ກະຊວງແຜນການ ແລະ ການລົງທຶນ ດຳເນີນຊີວິດການເມືອງປັບປຸງປົວແປງພັກ

- advert banner 728 90 728x90 - ກະຊວງແຜນການ ແລະ ການລົງທຶນ ດຳເນີນຊີວິດການເມືອງປັບປຸງປົວແປງພັກ

ວັນທີ 14-15 ມິຖຸນານີ້, ກະຊວງແຜນການ ແລະ ການລົງທຶນ (ຜທ) ໄດ້ຈັດກອງປະຊຸມດຳເນີນຊີວິດການເມືອງປັບປຸງປົວແປງພັກ ໂດຍການເຂົ້າຮ່ວມຂອງສະຫາຍ ຈັນສີ ໂພສີຄຳ ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ, ເພື່ອປັບປຸງປົວແປງພັກໃຫ້ມີຄວາມເຂັ້ມແຂງໜັກແໜ້ນ, ຕີລາຄາການນຳຈັດຕັ້ງປະຕິບັດມະຕິ X ຂອງພັກ, ມະຕິກອງປະຊຸມໃຫຍ່ຄັ້ງທີ III ຂອງອົງຄະນະພັກກະຊວງແຜນການ ແລະການລົງທຶນ (ຜທ) ກໍຄື ການນຳພາຂອງແຕ່ລະສະຫາຍໃນຄະນະພັກ ເພື່ອເຫັນໄດ້ອັນຖືກ, ອັນຜິດ, ອັນຄົງຄ້າງ ແລະ ຂໍ້ຂາດຕົກບົກຜ່ອງໃນການປະຕິບັດໜ້າທີ່ວຽກງານຂອງຕົນໃນຜ່ານມາ ແລະປັບປຸງແບບແຜນນຳພາ, ວິທີເຮັດວຽກ, ສິ່ງທ້າທາຍທົດສອບທີ່ເປັນໄພອັນຕະລາຍ, ປັບປຸງປົວແປງແກ້ໄຂບັນຫາຂໍ້ຄົງຄ້າງ ໄປພ້ອມກັບການເຊີດຊູເສີມຂະ ຫຍາຍອັນຖືກ, ອັນດີໃຫ້ເຂັ້ມແຂງແຮງຍິ່ງຂຶ້ນ, ເຮັດໃຫ້ມີການຫັນປ່ຽນໃໝ່ທີ່ຕັ້ງໜ້າ ແນ່ໃສ່ຍົກສູງຄວາມຮູ້ຄວາມສາມາດນຳພາ ຄວາມເປັນແບບຢ່າງ ແລະ ມີລັກສະນະນຳໜ້າຂອງຄະນະພັກ, ຄະນະນຳ ແລະ ພະນັກງານຫລັກແຫລ່ງ ເຊີດຊຸຄວາມຮັບຜິດຊອບສ່ວນບຸກຄົນຂອງບັນດາສະຫາຍ ຄະນະພັກກະຊວງ ແລະ ສ່ວນບຸກຄົນຂອງຄະນະນຳຕ່າງໆ ເພື່ອເຮັດໃຫ້ຄະນະພັກ ຍາມໃດກໍຮັບປະກັນຄວາມປອດໃສ ເຂັ້ມແຂງ ແລະ ໜັກແໜ້ນ ສາມາດເປັນຄັນທຸງໃນການເຕົ້ມໂຮມຄວາມສາມັກຄີ, ເຕົ້າໂຮມກຳລັງແຮງສັງລວມເຂົ້າໃນການຈັດຕັ້ງປະຕິບັດມະຕິ X ຂອງພັກ, ມະຕິ III ຂອງອົງຄະນະພັກກະຊວງ ຜທ ໃຫ້ບັນລຸຕາມລະດັບຄາດໝາຍທີ່ວາງໄວ້.

ສະຫາຍ ສຸພັນ ແກ້ວມີໄຊ ເລຂາຄະນະບໍລິຫານງານພັກກະຊວງ ຜທ ກ່າວວ່າ: ນອກຈາກບັນດາຈຸດປະສົງ ແລະ ລະດັບຄາດໝາຍທີ່ກ່າວໄວ້ນັ້ນ ການດຳເນີນຊີວິດການເມືອງຄັ້ງນີ້ ຈະໄດ້ເໜັ້ນໃສ່ບາງບັນຫາທີ່ສຳຄັນ ໂດຍສະເພາະ  ຈະໄດ້ສຸມໃສຕີລາຄາສ່ວນບຸກຄົນໃນຄະນະພັກ, ຄະນະນຳເປັນຕົ້ນຕ້ອງກ້າເບິ່ງຄວາມຈິງ, ກ່ຽວກັບການຝຶກຝົນຫລໍ່ຫລອມຕົນເອງ, ປະກົດການເຊື່ອມຄຸນປ່ຽນທາດ, ພະຍາດອາດຍາສິດ, ເອກະຊົນ, ສໍ້ລາດບັງຫລວງ, ການຝ່າຝືນລ່ວງລະເມີດລະບຽບກົດໝາຍ ແລະ ອື່ນໆ ສຸມໃສ່ການສຳຫລວດແບບແຜນນຳພາ ແລະ ວິທີເຮັດວຽກ; ການປະຕິບັດຫລັການລວມສູນປະຊາທິປະໄຕ, ການປຶກສາຫາລື ແລະ ຕົກລົງວຽກງານໄດ້ເສີມຂະຫຍາຍປະຊາຕິປະໄຕ, ຫົວຄິດປະດິດສ້າງໃນໜູ່ຄະນະແລ້ວບໍ, ມີການແບ່ງງານກັນລົງຊີ້ນຳຢູ່ບັນດາກົມກອງເປັນປົກກະຕິແນວໃດ, ມີການຕິດຕາມກວດກາ, ຊຸກຍູ້ແນະນຳຕົວຈິງແນວໃດ, ມີການສະຫລຸບຕີລາຄາ, ຖອດຖອນບົດຮຽນໃນການຈັດຕັ້ງປະຕິບັດບັນດາມະຕິ, ຄຳສັ່ງຂອງສູນກາງພັກ – ລັດຖະບານ ກໍຄືມະຕິ ຄຳສັ່ງຂອງຄະນະພັກຂັ້ນຂອງຕົນວາງອອກແນວໃດ ເພື່ອໃຫ້ທຸກຄົນໃນຄະນະພັກ, ຄະນະນຳ, ສະມາຊິກພັກທຸກສະຫາຍ ພ້ອມກັນປັບປຸງ ຫລໍ່ຫລອມຕົນເອງ ເພື່ອໃຫ້ສົມກັບເປັນພະນັກງານການນຳ ກະຊວງ ຜທ ແລະ ກ້າວໄປເຖິງການແກ້ໄຂບັນຫາຢ່າງຖືກ ຕ້ອງ ແລະ ມີປະສິດທິຜົນ.

- 1 1 - ກະຊວງແຜນການ ແລະ ການລົງທຶນ ດຳເນີນຊີວິດການເມືອງປັບປຸງປົວແປງພັກ
- Tiger Head 728x90 - ກະຊວງແຜນການ ແລະ ການລົງທຶນ ດຳເນີນຊີວິດການເມືອງປັບປຸງປົວແປງພັກ
error: Content is protected !!