12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ

12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - 59 3 - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ
12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - AGL banner - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ

  ຫາກທ່ານຢາກຫາຫຍັງເຮັດເພື່ອຄາຍເຫງົາຢູ່ ພວກເຮົາມີກິດຈະກຳທີ່ຈະຊ່ວຍໃຫ້ທ່ານຮູ້ສຶກດີຂຶ້ນໄດ້ ລອງໄປເບິ່ງກັນເລີຍວ່າມີຫຍັງແດ່ທີ່ທ່ານພໍຈະເຮັດໄດ້.

12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - Wave100S AD to Website 2020 0 - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ
  1. ເອົາສິ່ງຂອງທີ່ທ່ານລຶ້ງເຄີຍໄວ້ໃກ້ໆໂຕ : ບໍ່ວ່າຈະແມ່ນຜ້າຫົ່ມຜືນມັກທີ່ສຸດ, ໜັງສືຈັກເລື່ອງທີ່ທ່ານມັກ, ຮູບຖ່າຍທີ່ບັນທຶກຄວາມຊົງຈຳດີໆໄວ້ ຫລື ແມ່ນແຕ່ທຽນຫອມທີ່ເຮັດໃຫ້ທ່ານຮູ້ສຶກຄືກັບຢູ່ບ້ານ ສິ່ງເຫລົ່ານີ້ຈະຊ່ວຍໃຫ້ທ່ານຄາຍຄວາມເຫງົາລົງໄດ້ ມັນຈະຍຳ້ເຕືອນທ່ານເຖິງຜູ້ຄົນທີ່ທ່ານຮັກ ແລະ ນັ້ນໝາຍຄວາມວ່າທ່ານຈະຮູ້ສຶກດີຂຶ້ນແນ່ນອນ.
  2. ຮຽນອອກກຳລັງກາຍ :ສູນອອກກຳລັງກາຍນັ້ນຈະພາທ່ານອອກຈາກພື້ນທີ່ງຽບເຫງົາ ແລະ ພາທ່ານໄປພົບຄົນໃໝ່ໆທີ່ທ່ານບໍ່ຮູ້ຈັກ ຖ້າທ່ານຢາກມີໝູ່ກໍຈົ່ງທັກທາຍພວກເຂົາ, ແຕ່ຖ້າທ່ານຂີ້ອາຍກໍບໍ່ເປັນຫຍັງ ຢ່າງໜ້ອຍມັນກໍເປັນສະຖານະການທີ່ເຮັດໃຫ້ທ່ານຮູ້ສຶກວ່າຍັງມີການພົບພໍ້ກັບຄົນອື່ນຢູ່. ນອກຈາກນີ້ ການອອກກຳລັງກາຍຍັງຊ່ວຍໃຫ້ທ່ານສຸຂະພາບແຂງແຮງ ແລະ ຫລັ່ງສານເອັນໂດຟິນທີ່ເຮັດໃຫ້ທ່ານມີຄວາມສຸກນຳອີກ.
  3. ເຂົ້າສູນຝຶກອົບຮົມ ຫລື ສະມາຄົມ : ຖ້າທ່ານມີກິດຈະກຳຍາມວ່າງ ກໍລອງເຂົ້າສູນຝຶກອົບຮົມ, ສະມາຄົມໃດໜຶ່ງ ການໄດ້ເຮັດສິ່ງທີ່ທ່ານມັກຮ່ວມກັບຄົນອື່ນທີ່ຄິດຄືທ່ານ ຈະບໍ່ເຮັດໃຫ້ທ່ານເຫງົາແນ່ນອນ.
  4. ຫາໜັງສືມາອ່ານ ຫລື ຟັງນິຍາຍ – ເລື່ອງເລົ່າ : ການໄດ້ອ່ານໜັງສື ຫລື ຟັງນິຍາຍເລື່ອງເລົ່າ ທີ່ໃຫ້ແຮງບັນດານໃຈ ຈະຊ່ວຍໃຫ້ທ່ານມີກິດຈະກຳດີໆເຮັດ ຈົນທ່ານລືມຄວາມເຫງົາໄປໄດ້ເລີຍ.
  5. ອອກຈາກເຮືອນແດ່ : ລອງອອກຈາກເຮືອນແລ້ວໄປເຮັດກິດຈະກຳຄືກັບທີ່ເຮັດຢູ່ເຮືອນ ເຊັ່ນ : ໄປເບິ່ງຮູບເງົາແທນການເບິ່ງໂທລະພາບຢູ່ເຮືອນ ຫລື ໄປນັ່ງອ່ານໜັງສືໃນສວນສາທາລະນະ ຫລື ອາດຈະໄປຍ່າງຫລິ້ນແທນການອອກກຳລັງກາຍຢູ່ເຮືອນ ລອງຫາວິທີທີ່ເຮັດໃຫ້ທ່ານອອກມາຈາກເຮືອນແລ້ວໄປພົບສະພາບແວດລ້ອມໃໝ່ໆເບິ່ງ.
  6. ປ່ຽນແປງກິດຈະວັດປະຈຳວັນ : ທ່ານອາດຈະຕິດຢູ່ກັບກິດຈະວັດເກົ່າໆຈົນຮູ້ສຶກວ່າມັນໜ້າເບື່ອ ຢາກໃຫ້ລອງປ່ຽນແປງມັນແດ່ ເຊັ່ນ : ໄປກິນເຂົ້າຮ້ານໃໝ່ໆທີ່ທ່ານບໍ່ເຄີຍໄປ, ສຳຫລວດສວນສາທາລະນະໃໝ່ໆ ມັນຈະເຮັດໃຫ້ທ່ານພົບກັບສະພາບແວດລ້ອມທີ່ແປກອອກໄປ ທັງຍັງມີໂອກາດໄດ້ຮູ້ຈັກຄົນຕື່ມອີກ.
