ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ

ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - 282 - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ
ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - AGL banner - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ

     ການ​ແຜ່​ລະບາດ​ຂອງ​ເຊື້ອ​ໂຄ​ໂຣນາ​ໄວຣັສປີ້ນ​ທຸລະ​ກິດ​ສາຍ​ການບິນ ​ແລະ ການ​ເດີນທາງ​ທາງ​ອາກາດ​ໄປ​ໂດຍສິ້ນ​ເຊີງ.

ນອກຈາກ​ຫລາຍ​ຖ້ຽວ​ບິນ​ທົ່ວ​ໂລກຈະ​ຕ້ອງ​ຢຸດ​ບິນ​ຊົ່ວຄາວ​ໃນ​ໄລຍະ​ລັອກດາວ ຈົນ​ບາງ​ສາຍ​ການບິນ​ແບກ​ຮັບ​ຕົ້ນທຶນ​ບໍ່​ໄຫວ​ຕ້ອງ​ຍື່ນ​ລົ້ມລະລາຍ​ແລ້ວ, ​ໃນ​ອະນາຄົດ​ການ​ເດີນທາງ​ດ້ວຍ​ເຮືອບິນ​ຈະ​ບໍ່​ຄື​ເກົ່າ​ອີກ​ຕໍ່​ໄປ ທັງ​ໃນ​ເບື້ອງຜູ້​ໂດຍສານ ​ແລະ ສາຍ​ການບິນ.

ນອກຈາກ​ມາດ​ຕະການ​ຮັກສາ​ສຸຂະພາບ​ເຊັ່ນ: ການ​ລ້າງ​ມື, ການ​ໃສ່​ຜ້າ​ອັດ​ປາກ-ດັງ, ການກວດ​ວັດ​ແທກ​ອຸນຫະພູມ​ທີ່​ເຂັ້ມງວດ​ແລ້ວ ສາຍ​ການບິນ​ຍັງ​ຕ້ອງ​ເວັ້ນ​ໄລຍະ​ຫ່າງ​ທາງ​ສັງຄົມ (social distancing) ​ໂດຍ​ການ​ບໍ່​ຈຳໜ່າຍ​ປີ້​ບ່ອນ​ນັ່ງ​ທາງ​ກາງ ​ແລະ ອາດ​ຈະ​ຕ້ອງ​ປ່ອຍ​ບ່ອນ​ນັ່ງ 3 ​ແຖວ​ສຸດ​ທ້າຍ​ໄວ້ ​ເພື່ອ​ກໍລະນີ​ສຸກ​ເສີນ​ນຳ​ອີກ.

ສະມາຄົມ​ຂົນ​ສົ່ງ​ທາງ​ອາກາດ​ສາກົນ (IATA) ​ເປີດ​ເຜີຍ​ວ່າ: ມາດ​ຕະການ social distancing ສົ່ງ​ຜົນ​ກະທົບ​ຕໍ່​ລາຍ​ໄດ້​ຂອງ​ສາຍ​ການບິນ​ໂດຍ​ກົງ ​ເນື່ອງ​ຈາກ​ສາຍ​ການບິນ​ຕ້ອງ​ຫລຸດ​ຈຳນວນ​ຜູ້​ໂດຍສານ​ຕໍ່​ຖ້ຽວ​ເຫລືອ​ພຽງ 62% ຂອງ​ບ່ອນ​ນັ່ງ​ທັງ​ໝົດ ​ເຊິ່ງຕໍ່າ​ກວ່າ​ຈຸດ​ກຸ້ມ​ທຶນ​ສະ​ເລ່ຍທີ່​ຕ້ອງ​ຂາຍ​ບ່ອນ​ນັ່ງ​ໃຫ້​ໄດ້​ຢ່າງ​ໜ້ອຍ 77%. ​ເມື່ອ​ຂາຍ​ປີ້​ໄດ້​ໜ້ອຍ​ລົງ ລາຄາ​ບ່ອນ​ນັ່ງ​ອາດ​ຕ້ອງ​ສູງ​ຂຶ້ນ.

IATA ​ເຕືອນ​ວ່າ: ມາດ​ຕະການ social distancing ຈະ​​ເຮັດ​ໃຫ້​ປີ້​ເຮືອບິນ​ສູງ​ຂຶ້ນ 43-45% ​ເພື່ອ​ໃຫ້​ສາຍ​ການບິນ​ມີ​ລາຍ​ໄດ້​ກຸ້ມ​ທຶນ.

