ ຂອງວັນທີ 25 ພຶດສະພາ ນີ້ ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 79.071 ຄົນ(ໃໝ່1,393ຄົນ), ເສຍຊີວິດ 2.441 (ໃໝ່26 ຄົນ), ຍັງມີບາງປະເທດທີ່ມີອັດຕາການຕິດເຊື້ອໃໝ່ສູງເຖິງ 548 ຄົນຕໍ່ມື້.

ດັ່ງນັ້ນກໍ ຂໍໃຫ້ບັນດາທ່ານເຂົ້າໃຈວ່າ ການຜ່ອນຜັນມາດຕະການຕ່າງໆ ແມ່ນນະໂຍບາຍຂອງພັກ-ລັດຖະບານ ທີ່ເປັນຮ່ວງເປັນໄຍຕໍ່ຜົນກະທົບດ້ານຊີວິດການເປັນຢູ່ຂອງປະຊາຊົນ ແລະ ດ້ານເສດຖະກິດ-ສັງຄົມ ຊຶ່ງເປັນໂອກາດໃຫ້ພາກທຸລະກິດກໍ່ຄືປະຊາຊົນບັນດາເຜົ່າໄດ້ກັບຄືນມາດຳເນີນຊີວິດແບບປົກກະຕິ ກໍ່ຄືການດຳເນີນກິດຈະການກັບສູ່ສະພາບເດີມເທື່ອລະກ້າວ ຍ້ອນມີການຮ່ວມມືເປັນຢ່າງດີຈາກພໍ່ແມ່ປະຊາຊົນຈີ່ງໄດ້ມີການຜ່ອນຜັນບາງມາດຕະການລົງ.ແຕ່ພ້ອມດຽວກັນນີ້ກໍ່ເປັນໂອກາດທີ່ຈະມີຄວາມສ່ຽງ ທີ່ຈະເກີດການລະບາດຮອບໃໝ່ ຖ້າຫາກວ່າພວກເຮົາ ບໍ່ປະຕິບັດວິທີການປ້ອງກັນການຕິດເຊື້ອຢ່າງເຂັ້ມງວດ ໂດຍສະເພາະຢູ່ສະຖານທີ່ໃຫ້ບໍລິການ, ພະຫະນະໃຊ້ບໍລິການ, ຜູ້ໃຫ້ບໍລິການ ແລະ ຜູ້ມາໃຊ້ບໍລິການ ເປັນຕົ້ນແມ່ນ: ການປະຕິບັດວິຖີຊີວິດແບບໃໝ່ບົນພື້ນຖານຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດຢູ່ສະຖານທີ່ບໍລິການ, ການແທກອຸນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ບໍ່ໃຫ້ມີການແອອັດ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ ທັງໝົດນີ້ໃຫ້ກາຍເປັນຄວາມຊິນເຄີຍໃນການດຳລົງຊີວິດປະຈຳວັນ. ພວກເຮົາຈຶ່ງຈະສາມາດສະກັດກັ້ນ ການລະບາດຂອງພະຍາດ COVID-19 ບໍ່ໃຫ້ກັບຄືນມາຮອບໃໝ່.ຊຶ່ງຜ່ານມາສັງເກດເຫັນວ່າ ການປະຕິ

ບັດ ແຈ້ງການເລກທີ 580/ຫສນຍ ແມ່ນມີບາງຢ່າງ ຍັງເຮັດບໍ່ທັນໄດ້ດີ ເປັນຕົ້ນວ່າ: ການປະຕິບັດມາດຕະການປ້ອງກັນການຕິດເຊື້ອພະຍາດ ຢູ່ໂຮງຮຽນ, ສະຖານີຂົນສົ່ງໂດຍສານ, ຮ້ານຄ້າຂາຍຍ່ອຍ, ງານບຸນປະເພນີ ຍັງບໍ່ທັນເຮັດໄດ້ດີ, ຮັກສາໄລຍະຫ່າງບໍ່ທັນໄດ້, ຍັງມີການຊຸມແຊວ, ກິນດື່ມສິ່ງມຶນເມົາເປັນກຸ່ມຄົນ, ບໍ່ຮັກສາໄລຍະຫ່າງທາງສັງຄົມ ແລະ ບໍ່ໃສ່ຜ້າອັດປາກ-ດັງ ເຊິ່ງຈະມີຄວາມສ່ຽງຕໍ່ການຕິດເຊື້ອ.

43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - Wave100S AD to Website 2020 0 - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່

ອີກເທື່ອໜຶ່ງ ຈິ່ງຂໍຮຽກຮ້ອງໃຫ້ທຸກພາກສ່ວນໃນສັງຄົມ, ຊຸມຊົນ, ຄອບຄົວ ແລະ ສ່ວນບຸກຄົນ ຈົ່ງເອົາໃຈໃສ່ ທຳຄວາມເຂົ້າໃຈ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ເລກທີ 580/ຫສນຍ ຄຳແນະນຳຂອງຂະແໜງການກ່ຽວຂ້ອງ ພ້ອມທັງ ຮ່ວມແຮງຮ່ວມໃຈກັນ ສືບຕໍ່ປະຕິບັດ ຈົນກວ່າຈະມີແຈ້ງການປ່ຽນແປງ ຫຼັງວັນທີ 1 ມິຖຸນາ . ອາທິດນີ້, ຄະນະສະເພາະກິດ ກໍ່ຈະໄດ້ປະເມີນສະຖານະການຄືນໃໝ່ ເພື່ອສະເໜີລັດຖະບານພິຈາລະນາ ຜ່ອນຜັນບາງມາດຕະການຕື່ມອີກ.

43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - WhatsApp Image 2020 05 27 at 5 - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່
43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - WhatsApp Image 2020 05 27 at 5 - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່
43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - WhatsApp Image 2020 05 27 at 5 - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່
43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່ - WhatsApp Image 2020 05 27 at 5 - 43 ມື້ແລ້ວລາວບໍ່ມີກໍລະນີຕິດເຊື້ອໂຄວິດ-19 ໃຫມ່
error: Alert: Content is protected !!