ປີນີ້ ປູກປ່າຮັກສາຄຸນນະພາບ

ປີນີ້ ປູກປ່າຮັກສາຄຸນນະພາບ - 1212 - ປີນີ້ ປູກປ່າຮັກສາຄຸນນະພາບ
ປີນີ້ ປູກປ່າຮັກສາຄຸນນະພາບ - AGL banner - ປີນີ້ ປູກປ່າຮັກສາຄຸນນະພາບ

ໂດຍ: ມຶກບໍ່ແຫ້ງ

ພວກເຮົາມີວັນປູກຕົ້ນໄມ້ແຫ່ງຊາດວັນທີ 1 ມິຖຸນາຂອງທຸກປີ, ຜ່ານມາພວກເຮົາມັກອວດອ້າງເລື່ອງເນື້ອທີ່ ການປູກ, ຈຳນວນຕົ້ນໄມ້ ທີ່ຈະປູກແຕ່ ບົດຮຽນທີ່ຖອດຖອນໄດ້ກໍຄືອັດຕາການລອດຂອງໄມ້ທີ່ປູກນັ້ນຍັງຕໍ່າ, ຄັນຊັ້ນເປັນຫຍັງຄືບໍ່ປູກໜ້ອຍຈຶ່ງຄ່ອຍບົວລະບັດໄດ້.

ໃນປີນີ້ ລັດຖະບານວາງແຜນປູກຕົ້ນໄມ້ ໃຫ້ໄດ້ 11 ລ້ານຕົ້ນໃນເນື້ອທີ່ 10,000​ ເຮັກຕາທົ່ວປະເທດເນື່ອງໃນວັນປູກຕົ້ນໄມ້ ແຫ່ງຊາດວັນທີ 1 ມິຖຸນາທີ່ຈະມາເຖິງ. ໃນເນື້ອທີດັ່ງກ່າວແບ່ງອອກເປັນສອງສ່ວນຄື 2,700 ເຮັກຕາແມ່ນການປູກເພື່ອການປົກປັກສາສະພາບແວດລ້ອມແລະ 7,300 ເຮັກຕາແມ່ນການປູກໄມ້ ເພື່ອການຄ້າ.

ທ່ານຊູຊາດ ໄຊຍະກຸມມານ, ຫົວໜ້າກົມປ່າໄມ້ ກະຊວງກະສິກຳແລະປ່າໄມ້ ໃຫ້ສຳພາດຜ່ານວິທະຍຸກະຈາຍສຽງແຫ່ງຊາດເມື່ອບໍ່ດົນຜ່ານມານີ້ ກ່າວວ່າ “ປູກໃນເນື້ອທີ່ໜ້ອຍແຕ່ຮັບປະກັນຄຸນນະພາບ” ເຊິ່ງສິ່ງດັ່ງກ່າວແມ່ນຖອດຖອນໄດ້ ຈາກບົດຮຽນໃນຊຸມປີຜ່ານມາທີ່ວ່າປູກຫຼາຍແຕ່ ອັດຕາການຫຼອດເຫຼືອຂອງຕົ້ນໄມ້ ທີ່ປູກໄປນັ້ນແມ່ນຕໍ່າເພາະສະນັ້ນປີນີ້ ຈຶ່ງເນັ້ນໃສ່ຄຸນນະພາບເປັນຕົ້ນຕໍ.

ໃນຄວາມພະຍາຍາມຂອງລັດຖະບານທີ່ຈະເຮັດໃຫ້ ການປົກຄຸມຂອງປ່າໄມ້ ກວມເອົາ 70% ຂອງປະເທດນັ້ນ, ການປູກຕົ້ນໄມ້ແມ່ນມີສ່ວນສຳຄັນໃນການ ປະກອບສ່ວນ. ແນ່ນອນການປູກຕົ້ນໄມ້ ນັ້ນພວກເຮົາບໍ່ໄດ້ລໍຖ້າແຕ່ວັນທີ 1 ມິຖຸນາວັນດຽວ, ການປູກຕົ້ນໄມ້ ແມ່ນໜ້າທີ່ຂອງໝົດທຸກຄົນພາຍໃນຊາດ ເຊິ່ງສາມາດປູກໄດ້ເກືອບທຸກຍາມ.

