ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ

ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - 63 1 - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ
ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - AGL banner - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ

ວັນທີ 27 ພຶດສະພາ, ເຈົ້າໜ້າທີ່ຍີ່ປຸ່ນໄດ້ຈັບຜູ້ຕ້ອງສົງໄສທ້າວ Shinji Aoba, ອາຍຸ 42 ປີ ເຊື່ອວ່າເປັນຜູ້ເຜົາສາງເອກກະສານຮູບເງົາກາຕູນຂອງ Kyoto Animation ອັນເຮັດໃຫ້ມີຜູ້ເສຍຊີວິດ 36 ຄົນ ໃນປີກາຍນີ້.

ໂຄສົກເຈົ້າໜ້ທີ່ຕຳຫຼວດຍີ່ປຸ່ນ, ມື້ນີ້ ຢືນຢັນວ່າ: “ພວກເຮົາໄດ້ຈັບ Shinji Aoba, ອາຍຸ 42 ປີ ດ້ວຍຂໍ້ຫາຂ້າຄົນ 36 ຄົນ ດ້ວຍວິທີຍິງລູກໄຟເຂົ້າໄປໃສ່ສາງເອກກະສານຮູບເງົາ”.

ຂໍ້ຕົກລົງຈັບຕົວ Aoba ມີຂຶ້ນ 10 ເດືອນກ່ອນໜ້ານີ້ ພາຍຫຼັງສາງເອກກະສານຮູບເງົາກາຕຸນໃນນະຄອນ Kyoto ຖືກເຜົາ ແລະ ມີຜູ້ເສຍຊີວິດ 36 ຄົນ, ບາດເຈັບຫຼາຍຄົນ. ພາຍຫຼັງເຫດການເກີດຂຶ້ນເຈົ້າໜ້າທີ່ຕຳຫຼວດກໍພົບເຫັນ Aoba ທີ່ມີບາດແຜຮູນແຮງ ແລະ ເຂົາກໍຖືກນຳສົ່ງໄປປິ່ຮປົວຢູ່ໂຮງໝໍແຫ່ງໜຶ່ງ. ເຂົາບໍ່ຮູ້ເມື່ອຄີງເປັນເວລາຫຼາຍອາທິດ.

Aoba ຍອມຮັບສາລະພາບຕໍ່ການກະທຳ, ເຖິງຢ່າງໃດກໍຕາມ ຈຸດປະສົງການກະທຳຂອງເຂົາຍັງບໍ່ທັນເປັນອັນທີ່ກະຈ່າງແຈ້ງເທື່ອ. ຂ່າວບາງສື່ໃຫ້ຮູ້ວ່າ Aoba ຖືກ Kyoto Animation ກ່າວຫາວ່າ ເປັນຜູ້ລັກເອົາເອກກະສານຂອງຕົນ.

ໂທລະພາບ NHKຂອງຍີ່ປຸ່ນ ອອກຂ່າວວ່າ: ປັດຈຸບັນ Aoba ກຳລັງໄດ້ຮັບການຟື້ນຟຸສຸຂະພາບໃຫ້ດີຂຶ້ນຕາມລຳດັບ, ທາງເຈົ້າໜ້ທີ່ໄດ້ກະກຽມສະຖານທີ່ປິ່ນປົວໃຫ້ເຂົາຢູ່ກັບສະຖານີຕຳຫຼວດແຫ່ງໜຶ່ງ ຊຶ່ງເປັນບ່ອນຈະສອບສວນເຂົາ. ເຈົ້າໜ້າທີ່ຕຳຫຼວດຈະປະກາດຜົນຂອງການສອບສວນທາງໂທລະພາບໃນມື້ນີ້ເອງ.

Kyoto Animation ມີຄວາມຫວັງວ່າ ຈຳເລີຍຈະຖືກຕັດສິນໂທດສູງສຸດ ແລະ ປະກາດວ່າ: “ພວກເຮົາບໍ່ມີຄຳເວົ້າໃດໆຕໍ່ກັບຈຳເລີຍອີກແລ້ວ. ເພາະຜູ້ຕາຍເຂົາກໍຕາຍໄປແລ້ວ”.

ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - Wave100S AD to Website 2020 0 - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ

ການທີ່ຍິງດອກໄຟເຂົ້າໃສ່ສາງເອກກະສານຮູບເງົາກະຕຸນ ມັນເປັນພຶດຕິກຳກໍ່ການຮ້າຍ ທີ່ຮ້າຍແຮງທີ່ສຸດໃນຫຼາຍທົດສະວັດທີ່ຜ່ານມາຢູ່ໃນຍີ່ປຸ່ນ.

ເຫດການດັ່ງກ່າວໄດ້ສ້າງຄວາມສະຫຍອງຂວັນໃຫ້ແກ່ມວນຊົນທີ່ມັກຮັກຮູບເງົາກະຕຸນໃນທົ່ວໂລກ ແລະ ໄດ້ຮັບຄຳເຫັນສະແດງຄວາມເສຍໃຈຂອງຜູ້ນຳໃນທົ່ວໂລກເຊັ່ນ: ນາຍົກລັດຖະມົນຕີ ການາດາ ທ່ານ Justin Trudeau ແລະ ຈາກຜູ້ອຳນວຍການບໍລິຫານ Apple Tim Cook.

ຂ່າວ: ລູກເມືອງພວນ(ອີງຕາມແຫຼ່ງຂ່າວ vnExpress)

 

ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - WhatsApp Image 2020 05 27 at 5 - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ
ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - WhatsApp Image 2020 05 27 at 5 - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ
ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - WhatsApp Image 2020 05 27 at 5 - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ
ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ - WhatsApp Image 2020 05 27 at 5 - ຍີ່ປຸ່ນຈັບຜູ້ຕ້ອງສົງໄສເຜົາສາງເອກກະສານຮູບເງົາ
  • 1025 Posts
  • 0 Comments
iLike/LPN/20
error: Alert: Content is protected !!