7 ເຄັດລັບງ່າຍໆຊ່ວຍສ້າງແຮງໃຈໃຫ້ແກ່ຊີວິດທ່ານ

- advert banner 728 90 728x90 -      7 ເຄັດລັບງ່າຍໆຊ່ວຍສ້າງແຮງໃຈໃຫ້ແກ່ຊີວິດທ່ານ

ຄວາມຈິງແລ້ວ ຢາທີ່ໃຊ້ປິ່ນປົວອາການຂາດແຮງບັນດານໃຈໄດ້ດີທີ່ສຸດກໍແມ່ນໂຕເຮົາເອງ ຕໍ່ໄປນີ້ກໍແມ່ນ 7 ເຄັດລັບໃນການສ້າງແຮງໃຈໃຫ້ຕົນເອງແບບງ່າຍໆ.

- new3 -      7 ເຄັດລັບງ່າຍໆຊ່ວຍສ້າງແຮງໃຈໃຫ້ແກ່ຊີວິດທ່ານ
  1. ເປົ້າໝາຍດີ ມີໄຊໄປເຄິ່ງໜຶ່ງ : ຕັ້ງເປົ້າໝາຍໃຫ້ຈະແຈ້ງ ເພາະຫາກມີເປົ້າໝາຍໃນຊີວິດທີ່ຈະແຈ້ງ ແລະ ຊື່ສັດກັບມັນຫລາຍພໍ ເປົ້າໝາຍຈະເຮັດໜ້າທີ່ປຽບດັ່ງເຂັມທິດນຳທາງທ່ານໄປສູ່ຄວາມສຳເລັດໄດ້. ຄວາມຈິງແລ້ວ ທ່ານກໍປຽບດັ່ງແກ່ນພືດທີ່ລໍຖ້າມື້ຜະລິດດອກອອກໝາກ ເປົ້າໝາຍກໍປຽບດັ່ງດິນທີ່ເປັນແຫລ່ງອາຫານຂອງແກ່ນພືດ ເປົ້າໝາຍທີ່ດີກໍປຽບດັ່ງດິນທີ່ດີ ແລະ ແນ່ນອນໃນບໍ່ຊ້າມັນຈະຊ່ວຍໃຫ້ທ່ານຈະເລີນເຕີບໃຫຍ່ເປັນຕົ້ນໄມ້ໃຫຍ່ ເຊິ່ງປຽບໄດ້ກັບຄວາມສຳເລັດຂອງທ່ານເອງ ດັ່ງນັ້ນ ຈົ່ງຕັ້ງເປົ້າໝາຍຊີວິດໃຫ້ດີ ແລ້ວລົງມືເຮັດຢ່າງຕັ້ງໃຈ ຢ່າລືມວ່າຊີວິດທ່ານມີເວລາບໍ່ຫລາຍ.
  2. ຫາຈຸດດ້ອຍຂອງຕົນເອງໃຫ້ພົບ : ທ່ານຕ້ອງຫາໃຫ້ໄດ້ວ່າຈຸດດ້ອຍຂອງທ່ານແມ່ນຫຍັງ ? ທັກສະ, ຄຸນລັກສະນະ ຫລື ອັນໃດທີ່ທ່ານຍັງຂາດຢູ່ແດ່ ? ຫາໃຫ້ພົບວ່າທ່ານຍັງຈະຕ້ອງພັດທະນາໃນດ້ານໃດອີກ ຫາກທົບທວນເບິ່ງແລ້ວ ແຕ່ຍັງຫາບໍ່ໄດ້ ລອງຖາມຄົນໃກ້ຊິດທ່ານເບິ່ງ ເພາະບຸກຄົນເຫລົ່ານີ້ຈະໃຫ້ຄຳຕອບກັບທ່ານໄດ້ຢ່າງແນ່ນອນ. ຈົ່ງຫາໃຫ້ພົບວ່າອັນໃດທີ່ເຮັດໃຫ້ທ່ານຕົກຕໍ່າ, ຢຸດຢູ່ກັບບ່ອນ ຫລື ແມ່ນແຕ່ອັນໃດທີ່ຂັດຂວາງທ່ານບໍ່ໃຫ້ປະສົບຄວາມສຳເລັດ.
  3. ຜູກສຳພັນໄມຕີກັບຄົນດີ ແລະ ຄົນເກັ່ງ : ຄຳເວົ້າທີ່ວ່າ ຄົບຄົນພານພານພາໄປຫາຜິດ ຄົບບັນດິດ ບັນດິດພາໄປຫາຜົນ ຍັງຄົງເຕືອນໃຈເຮົາໄດ້ສະເໝີ ຄຳຖາມກໍຄື ໃຜທີ່ທ່ານຄວນຢູ່ໃກ້ຫລາຍທີ່ສຸດ ແນ່ນອນກໍຕ້ອງແມ່ນຄົນທີ່ມີທັດສະນະຄະຕິທີ່ດີ, ຄົນທີ່ມີເປົ້າໝາຍໃນຊີວິດຈະແຈ້ງ, ຄົນທີ່ຮູ້ໂຕດີວ່າພວກເຂົາກຳລັງເຮັດຫຍັງຢູ່ ແລະ ຮູ້ວ່າສິ່ງໃດທີ່ຈະນຳພາພວກເຂົາໄປສູ່ຄວາມສຳເລັດນັ້ນໄດ້ ຍິ່ງຜູ້ຄົນອ້ອມຂ້າງທ່ານມີແຕ່ຄົນທີ່ດີ ແລະ ເກັ່ງ ທ່ານກໍຍິ່ງຈະໄດ້ຮັບແຮງໃຈຫລາຍຂຶ້ນເທົ່ານັ້ນ.

