ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້

ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້ - 275 - ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້
ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້ - Untitled design - ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້

ທ່ານ ຊູຊາດ ໄຊຍະກຸມມານ ຫົວໜ້າກົມປ່າໄມ້ ກະຊວງ ກະສິກໍາ ແລະ ປ່າໄມ້ ແຈ້ງໃຫ້ຮູ້ວ່າ: ການປະເມີນອັດຕາການປົກຫຸ້ມຂອງປ່າໄມ້ຢູ່ລາວແມ່ນປະເມີນທຸກ 5 ປີ ເຊິ່ງການປະເມີນຄັ້ງຫລ້າສຸດຈັດຂຶ້ນໃນປີ 2015 ຜ່ານມາ ເຫັນວ່າອັດຕາການປົກຫຸ້ມຂອງປ່າໄມ້ຢູ່ລາວໃນເວລານັ້ນກວມ 58% ຂອງເນື້ອທີ່ທົ່ວປະເທດ, ສ່ວນການປະເມີນໃນປີ 2020 ປັດຈຸບັນພວມເລັ່ງດໍາເນີນຢູ່ ໂດຍຈະໃຫ້ສໍາເລັດໃນອີກບໍ່ດົນນີ້ ແລະ ຄາດວ່າອັດຕາການປົກຫຸ້ມຂອງປ່າໄມ້ໃນລາວຈະຢູ່ທີ່ກວ່າ 60% ເທົ່ານັ້ນ ແຕ່ຈະບໍ່ບັນລຸ 70% ຕາມທີ່ລັດຖະບານໄດ້ວາງຄາດໝາຍເອົາໄວ້.

ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້ - 011 300x280 - ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້

ສາເຫດທີ່ເຮັດໃຫ້ອັດຕາການປົກຫຸ້ມຂອງປ່າໄມ້ໃນລາວບໍ່ບັນລຸຕາມຄາດໝາຍທີ່ລັດຖະບານວາງໄວ້ ແມ່ນມີສອງສາເຫດສໍາຄັນຄື: ສາເຫດທາງດ້ານພາວະວິໄສ ຍ້ອນຄວາມຈໍາເປັນທາງດ້ານການພັດທະນາເສດຖະກິດ-ສັງຄົມ ແລະ ການລຶບລ້າງຄວາມທຸກຍາກຂອງປະຊາຊົນ ເຮັດໃຫ້ມີຄວາມຈໍາເປັນຕ້ອງບຸກເບີກເນື້ອທີ່ປ່າໄມ້ ແລະ ຫັນປ່ຽນທີ່ດິນປ່າໄມ້ສ່ວນໜຶ່ງໄປເປັນດິນປະເພດອື່ນ ເພື່ອພັດທະນາພື້ນຖານໂຄງລ່າງ ເປັນຕົ້ນກໍ່ສ້າງເຂື່ອນໄຟຟ້າ, ຂຸດຄົ້ນບໍ່ແຮ່ ແລະ ອື່ນໆ. ນອກຈາກນີ້, ປະຊາຊົນຜູ້ທຸກຍາກທີ່ອາ​ໄສຢູ່ໃນເຂດຊົນນະບົດມີຄວາມຈໍາເປັນຕ້ອງສືບຕໍ່ບຸກເບີກເນື້ອທີ່ປ່າໄມ້ ເພື່ອຜະລິດກະສິກໍາເປັນສິນຄ້າ ກໍຄືການທໍາມາຫາກິນປະຈໍາວັນເພື່ອຄວາມຢູ່ລອດ.  ສ່ວນສາເຫດທາງດ້ານອັດຕະວິໄສ: ເກີດຈາກຄວາມຂາດສະຕິ ແລະ ເຫັນແກ່ໂຕຂອງບາງກຸ່ມຄົນທີ່ໄດ້ລັກລອບຕັດໄມ້ ແລະ ຄ້າຂາຍໄມ້ຜິດກົດໝາຍແບບມີການຈັດຕັ້ງເປັນລະບົບເຊື່ອມໂຍງກັນ ຍ້ອນຄວາມຕ້ອງການໄມ້ຢູ່ຕະຫລາດນອກປະເທດຍັງມີສູງ. ຂະນະທີ່ການຈັດຕັ້ງປະຕິບັດກົດໝາຍ ແລະ ລະບຽບການທີ່ກ່ຽວຂ້ອງກັບປ່າໄມ້ ລວມເຖິງການຈັດຕັ້ງປະຕິບັດລະບົບ ແລະ ກົນໄກການຄຸ້ມຄອງປ່າໄມ້ຍັງບໍ່ສາມາດປະຕິບັດໄດ້ຢ່າງທົ່ວເຖິງ.

ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້ - Wave100S AD to Website 2020 0 - ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້

ທັງໝົດນີ້, ໄດ້ກາຍເປັນບົດຮຽນອັນລໍ້າຄ່າໃຫ້ແກ່ຂະແໜງການປ່າໄມ້ ກໍຄືລັດຖະບານທີ່ຕ້ອງຖອດຖອນບົດຮຽນ ແລະ ນໍາມາໃຊ້ໃນການກໍານົດນະໂຍບາຍ, ມາດຕະການ ແລະ ວິທີການຄຸ້ມຄອງ, ປົກປັກຮັກສາ, ພັດທະນາ ແລະ ນໍາໃຊ້ປ່າໄມ້ຢູ່ລາວໃນອະນາຄົດໃຫ້ນັບມື້ດີຂຶ້ນກວ່າເກົ່າ.

ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້ - WhatsApp Image 2020 05 27 at 5 - ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້
ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້ - WhatsApp Image 2020 05 27 at 5 - ອັດຕາການປົກຫຸ້ມປ່າໄມ້ຢູ່ລາວ ຈະບໍ່ບັນລຸ 70% ໃນປີ 2020 ຕາມທີ່ຄາດໝາຍໄວ້
error: Alert: ເນື້ອຫາຂ່າວມີລິຂະສິດ !!