ສອນລູກໃຫ້ເປັນຄົນກົງຕໍ່ເວລາຈະຊ່ວຍໃຫ້ລູກກ້າວໜ້າໃນອະນາຄົດ

- advert banner 728 90 728x90 - ສອນລູກໃຫ້ເປັນຄົນກົງຕໍ່ເວລາຈະຊ່ວຍໃຫ້ລູກກ້າວໜ້າໃນອະນາຄົດ

ເລື່ອງສຳຄັນຢ່າງໜຶ່ງທີ່ຜູ້ໃຫຍ່ມັກຈະສອນລູກສອນຫລານກໍຄື : ຄວາມບໍ່ປະໝາດ, ການກົງຕໍ່ເວລາ ຫລື ການບັງຄັບຕົນເອງ ບໍ່ໃຫ້ປະໝາດ ແລະ ເຊື່ອງຊ້າໃນການເຮັດວຽກ ຫລື ພາລະກິດຕ່າງໆໃຫ້ສຳເລັດຕາມທີ່ໄດ້ຮັບມອບໝາຍໄວ້ ເຊິ່ງເປັນຫົວໃຈສຳ ຄັນຂອງທຸກຄວາມກ້າວໜ້າ ເພາະການຜິດເວລາພຽງແຕ່ໜ້ອຍດຽວ ກໍສາມາດເຮັດໃຫ້ເກີດຄວາມເສຍຫາຍໃຫຍ່ຂຶ້ນໄດ້. ເຖິງວ່າຕອນນີ້ລູກຈະເປັນເດັກນ້ອຍ, ແຕ່ຫາກຖືກຫລໍ່ຫລອມ ແລະ ເຕີບໃຫຍ່ຂຶ້ນເປັນຄົນກົງຕໍ່ເວລາ ກໍເປັນເຄື່ອງໝາຍຮັບປະກັນລະດັບໜຶ່ງແລ້ວວ່າເປັນຄົນເອົາໃຈໃສ່ໃນໜ້າທີ່ວຽກງານ, ມີລະບຽບ ແລະ ໄວ້ເນື້ອເຊື່ອໃຈໄດ້ ໂດຍເລື່ອງການເປັນຄົນກົງຕໍ່ເວລານີ້ ພໍ່ແມ່ຄວນສອນໃຫ້ລູກດຳລົງຊີວິດຢ່າງມີເປົ້າໝາຍ ໂດຍລູກຄວນຮຽນຮູ້ວ່າເວລາໃນແຕ່ລະມື້ນັ້ນມີຈຳກັດ ແລະ ເປັນສິ່ງທີ່ມີຄ່າ ເພາະເມື່ອມັນຜ່ານໄປແລ້ວກໍຜ່ານໄປເລີຍ ບໍ່ສາມາດຍ້ອນກັບຄືນມາໃໝ່ໄດ້ ແລະ ບາງເທື່ອກໍອາດເຮັດໃຫ້ລູກເສຍໂອກາດທີ່ດີໆໃນຊີວິດໄປ ຫລາຍຄົນອາດມີຄວາມຄິດວ່າເອົາໄວ້ສອນລູກຕອນໃຫຍ່ກໍໄດ້ ສອນຕອນນີ້ລູກກໍຍັງບໍ່ຮູ້ເລື່ອງ.

- new3 - ສອນລູກໃຫ້ເປັນຄົນກົງຕໍ່ເວລາຈະຊ່ວຍໃຫ້ລູກກ້າວໜ້າໃນອະນາຄົດ

ຄວາມຈິງກໍບໍ່ຜິດ ສອນຕອນໃຫຍ່ກໍໄດ້, ແຕ່ຫາກເລີ່ມຕົ້ນໄວກໍຍິ່ງໄດ້ປຽບກ່ວາແມ່ນບໍ່ ສອນຕັ້ງແຕ່ຍັງນ້ອຍຢູ່ ລູກກໍຈະເຊື່ອມຊຶມຮັບເຂົ້າໄປໃນວິຖີຊີວິດຕິດໂຕໄປຕະຫລອດ ເຊິ່ງທາງວິທະຍາສາດໄດ້ຢັ້ງຢືນວ່າເດັກນ້ອຍໃນໄວກຳລັງຮຽນຮູ້ນີ້ສະໝອງຈະມີການພັດທະນາສູງ ຫລື ອາດເວົ້າໄດ້ວ່າເປັນໄລຍະເວລາທີ່ດີສຸດໃນການຮຽນຮູ້ ແລະ ເຊື່ອມຊຶມສິ່ງຕ່າງໆໄດ້ໄວກ່ວາໄລຍະອື່ນໆຂອງອາຍຸ.