ຂະນະ​ທີ່ Forbes ລະບຸ​ວ່າ: ຜູ້​ໂດຍສານ​ຕ້ອງ​ຈົກ​ເງິນ​ຈ່າຍ​ຄ່າ​ໂດຍສານ​ເພີ່ມ​ຂຶ້ນກວ່າ​ເກົ່າ 2 ​ເທົ່າ ​ໂດຍ​ຖ້ຽວ​ບິນ​ໄປ​ກັບ​ຈາກ​ເມືອງ​ແອດ​ແລນ​ຕາ​ຂອງ​ອາ​ເມ​ລິ​ກາ​ໄປ​ນະຄອນຫລວງ​ປາຣີຂອງຝຣັ່ງ​ໃນ​ຊັ້ນປະຢັດ​ຊ່ວງ​ຕົ້ນ​ເດືອນ​ມິຖຸນາ​ຈະ​​ເຖິງ​ນີ້ຂອງ​ສາຍ​ການບິນ​ເດລຕ້າ​ແອຣລາຍ ມີ​ລາຄາ 2.126 ​ໂດ​ລາ​ສະຫະລັດ, ສ່ວນ​ປີ້​ຊັ້ນ​ເຟິສຄລາສ​ເສັ້ນທາງ​ດຽວ​ກັນ​ມີ​ລາຄາ 7.085 ​ໂດ​ລາ​ສະຫະລັດ.

​ເດລຕ້າ​ອາດ​ຈະ​ເພີ່ມ​ລາຄາ​ສູງ​ກວ່າ​ສາຍ​ການບິນ​ອື່ນ​ເລັກ​ໜ້ອຍ ​ເພາະ​ຖ້ຽວ​ບິນ​ໄປ​ກັບ​ຈາກ​ປາຣີ-ລອສ​ແອ​ງ​ເຈ​ລິ​ສ ນັບ​ແຕ່​ວັນ​ທີ 28 ພຶດສະພາ​ເປັນຕົ້ນ​ໄປ ຂອງ​ສາຍ​ການບິນ​ລຸບຮັນ​ຊາ​ມີ​ລາຄາ 970 ​ໂດ​ລາ​ສະຫະລັດ ສຳລັບ​ຊັ້ນປະຢັດ ​ແລະ 1.330 ​ໂດ​ລາ​ສະຫະລັດ ສຳລັບ​ຊັ້ນປະຢັດ​ພຣີມ່ຽມ.

ລາຄາ​ປີ້​ທີ່​ແຕກ​ຕ່າງ​ກັນ​ຂອງ​ສອງ​ສາຍ​ການບິນ​ນີ້​ບອກ​ໄດ້​ເປັນ​ຢ່າງ​ດີ​ວ່າ: ສ່ວນ​ໜຶ່ງ​ລາຄາ​ປີ້​ຂຶ້ນຢູ່​ກັບ​ສາຍ​ການບິນ​ທີ່​ຜູ້​ໂດຍສານ​ເລືອກ​ໃຊ້​ບໍລິການ.

ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - Wave100S AD to Website 2020 0 - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ

​ໄລຍະ​ເດືອນ​ມີນາ​ທີ່ Covid-19 ​ເລີ່​ມລະບາດ​ຢູ່​ເອີຣົບ ສາຍ​ການບິນ​ເດລຕ້າ ລວມທັງ​ສາຍ​ການບິນ​ອື່ນໆ​ຂາຍ​ປີ້​ພຽງ 285 ​ໂດ​ລາສະຫະລັດ, ​ແຕ່​ຕອນ​ນີ້​ຄ່າ​ປີ້​ເດລຕ້າ​ເພີ່ມ​ຂຶ້ນກວ່າ 600%.

ລາຄາ​ທີ່​ເພີ່ມ​ຂຶ້ນນີ້​ບໍ່​ໄດ້​ເກີດ​ຈາກ​ພາລະ​ຄ່າ​ໃຊ້​ຈ່າຍ​ທີ່​ສາຍ​ການບິນ​ຕ້ອງ​ແບກ​ຮັບ​ຈາກ​ການ​ປະຕິບັດ​ຕາມ​ມາດ​ຕະການ social distancing ​ເທົ່າ​ນັ້ນ, ​ແຕ່​ຍັງ​ລວມ​ເຖິງ​ຄ່າ​ດຳ​ເນີນ​ການ​ເພີ່ມ​ຕື່ມ​ຂອງ​ສາຍ​ການບິນ ​ເພື່ອ​ປ້ອງ​ກັນ​ການ​ແຜ່​ລະບາດ​ຂອງ​ເຊື້ອ​ໂຄ​ໂຣນາ​ໄວຣັສ.