ແນວໃດກໍຕາມ, ຢູ່ໃຫ້ຫ່າງຈາກຄົນທີ່ເບິ່ງໂລກໃນແງ່ຮ້າຍເຂົ້າໄວ້ຈະດີທີ່ສຸດ ເພາະການຢູ່ກັບຄົນພວກນີ້ນອກຈາກຈະບໍ່ຊ່ວຍໃຫ້ທ່ານເຂົ້າໃຈຄວາມສຳເລັດແລ້ວ ຊຳ້ພັດຈະເປັນພິດຮ້າຍຕໍ່ທ່ານນຳອີກ ເພາະພວກເຂົາຈະເມົາແຕ່ຈົ່ມ ແລະ ຫຍໍ້ທໍ້ກັບບັນຫາທີ່ໂຮມເຂົ້າມາ ເຊິ່ງມັນບໍ່ເປັນຜົນດີກັບທ່ານແນ່ນອນ.

- lattana 1 -      7 ເຄັດລັບງ່າຍໆຊ່ວຍສ້າງແຮງໃຈໃຫ້ແກ່ຊີວິດທ່ານ
  1. ຫັນມາເອົາໃຈໃສ່ໂຕເອງ : ສິ່ງສຳຄັນອີກຢ່າງໜຶ່ງຄົງໜີບໍ່ພົ້ນເລື່ອງຂອງສຸຂະພາບ ເຊິ່ງການຈະມີສຸຂະພາບທີ່ດີກໍເປັນເລື່ອງທີ່ເຂົ້າໃຈກັນດີຢູ່ແລ້ວວ່າຮ່າງກາຍເຮົາຄວນເລືອກກິນອາຫານທີ່ດີ, ມີປະໂຫຍດຕໍ່ສຸຂະພາບ, ອອກກຳລັງກາຍຢ່າງສະໝໍ່າສະເໝີ ແລະ ພັກຜ່ອນໃຫ້ພຽງພໍ ຍິ່ງຖ້າທ່ານຕ້ອງເຮັດວຽກໜັກຕະຫລອດອາທິດ ກໍຍິ່ງຈະຕ້ອງເຂົ້ານອນໃຫ້ໄວຢ່າງໜ້ອຍ 5 ມື້ຕໍ່ອາທິດ ຈົ່ງຕື່ມພະລັງໃຫ້ຮ່າງກາຍສະເໝີ ພ້ອມສຳລັບການເລີ່ມຕົ້ນມື້ໃໝ່ຢ່າງສົດໃສໝັ້ນໃຈ ແລະ ເຮັດວຽກຢ່າງມີປະສິດທິພາບ.
  2. ຈົ່ງເຊື່ອວ່າທ່ານເກັ່ງທີ່ສຸດ : ສິ່ງສຳຄັນຄື ຈົ່ງຈື່ໄວ້ສະເໝີວ່າທຸກໆຄວາມສຳເລັດທີ່ຍິ່ງໃຫຍ່ໃນຊີວິດມັກເລີ່ມຕົ້ນຈາກຈຸດນ້ອຍໆ ດັ່ງການເບິ່ງເຫັນຄຸນຄ່າຂອງໂຕເອງ ດັ່ງນັ້ນ ບໍ່ວ່າທ່ານຈະກຳລັງລົງມືເຮັດຫຍັງຢູ່ກໍຕາມ ຈື່ໄວ້ສະເໝີວ່າທ່ານເກັ່ງທີ່ສຸດ.
  3. ເວົ້າເລື່ອງດີໆກັບໂຕເອງໃຫ້ເປັນ : ກ່ອນອື່ນເລີຍ ລອງພະຍາຍາມຄວບຄຸມຄວາມຄິດ ແລະ ຝຶກເວົ້າແຕ່ສິ່ງດີໆໃຫ້ໂຕເອງຟັງເປັນປະຈຳ ເຊັ່ນ : ຂ້ອຍນີ້ລະເກັ່ງທ່ີສຸດ ຫລື ຂ້ອຍຮັກທີ່ໂຕເອງເປັນແບບນີ້ ຫລື ຂ້ອຍຮັກວຽກທີ່ຂ້ອຍເຮັດ ນອກຈາກຈະໝັ່ນເວົ້າສິ່ງເຫລົ່ານີ້ກັບໂຕເອງແລ້ວ ສິ່ງສຳຄັນຄືທ່ານຕ້ອງເຊື່ອໃນສິ່ງທີ່ທ່ານເວົ້ານຳ ທ່ານອາດກຳລັງສົງໄສວ່າມັນຄືການຕົວະໂຕເອງຫລືບໍ່ ຄຳຕອບຄື ບໍ່ ເພາະມັນແມ່ນຄວາມຈິງ ແມ່ນສິ່ງທີ່ຈະເກີດກັບທ່ານແນ່ນອນໃນອະນາຄົດ ເຖິງວ່າຄົນເຮົາຈະເລືອກເກີດບໍ່ໄດ້ ແຕ່ຢ່າລືມວ່າເຮົາເລືອກທີ່ຈະເປັນໄດ້ສະເໝີ.