ຕາມທຳມະຊາດຄວາມດື້ຂອງເດັກນ້ອຍກໍອາດເປັນການຍາກແດ່ ຕໍ່ຈາກນີ້ກໍຂຶ້ນຢູ່ກັບຈິດຕະວິທະຍາຂອງພໍ່ແມ່ວ່າຈະມີວິທີການສອນແນວໃດ ເພາະເດັກນ້ອຍແຕ່ລະຄົນກໍຖືກລ້ຽງໃນສະພາບແວດລ້ອມທີ່ຕ່າງກັນ, ວິທີຕ່າງໆກໍອາດຕ້ອງປັບປ່ຽນໄປຕາມສະຖານະການເລື້ອຍໆ.

ການສອນລູກໃນໄວນີ້ໃນເລື່ອງກົງຕໍ່ເວລາ ອາດຮ່ວມປະດິດໂມງຂອງຫລິ້ນຮ່ວມກັບລູກກໍໄດ້ ຄືມີສ່ວນຮ່ວມໂດຍຄວາມເຕັມ ໃຈ ພ້ອມມ່ວນໄປນຳ ເຊິ່ງທ່ານອາດສອນລູກ ເຊັ່ນ : ເຂົາຄວນຮູ້ວ່າເວລາໃດຄວນເຂົ້ານອນ, ຄວນຕື່ນນອນ, ຄວນກິນອາຫານ, ຄວນຫລິ້ນ. ໂຕຢ່າງ : ພໍ່ແມ່ກໍອາດຊີ້ໄປໃສ່ເຂັມໂມງແລ້ວບອກລູກວ່າ ຖ້າເຂັມສັ້ນຮອດເລກ 7 ແມ່ຈະເລົ່ານິທານໃຫ້ລູກຟັງ ແລະ ຖ້າເຂັມສັ້ນຢູ່ເລກ 8 ແມ່ນເວລາທີ່ລູກຈະຕ້ອງນອນ ຫລື ເວລາຫລິ້ນຂອງລູກແມ່ນເລກ 9 ແລະ ຖ້າຮອດເລກ 10 ລູກກໍຈະຕ້ອງເກັບມ້ຽນເຄື່ອງຫລິ້ນ. ສິ່ງເຫລົ່ານີ້ນອກຈາກຊ່ວຍສອນໃຫ້ລູກເຄົາລົບເວລາແລ້ວ ກໍເຮັດໃຫ້ລູກສາມາດບັງຄັບຕົນເອງ ເພື່ອໃຫ້ບັນລຸເປົ້າໝາຍຄວາມສຳເລັດທີ່ຕັ້ງໃຈໄວ້ ແລະ ຮູ້ຈັກລໍຄອຍມີຄວາມອົດທົນຫລາຍຂຶ້ນ, ບໍ່ໂວຍວາຍ ສະແດງອາການໃຈຮ້າຍວ່າ ຕ້ອງໄດ້ຕອນນີ້ດຽວນີ້.

- lattana 1 - ສອນລູກໃຫ້ເປັນຄົນກົງຕໍ່ເວລາຈະຊ່ວຍໃຫ້ລູກກ້າວໜ້າໃນອະນາຄົດ

ຫົວໃຈຫລັກໃນການສອນລູກໃຫ້ກົງຕໍ່ເວລາແມ່ນຄວນເຮັດໃຫ້ເປັນເລື່ອງມ່ວນໆ, ອາລົມດີ ໂດຍອາດໃຊ້ວິທີການຈູງໃຈຕ່າງໆໃຫ້ລູກຢາກເຮັດ ທັງຄຳຍ້ອງຍໍຊົມເຊີຍໃຫ້ກຳລັງໃຈ, ການໃຫ້ລາງວັນ ໂດຍອາດໃຊ້ວິທີເຮັດຕາຕະລາງແບບງ່າຍໆກໍໄດ້ ຖ້າສະສົມດາວຄົບ 5 ດວງ ແມ່ຈະພາລູກໄປກິນກະແລັມ ຫລື ຖ້າລໍຖ້າຈົນຄົບ 10 ດວງ ກໍອາດພາໄປທ່ຽວຫລິ້ນບ່ອນອື່ນໆ ແລະ ສິ່ງສຳຄັນຄວນອະທິບາຍເຫດຜົນຢ່າງງ່າຍໆແຕ່ລະເລື່ອງທີ່ເຮົາສອນລູກ ວ່າຖ້າລູກເຮັດແບບນີ້ແລ້ວຈະມີຜົນທີ່ດີແນວໃດເກີດຂຶ້ທຸກໆເທື່ອຮ່ວມໄປນຳ ເພື່ອເປັນການຍຳ້ຢ່າງສະໝໍ່າສະເໝີເຖິງປະໂຫຍດຂອງການເປັນຄົນກົງຕໍ່ເວລາ.

error: Content is protected !!