ຝຶກແອບວິທີປ້ອງກັນອັກຄີໄພໃຫ້ພະນັກງານ ແລະ ຊາວຄ້າຂາຍຢູ່ຕະຫລາດທົ່ງຂັນຄຳ

- advert banner 728 90 728x90 - ຝຶກແອບວິທີປ້ອງກັນອັກຄີໄພໃຫ້ພະນັກງານ ແລະ ຊາວຄ້າຂາຍຢູ່ຕະຫລາດທົ່ງຂັນຄຳ

ໃນວັນທີ 13 ມິຖຸນານີ້, ຕຳຫລວດສະກັດກັ້ນ ແລະ ຕ້ານອັກຄີໄພນະຄອນຫລວງວຽງຈັນ, ໄດ້ດໍາເນີນການຝຶກແອບວິທີປ້ອງກັນອັກຄີໄພໃຫ້ພະນັກງານ ແລະ ຊາວຄ້າຂາຍຢູ່ຕະຫລາດທົ່ງຂັນຄຳເມືອງຈັນທະບູລີ, ນະຄອນຫລວງວຽງຈັນ ເພື່ອຮັບຮູ້ກ່ຽວກັບເຕັກນິກພື້ນຖານ ແລະ ສາມາດດັບມອດໄຟທີ່ອາດຈະເກີດຂຶ້ນໄດ້ຢ່າງມີປະສິດທິຜົນ.

- new3 - ຝຶກແອບວິທີປ້ອງກັນອັກຄີໄພໃຫ້ພະນັກງານ ແລະ ຊາວຄ້າຂາຍຢູ່ຕະຫລາດທົ່ງຂັນຄຳ

ການຝຶກແອບຄັ້ງນີ້, ຜູ້ເຂົ້າຮ່ວມໄດ້ຮຽນຮູ້ ແລະ ເຂົ້າໃຈຕໍ່ຄວາມອັນຕະລາຍຈາກໄຟຟ້າລັດວົງຈອນ, ການນໍາໃຊ້ອຸປະກອນໄຟຟ້າຊຸດໂຊມເກົ່າແກ່, ການໄຕ້ທູບທຽນບູຊາ, ການຈູດຂີ້ເຫຍື້ອແບບຊະຊາຍ ແລະ ອື່ນໆ ທີ່ເປັນສາເຫດຕົ້ນຕໍພາໃຫ້ເກີດອັກຄີໄພໄດ້ງ່າຍ, ພ້ອມທັງແນະນຳວິທີນຳໃຊ້ບັງດັບເພີງເພື່ອສະກັດໄຟໃນເບື້ອງຕົ້ນ ແລະ ອຸປະກອນດັບເພີງແຕ່ລະຊະນິດ ລວມເຖິງການຊ່ວຍເຫລືອພົນລະເຮືອນ ແລະ ວິທີລົງຈາກຕຶກອາຄານທີ່ສູງໃຫ້ປອດໄພເມື່ອເກີດກໍລະນີໄຟໄໝ້.

ສໍາລັບຕະຫລາດທົ່ງຂັນຄໍາແມ່ນຖືກສ້າງຂຶ້ນໃໝ່ທີ່ມີຂະໜາດໃຫຍ່ ແລະ ທັນສະໄໝ, ຫລັງຈາກຕະຫລາດແຫ່ງນີ້ໄດ້ເກີດໄຟໃໝ້ໝົດກ້ຽງເມື່ອທ້າຍເດືອນມີນາ 2014. ມາຮອດປັດຈຸບັນການກໍ່ສ້າງຍັງບໍ່ທັນສໍາເລັດສົມບູນ, ແຕ່ເຫັນວ່າໄດ້ມີຊາວຄ້າຂາຍເຂົ້າໄປຈັບຈອງ ແລະ ຈໍາໜ່າຍສີນຄ້າຂອງຕົນແລ້ວຈໍານວນໜຶ່ງ.

- lattana 1 - ຝຶກແອບວິທີປ້ອງກັນອັກຄີໄພໃຫ້ພະນັກງານ ແລະ ຊາວຄ້າຂາຍຢູ່ຕະຫລາດທົ່ງຂັນຄຳ

 

error: Content is protected !!