ເຄັດລັບກໍຄື ໝັ່ນເວົ້າກັບໂຕເອງໃນທາງທີ່ທ່ານຢາກເຫັນໂຕເອງເປັນ ແລະ ຈົ່ງຈື່ໄວ້ວ່າຊີວິດທ່ານໃນຕອນນີ້ອາດເປັນພຽງຄວາມບັງເອີນທີ່ທ່ານບໍ່ມີທາງເລືອກ ແຕ່ອະນາຄົດຂອງທ່ານຍ່ອມບໍ່ແມ່ນເລື່ອງບັງເອີນແນ່ນອນ ເພາະທ່ານເລືອກໄດ້ວ່າຈະໃຫ້ມັນອອກມາເປັນແບບໃດ.

  1. ກະຕືລືລົ້ນ ແລະ ຫ້າວຫັນເຂົ້າໄວ້ : ລອງເຮັດຫຍັງດ້ວຍຄວາມກະຕືລືລົ້ນເບິ່ງ ຢ່າງໜ້ອຍມັນກໍເປັນນິໄສທີ່ສ້າງໄດ້ ແລະ ຍັງຈະເຮັດໃຫ້ທ່ານໂດດເດັ່ນກ່ວາຄົນອື່ນ, ເຊົາອັກຄະຕິກັບທຸກສິ່ງແລ້ວຫັນມາລົງມືເຮັດ ຈື່ໄວ້ວ່າເມື່ອໃດກໍຕາມທີ່ມີຄວາມຄິດດີໆເຂົ້າມາໃນຫົວ ໃຫ້ຟ້າວລົງມືເຮັດທັນທີ ຍິ່ງທ່ານລົງມືເຮັດໄວເທົ່າໃດມັນກໍດີຕໍ່ໂຕທ່ານເທົ່ານັ້ນ ເພາະມັນໝາຍຄວາມວ່າທ່ານກຳລັງພະຍາຍາມມອບສິ່ງດີໆໃຫ້ກັບໂຕທ່ານເອງ ທ່ານກຳລັງຮັກໂຕເອງຫລາຍຂຶ້ນ ແລະ ຜົນທ່ີຕາມມາຈາກການຮັກໂຕເອງກໍຄື ທ່ານກໍຈະເຄົາລົບ ແລະ ມີລະບຽບວິໄນໃນໂຕເອງຫລາຍຍິ່ງຂຶ້ນໂດຍອັດຕະໂນມັດ.
error: Content is protected !!