​ວິທີ​ປູກ​ຜັກ​ບົ່ວ

​ວິທີ​ປູກ​ຜັກ​ບົ່ວ - 77 4 - ​ວິທີ​ປູກ​ຜັກ​ບົ່ວ
​ວິທີ​ປູກ​ຜັກ​ບົ່ວ - Untitled design - ​ວິທີ​ປູກ​ຜັກ​ບົ່ວ

ການກຽມດິນສຳລັບປູກຜັກບົ່ວ

​ເລີ່​ມຈາກ​ການ​ໄຖ​ດິນ​ເລິກ​ປະມານ 20-30 ຊັງ​ຕີ​ແມັດ, ຕາກ​ດິນ​ປະ​ໄວ້​ປະມານ 10-15 ມື້ ​ເພື່ອກຳຈັດພະຍາດ ແລະ ສັດຕູພືດ ພາຍໃນໜານຜັກຈາກ​ນັ້ນປັບ​ສະພາບ​ດິນ​​ໂດຍ​ການ ​ໃສ່​ປູນ​ຂາວ​ເລັກ​ໜ້ອຍ​ໂຮຍ​ບາງໆ ​ໃຫ້​ທົ່​ວ​ໜານ.

ກ່ອນ​​ເພີ່ມ​ທາດ​ອາຫານ​​ໃນ​ດິນ​ດ້ວຍປຸ໋ຍໝັກ​ຊີວະ​ພາບ​ໃສ່​ປະມານ 1-2 ໂຕນ ແລະ ​ໃສ່​ເສດ​ຊາກ​ພືດ ​ເຊັ່ນ ​ໃບ​ໄມ້​ແຫ້ງຫຍ້າແຫ້ງ​, ປະມານ 3-4 ໂຕນ ພ້ອມ​ໃສ່​ເມັດ​ກະ​ເດົາ​ບົດ​ປະມານ 200-300 ກິ​ໂລກຣາມ ທັງ 3 ຊະນິດ​ນີ້​ໃສ່​ປະສົມ​ເຂົ້າກັນ​​ໃນ​ດິນ​ພ້ອມ​ກັນ​ໃນ​ພື້ນທີ່ 1 ໄລ່.

​ວິທີ​ປູກ​ຜັກ​ບົ່ວ - 552 300x211 - ​ວິທີ​ປູກ​ຜັກ​ບົ່ວ

​ວິທີ​ປູກ​ຜັກ​ບົ່ວ - 7474 1 300x168 - ​ວິທີ​ປູກ​ຜັກ​ບົ່ວ

ຫລັງ​ຈາກ​ນັ້ນເຮັດເປັນຮ່ອງ​ກວ້າງ 1 ​​ແມັດ ປັບ​ໜ້າດິນ​ໃຫ້​ລຽບຫົດ​ນ້ຳ​ໃຫ້​ຊຸ່ມ ປະ​ໄວ້ 5-7 ມື້ ກ່ອນ​ນຳ​ຕົ້ນພັນ​ມາ​ປູກ.

ຈັດ​ໄລຍະ​ຫ່າງ​ລະຫວ່າງ​ຕົ້ນປະມານ 10-15 ຊັງ​ຕີ​ແມັດ ​ໄລຍະ​ຫວ່າງ​ແຖວ​ປະມານ    10-15 ຊັງ​ຕີ​ແມັດ​ ຫລັງ​ຈາກ​ກຽມ​ໜານ​ແລ້ວ​ໃຫ້​ຫົດ​ນ້ຳ​ໃສ່ໜານ​ໃຫ້​ຊຸ່ມ

​ວິທີ​ປູກ​ຜັກ​ບົ່ວ - 69 7 300x300 - ​ວິທີ​ປູກ​ຜັກ​ບົ່ວ

ການປູກ​ຜັກ​ບົ່ວ

ນິຍົມ​ປູກ​ຂະຫຍາຍ​ພັນ​ໂດຍ​ນຳ​ຫົວ​ກາບ​ໃບ​ທີ່​ສົມບູນ ມາ​ຕັດ​ຮາກ​ອອກ​ບາງ​ສ່ວນ ຕັດ​ບໍລິ​ເວນ​ສ່ວນ​ຍອດ​ຂອງ​ຫົວ​ກາບ​ໃບ​ແບ່ງ​ອອກ​ເພື່ອ​ໃຫ້​ເກີດ​ການ​ແຕກ​ໜໍ​່ທີ່​ໄວ​ຂຶ້ນ ປະ​ໄວ້​ປະມານ 2-3 ມື້​ເມື່ອ​ມີ​ການ​​ແຕກ​ໜໍ​່ອອກ​ມາ​ຈິ່ງ​ນຳ​ໄປ​ປູກ​ລົງ​ໜານ​ຕໍ່​ໄປ.

ການ​ຫົດນ້ຳ

​ໃຫ້​ຫົດນ້ຳ​ເຊົ້າ ​ແລະ ​ແລງ ຈົນ​ໃບຍາວ​ຂຶ້ນ ​​ແລ້ວ​ຈິ່ງ​ຫົດ​ນ້ຳມື້ລະ 1 ຄັ້ງ.

