ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ ພະນັກງານ ແລະ ວຽກງານກວດກາ

ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ - frame now 4 - ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ
ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ - Untitled design - ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ

ຫ້ອງ​ວ່າການ​ປະທານ​ປະ​ເທດ​ ​ໄດ້​ຈັດ​ກອງ​ປະຊຸມ ສະຫລຸບ​ວຽກງານ​ຈັດ​ຕັ້ງ, ພະນັກງານ ​ແລະ ວຽກງານ​ກວດກາ ປະຈຳ​ປີ 2019 ຂຶ້ນ​ໃນ​ວັນ​ທີ 26 ພຶດສະພາ 2020 ​ໂດຍ​ການ​ເປັນ​ປະທານ​ຂອງ​ ສະຫາຍ ຄຳເມິງ ພົງ​ທະ​ດີ ກຳມະການ​ສູນ​ກາງ​ພັກ, ​ເລຂາ​ຄະນະ​ພັກ, ລັດຖະມົນຕີ,  ຫົວໜ້າຫ້ອງ ວ່າ ການປະທານປະເທດ ພ້ອມດ້ວຍພະນັກງານພາຍໃນ ເຂົ້າຮ່ວມ.

ສະຫາຍ ຄຳຕາ ລາດຊະວົງ ເລຂາໜ່ວຍພັກ ຫົວໜ້າກົມຈັດຕັ້ງ, ກວດກາ ແລະ ໂຄສະນາ ໄດ້ຍົກໃຫ້ເຫັນເຖິງຜົນສຳເລັດໃນ 1 ປີຜ່ານມາວ່າ: ຫ້ອງວ່າການປະທານປະເທດ ​ໄດ້ເອົາໃຈໃສ່ສືບຕໍ່ ນຳພາຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງ​ພັກ ​ແລະ ​ແຜນ​ພັດທະນາ​ເສດຖະກິດ-​ສັງຄົມ 5 ປີ​ຄັ້ງ​ທີ VIII ຂອງ​ລັດຖະບານ ຕາມ​ຂອບ​ເຂດ​ຄວາມ​ຮັບຜິດຊອບ ​ ກໍ​ຄື ສືບ​ຕໍ່​ປະຕິບັດ ມະຕິ​ກອງ​ປະ ຊຸມ​ໃຫຍ່​ຄັ້ງ​ທີ I ຂອງ​ຄະນະ​ພັກ ຫ້ອງ​ວ່າການ​ປະທານ​ປະ​ເທດ ​ໂດຍ​ໄດ້​ຮັບ​ຜົນສຳ​ເລັດ​ເປັນ​ກ້າວໆມາ ​ເປັນ​ຕົ້ນ​ ມີ​ຄວາມ​ສະຫງົບ, ມີ​ຄວາມ​ເປັນ​ລະບຽບຮຽບຮ້ອຍ, ມີ​ຄວາມ​ສາມັກຄີ ​ ​ແລະ ສາມາດ​ເປັນ​​ເສນາ​ທິການຮັບ​ໃຊ້ ​ທ່ານ​ປະທານ​ປະ​ເທດ ​ແລະ ທ່ານ ຮອງ​ປະທານ​ປະ​ເທດ ​ໃນ​ການ​ເຄື່ອນ​ໄຫວ ​ລັດຖະກິດ​ທັງ​ພາຍ​ໃນ ​ແລະ ຕ່າງປະ​ເທດ ສຳ​ເລັດ​ດ້ວຍ​ດີ. ພ້ອມ​ນີ້, ຄະນະ​ພັກ-ຄະນະ​ກວດກາ​ ໄດ້​​ເອົາ​ໃຈ​ໃສ່ຊີ້​ນຳ-​ນຳພາ ​ແລະ ກໍ່ສ້າງ​ພັກ​ທາງ​ດ້ານ​ການ​ເມືອງ​-ແນວ​ຄິດ ​ໄດ້​ເອົາ​ໃຈ​ໃສ່​ກວດກາ ການຈັດ​ຕັ້ງ​ຜັນ​ຂະ​ຫຍາ​ຍ ບັນດາ​ມະຕິ, ຄຳ​ສັ່ງ, ແນວ​ທາງ​ນະ​ໂຍບາຍ​ຂອງ​ພັກ ​ໃຫ້​ສະມາຊິກ, ພະນັກງານ-ລັດຖະກອນ ​ໄດ້​ເຂົ້າ​ໃຈ​ຢ່າງ​ເລີກ​ເຊິ່ງ ​ຕໍ່​ນະ​ໂຍບາຍ​ຂອງ​ພັກ, ລັດ ທີ່​ໄດ້​ວາງ​ອອກ​ແຕ່​ລະ​ໄລຍະ. ນອກຈາກ​ນີ້, ຍັງໄດ້​ເຄື່ອນ​ໄຫວ​ນຳພາ​ຕາມ​ຫລັກ​ການລວມສູນ ປະຊາທິປະ​ໄຕ ນຳພາ​ເປັນໝູ່ຄະນະ, ​ແບ່ງ​ວຽກ​ໃຫ້​ບຸນ​ຄົນ​ຮັບຜິດຊອບ, ຄົ້ນຄວ້າ​ປຶກສາ​ຫາລື​ເປັນໝູ່ຄະນະ, ຮັກສາ​ລະບອບ​ດຳ​ເນີນ​ຊີວິດ ​ການ​ເມືອງ​ປະຈຳ​ເດືອນ​ຂອງໜ່ວຍພັກ ​ແລະ ສ່ອງ​ແສງ​ວຽກງານ​ປະຈຳ​ອາທິດ ​ແນ​ໃສ່​ເພື່ອ​ສັງ​ເກດ​ຕີ​ລາຄາ​ການ​ນຳພາ​ວຽກງານ ​ແລະ ​ແກ້​ໄຂ ວຽກງານ​ໃຫ້​ທັນ​ສະພາບ​ການ.