​ເມື່ອ​ສະໜາມ​ບິນ​ມີຄ່າ​ໃຊ້​ຈ່າຍ​ເພີ່ມ​ຂຶ້ນ ຕົ້ນທຶນ​ເຫລົ່າ​ນີ້​ກໍຕົກ​ມາ​ຢູ່​ສາຍ​ການບິນ ​ໂດຍ​ສາຍ​ການບິນ​ກໍ​ບວກ​ເພີ່ມ​ເອົາ​ຈາກ​ຜູ້​ໂດຍສານ​ຕາມ​ຫລັກການ​ຄ້າຂາຍ​ທົ່ວ​ໄປ.

ຄ່າ​ໂດຍສານ​ເພີ່ມ​ຂຶ້ນສອງ​ເທົ່າ​ອາດ​ຈະ​ສູງ​ແລ້ວ, ​ແຕ່​ສາຍ​ການບິນ​ຄອນ​ຕັສຂອງ​ອົດ​ສະຕຣາລີບ​ອກວ່າ: ລາຄາ​ປີ້​ເຮືອບິນ​ອາດ​ຈະ​ຕ້ອງ​ເພີ່ມ​ຂຶ້ນກວ່າ​ເກົ່າ​ເຖິງ 9 ​ເທົ່າ ​ເພາະ​ຖ້າ​ສາຍ​ການບິນ​ປະຕິບັດ​ຕາມ​ມາດ​ຕະການ social distancing ​ເຮືອບິນ​ທີ່​ມີ​ 128 ບ່ອນ​ນັ່ງ ຈະ​ຂາຍ​ປີ້​ໂດຍສານ​ໄດ້​ພຽງ 22 ບ່ອນ​ນັ່ງ​ເທົ່າ​ນັ້ນ.

ຂະນະ​ທີ່​ເວັບ​ໄຊ The Indian Express ລາຍ​ງານ​ວ່າ: ກະຊວງ​ການບິນ​ພົນລະ​ເຮືອນ​ອິນ​ເດຍປະກາດ​ວ່າ: ຈະ​ຈຳກັດ​ເພດານ​ລາຄາ​ປີ້​ເຮືອບິນ​​ເສັ້ນທາງ​ໃນ​ປະ​ເທດ​ເປັນ​ເວລາ 3 ​ເດືອນ ​ໂດຍ​ໃຊ້​ເກນ​ໄລຍະ​ເວລາ​ການບິນ​ໃນ​ການ​ແບ່ງ​ກຸ່ມ ​ເນື່ອງ​ຈາກ​ມີ​ຄວາມ​ເປັນ​ໄປ​ໄດ້ວ່າ ປີ້​ເຮືອບິນ​ຈະລາ​ຄາ​ສູງ​ຂຶ້ນ.

ດ້ວຍ​ເຫດ​ນີ້ ຫລັງ​ການ​ຫລຸດຜ່ອນ​ມາດ​ຕະການ​ລັອກດາວ ລາຄາ​ປີ້​ເຮືອບິນ​ຈາກ​ເດ​ລີ​ໄປ​ມຸມ​ໄບອາດ​ສູງ​ເຖິງ 10.000 ຣູປີ ຈາກ 5.000 ຣູປີ, ​ແຕ່​ຖ້າ​ລາຄາ​ສູງ​ເກີນ​ໄປ ຜູ້​ໂດຍສານ​ອາດ​ຈະ​ຍັງ​ບໍ່​ເດີນທາງ ຫລື ​ເລືອກ​ເດີນທາງ​ວິທີ​ອື່ນ ຖ້າ​ເປັນ​ເສັ້ນທາງ​ພາຍ​ໃນ​ປະ​ເທດ. ຂະນະ​ທີ່ ສາຍ​ການບິນ​ຕ້ອງການ​ລາຍ​ໄດ້​ຈາກ​ຜູ້​ໂດຍສານ​ຫລາຍ​ທີ່​ສຸດ.

ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - WhatsApp Image 2020 05 27 at 5 - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ
ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - WhatsApp Image 2020 05 27 at 5 - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ
ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - WhatsApp Image 2020 05 27 at 5 - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ
ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ - WhatsApp Image 2020 05 27 at 5 - ຮັບໄດ້ບໍ່ ! ຖ້າລາຄາປີ້ເຮືອບິນ ຈະເພີ່ມຂຶ້ນ 9 ເທົ່າ ຫລັງຍຸກໂຄວິດ
error: Alert: Content is protected !!