ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ

ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ - 288 - ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ
ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ - Untitled design - ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ

ເພື່ອເປັນການປູກທົດແທນປ່າໄມ້ທີ່ຖືກທໍາລາຍຈາກໄພທໍາມະຊາດ, ການພັດທະນາໂຄງລ່າງ, ການບຸກລຸກທໍາລາຍຂອງປະຊາຊົນໃນການຖາງປ່າເຮັດໄຮ່ ແລະ ທັງເຮັດໃຫ້ປ່າໄມ້ມີຄວາມປົກຫຸ້ມໃຫ້ໄດ້ 70% ຂຶ້ນໄປ ໂດຍສະເພາະແມ່ນຂະບວນການວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2020 ທີ່ໄດ້ໜູນວຽນມາຮອດອີກວາລະໜຶ່ງ. ແຂວງໄຊຍະບູລີໄດ້ມີແຜນການຫ້າງຫາກະກຽມໃນວັນປູກຕົ້ນໄມ້ແຫ່ງຊາດ ມີເນື້ອທີ່ທັງໝົດ 350 ເຮັກຕາ.

ຫົວໜ້າພະແນກ ກະສິກໍາ ແລະ ປ່າໄມ້ແຂວງ ກ່າວວ່າ: ໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2020 ປີນີ້ ແຂວງໄຊຍະບູລີມີແຜນປູກຕົ້ນ​ໄມ້​ໃຫ້ໄດ້ທັງໝົດ 350 ເຮັກຕາ. ມາຮອດປະຈຸບັນແມ່ນສໍາຫຼວດເນື້ອທີ່ຈະປູກຕົ້ນໄມ້ມີທັງໝົດ 102,04 ເຮັກຕາ ແລະ ຈະປູກໃນພິທີວັນທີ 1 ມິຖຸນາ 2020 ມີເນື້ອທີ່ທັງໝົດ 100,13 ເຮັກຕາ. ເບ້ຍໄມ້ທີ່ນໍາມາປູກສ່ວນໃຫຍ່ຈະແມ່ນໄມ້ປະດັບ ແລະ ໄມ້ອຸດສາຫະກໍາເຊັ່ນ: ໄມ້ດູ່, ໄມ້ຄ່າ, ໄມ້ແຄນ, ໄມ້ກວາງແດງ, ໄມ້ຄູນພື້ນເມືອງ, ໄມ້ຂົມຝາດ, ໄມ້ກາກະເລົາ, ໄມ້ສັກ, ໄມ້ຕີນເປັດ ແລະ ໄມ້ອື່ນໆອີກຈໍານວນໜຶ່ງ. ປີຜ່ານມາເກັບແກ່ນໄມ້ໃຫ້ໄດ້ 500 ກິໂລ ມາຮອດປະຈຸບັນປະຕິບັດໄດ້ 1.559 ກິໂລ ມີແກ່ນໄມ້ສັກ, ແກ່ນໄມ້ດູ່, ໄມ້ແຕ້ຄ້າ, ແກ່ນໄມ້ຂົມຝາດ, ແກ່ນໄມ່ປະດັບ, ແກ່ນໄມ້ຂີ້ເຫຼັກ ແລະ ແກ່ນໄມ້ດູ່ລາຍ ແລະ ການຜະລິດເບ້ຍໄມ້ໃຫ້ໄດ້ 5 ແສນເບ້ຍ. ມາຮອດປະຈຸບັນປະຕິບັດໄດ້ຈໍານວນ 540.000 ກວ່າເບ້ຍ. ທ່ານຍັງໃຫ້ຮູ້ຕື່ມວ່າ ພາຍຫຼັງພິທີປູກຢ່າງເປັນທາງການໃນວັນທີ 1 ມິຖຸນາ ສໍາເລັດແລ້ວຢູ່ແຕ່ລະເມືອງຈະໄດ້ສືບຕໍ່ປູກຢູ່ຕາມຈຸດຕ່າງໆຂອງເມືອງກຳນົດຈົນເຖິງວັນທີ 31 ມິຖຸນາ ໃນນີ້ປູກກ່ອນວັນທີ 1 ມິຖຸນາ ຈໍານວນ 1,92 ເຮັກຕາ ຈໍານວນ 3 ຕອນ, ປູກວັນທີ 1 ມິຖຸນາ 2020 ມີ 100,13 ເຮັກຕາ ຈໍານວນ 28 ຕອນ. ສືບຕໍ່ປູກຫຼັງວັນທີ 1 ມິຖຸນາ 2020 ມີ 250 ເຮັກຕາ.

ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ - Wave100S AD to Website 2020 0 - ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ
ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ - WhatsApp Image 2020 05 27 at 5 - ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ
ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ - WhatsApp Image 2020 05 27 at 5 - ໄຊຍະບູລີມີແຜນປູກໄມ້ໃຫ້ໄດ້ 350 ເຮັກຕາ ໃນວັນປູກຕົ້ນໄມ້ແຫ່ງຊາດ
error: Alert: ເນື້ອຫາຂ່າວມີລິຂະສິດ !!