ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1

ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1 - frame now 7 - ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1
ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1 - Untitled design - ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1

ໃນຕອນແລງຂອງວັນທີ 26 ພຶດສະພາ 2020 ທີ່ນະຄອນຫລວງວຽງຈັນ, ກົມສື່ມວນຊົນ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ ໄດ້ເຊັນສັນຍາການບໍລິການ ຮັບ-ສົ່ງສັນຍານວິທະຍຸ-ໂທລະພາບ ຜ່ານດາວທຽມລາວ ແຊັດ 1 ເພື່ອບໍລິການສົ່ງສັນຍານໂທລະພາບແຫ່ງຊາດ ຊ່ອງ ທຊລ 1 ແລະ ສັນຍານຄື້ນວິທະຍຸກະຈາຍສຽງແຫ່ງຊາດ ລະບົບ AM ແລະ FM, ເຊິ່ງໄດ້ເລີ່ມມາແຕ່ວັນທີ 1 ເມສາ 2020 ຫາ 31 ທັນວາ 2024 ໂດຍມີສູນສົ່ງສັນຍານຂຶ້ນດາວທຽມ ທີ່ສະຖານີດາວທຽມພາກພື້ນດິນຫລັກ 52 ບ້ານນາເລົາ ເມືອງໂພນໂຮງ ແຂວງວຽງຈັນ ເປັນສະຖານີຫລັກ ພ້ອມກັນນີ້ ຍັງມີສະຖານີດາວທຽມພາກພື້ນດິນຫລັກ 14 ຕັ້ງຢູ່ບ້ານ ນາໄຫ, ເມືອງຫາດຊາຍຟອງ ນະຄອນຫລວງວຽງຈັນ ຂອງບໍລິສັດດາວທຽມລາວ ເອເຊຍ-ປາຊີຟິກ ເປັນສະຖານີສຳຮອງ.

ຕາງໜ້າເຊັນສັນຍາໃນຄັ້ງນີ້, ໂດຍ ທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນຊົນ ກະ ຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແລະ ທ່ານ ຕິງ ຢົງບິງ ອຳນວຍການໃຫຍ່ ບໍລິສັດດາວທຽມລາວ ເອເຊຍ-ປາຊີຟິກ, ໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ກິແກ້ວ ໄຂຄຳພິທູນ ລັດ ຖະມົນຕີ ກະຊວງ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ພ້ອມດ້ວຍພະນັກງານທັງສອງຝ່າຍເຂົ້າຮ່ວມ.

ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1 - Wave100S AD to Website 2020 0 - ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1

ຈຸດປະສົງຂອງການເຊັນສັນຍາໃນຄັ້ງນີ້, ກໍເພື່ອເປັນການຈັດຕັ້ງປະຕິບັດ ເຜີຍແຜ່ແນວທາງນະ ໂຍບາຍຂອງລັດຖະບານ ໃນການຊຸກຍູ້ໃຫ້ບັນດາພາກລັດ ແລະ ເອກະຊົນ ໄດ້ນຳໃຊ້ດາວທຽມລາວ ເພື່ອຕອບສະໜອງໃຫ້ວຽກງານການສື່ສານໂທລະຄົມມະນາຄົມ, ໂທລະພາບ ແລະ ວິທະຍຸ ໃນຂອບເຂດທົ່ວປະເທດ ດ້ວຍການນຳໃຊ້ເທັກໂນໂລຊີດາວທຽມຂັ້ນສູງ ຍານຄວາມຖີ່ C-Band ຈຳນວນ 3,5 Mhz ເຂົ້າໃນການຮັບ-ສົ່ງສັນຍານໂທລະພາບ-ວິທະຍຸ ໃຫ້ແກ່ສະຖານີໂທລະພາບແຫ່ງຊາດ ໃນໄລຍະເວລາ 5 ປີ ເພື່ອເປັນກຳລັງແຮງ ແລະ ກະບອກສຽງໃຫ້ແກ່ພັກ-ລັດ ໂດຍສະເພາະການນຳສະເໜີຂ່າວການເຄື່ອນ ໄຫວໃນທົ່ວສັງຄົມ ໃຫ້ແກ່ປະຊາຊົນລາວບັນດາເຜົ່າ ທີ່ຢູ່ພາຍໃນ ແລະ ຕ່າງປະເທດ, ເຂດຫ່າງໄກສອກ ຫລີກ, ທຸລະກັນດານ ໄດ້ຮັບຮູ້ຂໍ້ມູນຂ່າວສານຢ່າງທົ່ວເຖິງ,  ຖືກຕ້ອງ ແລະ ວ່ອງໄວທັນເວລາ ຢ່າງເປັນເອກະພາບກັນໃນຂອບເຂດທົ່ວປະເທດ.ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1 - 004 1024x768 - ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1

ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1 - WhatsApp Image 2020 05 27 at 5 - ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1
ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1 - WhatsApp Image 2020 05 27 at 5 - ເຊັນສັນຍາການບໍລິການ ຮັບ-ສົ່ງສັນຍານ ວິທະຍຸ-ໂທລະພາບຜ່ານດາວທຽມລາວແຊັດ 1
error: Alert: ເນື້ອຫາຂ່າວມີລິຂະສິດ !!