ຄືດັ່ງທ່ານຊູຊາດ ກ່າວວ່າ ພວກເຮົາບໍ່ຈຳເປັນຕ້ອງມີເນື້ອທີ່ອັນກວ້າງຂວາງໃກ້ ເນື້ອທີ່ປ່າໄມ້ ເພື່ອປູກປ່າແຕ່ ບັນດາໂຮງຮຽນ, ສະຖາບັນສຳນັກງານຕ່າງໆສາມາດ ປູກຕົ້ນໄມ້ ຕາມເນື້ອອັນເໝາະສົມຂອງຕົນແລະສາມາດບົວລະບັດ ຮັກສາໃຫ້ຕົ້ນ ໄມ້ດັ່ງກ່າວສາມາດຈະເລີນເຕີບໂຕກໍແມ່ນການປະກອບສ່ວນສຳຄັນໃນການປົກຄຸມພື້ນທີ່ສີຂຽວດ້ວຍຕົ້ນໄມ້ຂອງປະເທດເຮົາ.

ປີນີ້ ປູກປ່າຮັກສາຄຸນນະພາບ - Wave100S AD to Website 2020 0 - ປີນີ້ ປູກປ່າຮັກສາຄຸນນະພາບ

ການປູກຕົ້ນໄມ້ ໃຫ້ປະໂຫຍດຫຼາຍຢ່າງ, ປະຊາຊົນເຮົາຄວນຮັກການ ປູກຕົ້ນໄມ້ດ້ວຍຫຼາຍເຫດຜົນ, ໃນສະຖານທີ່ພັກພາອາໄສການປູກຕົ້ນໄມ້ ທັງໃຫ້ຮົ່ມ, ໃຫ້ທັງອາຫານທີ່ເປັນໝາກໄມ້ ທີ່ຫຼາກຫຼາຍຊະນິດ, ຢາປົວພະຍາດແລະອື່ນໆ, ສະນັ້ນການປູກຝັງຈິດສຳນຶກທົ່ວປວງຊົນຄົນທຸກຮຸ່ນໃນການຮັກການປູກຕົ້ນໄມ້ຈຶ່ງ ແມ່ນເປົ້າໝາຍສຳຄັນຂອງລັດຖະບານເຮົາ.

ການສ້າງຄືນຍັງບໍ່ເທົ່າການຮັກສາຊັບທີ່ເຮົາມີຢູ່, ການປູກຕົ້ນໄມ້ນັ້ນແມ່ນມີ ຄວາມສຳຄັນໃນການຟື້ນຟູປ່າໄມ້ ແຕ່ພ້ອມນັ້ນການຮັກສາປ່າແກ່, ປ່າດັ້ງເດີມທີ່ເປັນ ຊັບສົມບັດຂອງຊາດນັ້ນແມ່ນວຽກງານທີ່ສຳຄັນທີ່ສຸດ, ໃນມື້ ທີ່ພວກເຮົາຈະປູກ ຕົ້ນໄມ້ ກໍຄວນຖືເປັນໂອກາດທົບທວນຄືນວ່າພວກເຮົາສາມາດປະຕິບັດມາດຕະການ ການປົກປັກຮັກສາປ່າໄມ້ ພວກເຮົາໄດ້ດີພຽງໃດ.

ເຖິງວ່າປ່າໄມ້ ດັ່ງເດີມພວກເຮົາຈະຍັງເຫຼືອເທົ່າກໍຕາມມາຮອດປັດຈຸບັນ, ພວກເຮົາຈົ່ງປົກປັກຮັກສາໄວ້ໃຫ້ດີຄຽງຄູ່ກັບການສົ່ງເສີມການປູກຕົ້ນໄມ້ ໃຫ້ໄດ້ຄຸນນະພາບ, ຈະເລີນງອກງາມໃຫ້ໄດ້ຕາມຈຸດປະສົງຈຶ່ງຈະເຮັດໃຫ້ ບັນລຸເປົ້າໝາຍການປົກຄຸມປ່າໄມ້ຂອງປະເທດເຮົາໄດ້.

ປີນີ້ ປູກປ່າຮັກສາຄຸນນະພາບ - WhatsApp Image 2020 05 27 at 5 - ປີນີ້ ປູກປ່າຮັກສາຄຸນນະພາບ
ປີນີ້ ປູກປ່າຮັກສາຄຸນນະພາບ - WhatsApp Image 2020 05 27 at 5 - ປີນີ້ ປູກປ່າຮັກສາຄຸນນະພາບ
ປີນີ້ ປູກປ່າຮັກສາຄຸນນະພາບ - WhatsApp Image 2020 05 27 at 5 - ປີນີ້ ປູກປ່າຮັກສາຄຸນນະພາບ
ປີນີ້ ປູກປ່າຮັກສາຄຸນນະພາບ - WhatsApp Image 2020 05 27 at 5 - ປີນີ້ ປູກປ່າຮັກສາຄຸນນະພາບ
error: Alert: Content is protected !!