5 ເດືອນຜ່ານມາ ການສົ່ງອອກກາເຟແຂວງຈຳປາສັກເພີ່ມຂຶ້ນ 19%

- advert banner 728 90 728x90 - 5 ເດືອນຜ່ານມາ ການສົ່ງອອກກາເຟແຂວງຈຳປາສັກເພີ່ມຂຶ້ນ 19%

ແຂວງຈຳປາສັກລາຍງານວ່າ: ໃນ 5 ເດືອນຕົ້ນປີນີ້, ການສົ່ງອອກໝາກກາເຟແຂວງຂອງຕົນບັນລຸໄດ້ຫລາຍກວ່າ 61 ລ້ານໂດລາສະຫະລັດ ທຽບໃສ່ໄລຍະດຽວຂອງປີຜ່ານມາເພີ່ມຂຶ້ນ 19%. ພ້ອມນັ້ນ ການສົ່ງອອກພືດຜັກ ແລະ ໝາກໄມ້ອື່ນໆກໍບັນລຸໄດ້ຫລາຍເຖິງ 45 ລ້ານກວ່າໂດລາ ອັນໄດ້ຊ່ວຍເຮັດໃຫ້ລາຍຮັບຂອງທ້ອງຖິ່ນມີປະລິມານເພີ່ມຂຶ້ນຢ່າງໜ້າເພິ່ງພໍໃຈ.

ຜູ້ລາຍງານຂ່າວໃຫ້ຮູ້ອີກວ່າ: ການຜະລິດສິນຄ້າພົ້ນເດັ່ນກວ່າໝູ່ຢູ່ແຂວງຈຳປາສັກໃນປັດຈຸບັນແມ່ນການປູກກາເຟ ໂດຍສະເລ່ຍແລ້ວທົ່ວແຂວງມີເນື້ອທີ່ປະມານ 50.000 ເຮັກຕາ ທີ່ສາມາດໃຫ້ຜົນຜະລິດແລ້ວ, ສະເພາະລະດູການເກັບກູ້ກາເຟຜ່ານມານີ້ກໍບັນລຸໄດ້ຫລາຍກວ່າ 480 ພັນໂຕນ, ສ່ວນການລ້ຽງສັດກໍມີໜໍ່ແໜງຂະຫຍາຍຕົວໄວສົມຄວນ ໂດຍສະເພາະແມ່ນຊາວກະສິກຳໄດ້ຫັນປ່ຽນການລ້ຽງສັດແບບທຳມະຊາດກ້າວມາສູ່ການລ້ຽງແບບເປັນກຸ່ມ, ເປັນຟາມຫລາຍຂຶ້ນ ເຊິ່ງໄລ່ມາຮອດປັດຈຸບັນທົ່ວແຂວງຈຳປາສັກມີຟາມລ້ຽງສັດທັງໝົດ 90 ກວ່າແຫ່ງ ແລະ ປາກະຊັງ 25 ແຫ່ງ, ແຕ່ລະເມືອງໄດ້ມີສິນຄ້າໂອດ໋ອບຂອງຕົນທີ່ສາມາດຊ່ວຍໃຫ້ປະຊາຊົນມີລາຍຮັບທີ່ຖາວອນຫລາຍຂຶ້ນ, ໃນປັດຈຸບັນໂດຍສະເລ່ຍແລ້ວພົນລະເມືອງຜູ້ໜຶ່ງມີລາຍຮັບປະມານ 2.200 ກວ່າໂດລາຕໍ່ປີ, ສ່ວນການລົງທຶນຂອງລັດກໍແຂງແຮງດີຂຶ້ນກວ່າເກົ່າ ຄືປີ 2017 ນີ້ ທົ່ວແຂວງມີໂຄງການລົງທຶນທັງໝົດ 390 ໂຄງການ ລວມມີມູນຄ່າຫລາຍກວ່າ 17.500 ຕື້ກີບ ອັນໄດ້ຊ່ວຍໃຫ້ແຂວງຈຳປາສັກສາມາດລຶບລ້າງຄວາມທຸກຍາກຂອງປະຊາຊົນລົງເຫລືອພຽງ 0,6% ຂອງຄອບຄົວທັງໝົດ ແລະ ສາມາດລຶບລ້າງເມືອງທຸກຍາກໄດ້ 100%.

- Tiger Head 728x90 - 5 ເດືອນຜ່ານມາ ການສົ່ງອອກກາເຟແຂວງຈຳປາສັກເພີ່ມຂຶ້ນ 19%
- 1 1 - 5 ເດືອນຜ່ານມາ ການສົ່ງອອກກາເຟແຂວງຈຳປາສັກເພີ່ມຂຶ້ນ 19%
error: Content is protected !!