ວິທີ​ການ​ໃສ່​ປຸ໋ຍ

​ໃສ່​ປຸ໋ຍຄອກ ຫລື ປຸ໋ຍໝັກ ອັດຕາ 1-2 ໂຕນ/ໄລ່ ຂອງ​ພື້ນທີ່​ກ່ອນ​ປູກ ສ່ວນ​ປຸ໋ຍ​ເຄມີ​ໃຊ້​ສູດ  20-10-10 ຫລື 46-0-0 ອັດຕາ 20-25 ກຣາມ/ໄລ່ ​ແບ່ງ​ໃສ່ 2 ຄັ້ງກ່ອນ​ປູກ ​ແລະ ຫລັງ​ປູກ 20 ມື້ ຫລື ​ເມື່ອ​ຜັກ​ບົ່ວ​ມີ​ອາຍຸ​ໄດ້ 20-25 ມື້ ​ໃຫ້​ໃສ່​ປຸ໋ຍໝັກ​ຊີວະ​ພາບ​ປະມານ 1    ກິໂລ/ຕາແມັດ ພ້ອມ​ໃສ່​ປຸ໋ຍນ້ຳຊີວະ​ພາບ​.

​ໂດຍ​ສ່ວນ​ປະສົມ​ໃນ​ປຸ໋ຍນ້ຳຊີວະ​ພາບ​ມີ​ຄື​ປຸ໋ຍຊີ​ວະ​ພາບ 10 ກິ​ໂລ ປຸ໋ຍຄອກ​ແຫ້ງ 3 ກິ​ໂລ ​ແລະ ​ໃບ​ຂອງ​ພືດ​ຕະກູນ​ຖົ່ວ 5 ກິ​ໂລ, ​ແລ້​ວ​ເອົາ​ໃສ່​ຊາມປະສົມ​ຄົນ​ເຂົ້າກັນ​ກັບ​ນ້ຳ 100-200 ລິດ ຫລື ​ໃສ່​ນ້ຳ​ລ້າ​ຈົນ​ຖ້ວມ​ສູງ​ປະມານ 10 ຊັງ​ຕີ​ແມັດ ໝັກ​ປະ​ໄວ້ 1 ຄືນ (ອັດຕາ​ສ່ວນ​ການ​ນຳ​ໄປ​ໃຊ້ ຄື ປຸ໋ຍ ນ້ຳຊີວະ​ພາບ 2 ລິດ​ຕໍ່​ນ້ຳລ້າ 18 ລິດ) ນຳ​ໄປ​ສິດ​ອາທິດ​ລະຄັ້ງ.

​ວິທີ​ປູກ​ຜັກ​ບົ່ວ - Wave100S AD to Website 2020 0 - ​ວິທີ​ປູກ​ຜັກ​ບົ່ວ

ກາ​ນປ້ອງ​ກັນ ​ແລະ ກຳຈັດ​ສັດຕູ​ພືດ

ຫາກ​ຕົ້ນຜັກຫອມ​ບົ່ວ​ເກີດ​ໂຣກ​ໃຫ້​ຕັດ​ຖິ້ມ ຫລື ປ້ອງ​ກັນ​ ແລະ ຮັກສາ​ເຊັ່ນ: ​ໂຣກ​ໃບ​ໄໝ້ໃຫ້​ເອົານ້ຳປູນ​ໃສ​ມາລາ​ດ​ໃນ​ໄລຍະ​ລະບາດ.

ວິ​ທີ​ການ​ເກັບ​ກູ້​ຜັກ​ບົ່ວ ຈະ​ເກັບ​ເມື່ອອາຍຸ​ໄດ້​ປະມານ 45-60 ວັນ.

ສາມາດ​ເກັບ​ກ່ຽວ​ເພື່ອ​ນຳ​ໄປ​ຮັບ​ປະທານ​ໄດ້​ເຊິ່ງກ່ອນ​ເກັບ​ໃຫ້​ຫົດ​ນ້ຳ​ໃຫ້​ຊຸ່ມ​ກ່ອນ ຈາກ​ນັ້ນ​ໃຊ້​​ຈັບ​ບໍລິ​ເວັນ​ກົກດຶງ​ຂຶ້ນມາ​ຄ່ອຍໆ ​ໃຫ້​ຕິດ​ຮາກ​ມານຳ​ໄປ​ລ້າງ​ດິນ​ອອກ​ໃຫ້​ສະອາດ ​ແລ້ວ​ປະໄວ້ໃຫ້​ແຫ້ງ./.

 

​ວິທີ​ປູກ​ຜັກ​ບົ່ວ - 5577 300x180 - ​ວິທີ​ປູກ​ຜັກ​ບົ່ວ

​ວິທີ​ປູກ​ຜັກ​ບົ່ວ - 22 3 300x244 - ​ວິທີ​ປູກ​ຜັກ​ບົ່ວ

​ວິທີ​ປູກ​ຜັກ​ບົ່ວ - 1 9 300x172 - ​ວິທີ​ປູກ​ຜັກ​ບົ່ວ

 

 

 

ແປໂດຍ: ຂັນ

 

​ວິທີ​ປູກ​ຜັກ​ບົ່ວ - WhatsApp Image 2020 05 27 at 5 - ​ວິທີ​ປູກ​ຜັກ​ບົ່ວ
​ວິທີ​ປູກ​ຜັກ​ບົ່ວ - WhatsApp Image 2020 05 27 at 5 - ​ວິທີ​ປູກ​ຜັກ​ບົ່ວ
error: Alert: ເນື້ອຫາຂ່າວມີລິຂະສິດ !!