​ໃນ​ໂອ​ການ​ນີ້, ຜູ້​ເຂົ້າ​ຮ່ວມ​ຍັງ​ໄດ້​ຮັບ​ຟັງ​ການບົດ​ໂອ້​ລົມຂອງ ສະຫາຍ ຈັນ​ສີ ​ໂພ​ສີຄຳ ກຳມະການ​ກົມ​ການ​ເມືອງ, ​ເລຂາທິການ​ສູນ​ກາງ​ພັກ, ​ເລຂາ​ຄະນະ​ພັກ, ຫົວໜ້າຄະນະ​ຈັດ​ຕັ້ງ​ສູນ​ກາງ​ພັກ ຕໍ່​ກອງ​ປະຊຸມ​ວຽກງານ​ຈັດ​ຕັ້ງ, ກໍ່ສ້າງ​ພັກ-​ພະນັກງານ​ທົ່ວ​ປະ​ເທດ ປະຈຳ​ປີ 2019 ​ແລະ ຮັບ​ຟັງ​ບົດ​ໂອ​ລົມ​ຂອງ​ສະຫາຍ ບຸນ​ທອງ ຈິດ​ມະນີ ກຳມະການ​ກົມ​ການ​ເມືອງສູນ​ກາງ​ພັກ, ເລຂາທິການ​ສູນ​ກາງ​ພັກ, ຮອງ​ນາຍົກລັດຖະມົນຕີ, ປະທານ​ຄະນະ​ກວດກາ​ສູນ​ກາງ​ພັກ, ອົງການ​ກວດກາ​ລັດຖະບານ ​ແລະ ຕ້ານ​ການ​ສໍ້​ລາດ​ບັງ​ຫລວງ ຕໍ່​ກອງ​ປະຊຸມ​ວຽກງານ​ກວດກາ​ທົ່ວ​ປະ​ເທດ ປະຈຳ​ປີ 2019.

ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ - Wave100S AD to Website 2020 0 - ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ
ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ - WhatsApp Image 2020 05 27 at 5 - ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ
ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ - WhatsApp Image 2020 05 27 at 5 - ຫ້ອງວ່າການປະທານປະເທດ ສະຫລຸບວຽກງານຈັດຕັ້ງ  ພະນັກງານ ແລະ ວຽກງານກວດກາ
error: Alert: ເນື້ອຫາຂ່າວມີລິຂະສິດ !!