  7. ໄປຮຽນຫຍັງບາງຢ່າງ : ສິ່ງທີ່ທ່ານສົນໃຈສາມາດເຮັດໃຫ້ທ່ານອອກໄປເຮັດຫຍັງໃໝ່ໆໄດ້ ໂດຍສະເພາະການຫາຄວາມຮູ້ກ່ຽວກັບມັນເພີ່ມຕື່ມ ຖ້າທ່ານມັກປຸງແຕ່ງອາຫານກໍໄປຮຽນປຸງແຕ່ງ, ຖ້າທ່ານມັກອ່ານໜັງສືກໍລອງຮຽນວັນນະກຳ ຫລື ຖ້າທ່ານຢາກເຮັດເຟີນີເຈີໃຊ້ເອງ ກໍໄປຮຽນວິຊາຊ່າງໄມ້ ມີການຮຽນການສອນ ແລະ ຫລັກສູດຫລາກຫລາຍໃຫ້ທ່ານໄດ້ເລືອກຮຽນຈົນທ່ານບໍ່ຮູ້ສຶກເຫງົາແນ່ນອນ.
  8. ໄປທ່ຽວກັບໝູ່ : ຖ້າທ່ານຮູ້ສຶກວ່າການພົບພໍ້ຄົນໃໝ່ໆທີ່ທ່ານບໍ່ລຶ້ງເຄີຍເປັນເລື່ອງຍາກ ກໍລອງຊວນໝູ່ໄປທ່ຽວນຳກັນ ໄປແບບງ່າຍໆສະບາຍໆ ບໍ່ຕ້ອງຄິດຫລາຍ, ຫາຄວາມມ່ວນຈາກມັນໃຫ້ເຕັມທີ່ ອາດຈະຊວນໝູ່ທີ່ບໍ່ໄດ້ພົບກັນດົນກໍໄດ້ ທ່ານຈະໄດ້ມີເລື່ອງລົມກັນຫລວງຫລາຍຫລັງຈາກທີ່ຫ່າງຫາຍກັນໄປດົນ.
  9. ຂຽນບັນທຶກ : ການໄດ້ລະບາຍຄວາມຮູ້ສຶກຜ່ານການຂຽນບັນທຶກຈະຫລຸດຄວາມເຄັ່ງຄຽດລົງໄດ້ ແລະ ຍັງຊ່ວຍໃຫ້ທ່ານເຂົ້າໃຈຕົນເອງຫລາຍຂຶ້ນນຳ.
  10. ບຳບັດຕົນເອງ : ທ່ານຕ້ອງກັບມາດູແລຮັກສາຮ່າງກາຍ ແລະ ຈິດໃຈຂອງຕົນເອງແດ່ ເຊັ່ນ : ໄປນວດເພື່ອໃຫ້ຮ່າງກາຍຜ່ອນຄາຍ ຫລື ແມ່ນແຕ່ການປ່ຽນແປງຊົງຜົມ ມັນຈະເຮັດໃຫ້ຊີວິດຂອງທ່ານໜ້າເບື່ອໜ້ອຍລົງ.
  11. ຝຶກຈິດໃຈ : ການຝຶກຈິດໃຈໂດຍການເຮັດສະມາທິ ຫລື ຝຶກໂຢຄະນັ້ນເປັນຜົນດີຕໍ່ຮ່າງກາຍ ແລະ ຈິດໃຈຂອງທ່ານ ລອງຫາສະມາຄົມຝຶກໂຢຄະ ຫລື ໄປນັ່ງຝຶກສະມາທິກັບຜູ້ອື່ນ ຖ້າທ່ານຂີ້ອາຍກໍເຮັດຄົນດຽວຢູ່ເຮືອນກໍໄດ້ ເປີດອິນເຕີເນັດທ່ານກໍພົບວີດີໂອທີ່ຊ່ວຍສອນທ່ານໄດ້ແລ້ວ.
  12. ບອກຄວາມຮູ້ສຶກຂອງທ່ານໃຫ້ຄົນອື່ນຟັງ :ແຕ່ຕ້ອງເປັນຄົນທີ່ທ່ານເຊື່ອໃຈໄດ້ເທົ່ານັ້ນ ຄົນທີ່ຈະຟັງ ແລະ ເຂົ້າໃຈທ່ານແທ້ໆ ຈົ່ງບອກຄວາມຮູ້ສຶກຂອງທ່ານອອກໄປ ບອກວ່າທີ່ຜ່ານມາມັນມີຫຍັງຍາກລຳບາກສຳລັບທ່ານແດ່, ຢ່າຢ້ານ ຫລື ປົກປິດມັນເອົາໄວ້ ແລ້ວທ່ານຈະຮູ້ສຶກວ່າທ່ານບໍ່ໄດ້ໂດດດ່ຽວເກີນໄປເທິງໂລກໜ່ວຍນີ້.
12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - WhatsApp Image 2020 05 27 at 5 - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ
12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - WhatsApp Image 2020 05 27 at 5 - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ
12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - WhatsApp Image 2020 05 27 at 5 - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ
12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ - WhatsApp Image 2020 05 27 at 5 - 12 ກິດຈະກຳທີ່ຊ່ວຍໃຫ້ທ່ານຮູ້ສຶກເຫງົາໜ້ອຍລົງ
  • 1025 Posts
  • 0 Comments
iLike/LPN/20
error: Alert: Content is protected !!