ວິທີປູກໝາກຂາມ

ວິທີປູກໝາກຂາມ - 744 - ວິທີປູກໝາກຂາມ
ວິທີປູກໝາກຂາມ - Untitled design - ວິທີປູກໝາກຂາມ

ກ່ອນອື່ນໝົດກະກຽມ:

1. ປູກໄລຍະ 10×10 ແມັດ,  5×5 ຫລື ຈະປູກ 12×12 ແມັດ ຍິ່ງດີ

2.ເນື້ອທີ່ 1 ໄລ່ ປູກໄດ້ 16 ຕົ້ນ (ປູກໃຫ້ຫ່າງຈາກແຄມຮົ້ວ 6 ແມັດ)

3.ຂຸດຂຸມເລິກ 50 ກວ້າງ 60 ຊັງຕີແມັດ ຫລື ຫລາຍກວ່ານັ້ນ, ແລ້ວເອົາຂີ້ງົວຂີ້ຄວາຍຮອງພື້ນ ຫລື ຫຍ້າ, ໃບໄມ້ແຫ້ງ, ປຸຍມັກ, ອີ່ຫຍັງກໍໄດ້ ເພື່ອໃຫ້ມີຝຸ່ນຢູ່ພື້ນດິນ-ປ່ອຍນ້ຳໃສ່ຂຸມໃຫ້ປຽກຊຸ່ມ ຫລື ໃຫ້ຝົນຕົກໃສ່ຂຸມໃຫ້ປ່ຽກຊຸມເສຍກ່ອນຈິ່ງເອົາເບ້ຍຫມາກຂາມລົງ.

ວິທີປູກໝາກຂາມ - 4488 218x300 - ວິທີປູກໝາກຂາມ

ຖ້າແມ່ນຕົ້ນແແບບຕໍ່ງ່າສາມາດປູກໃສ່ໂຖປຣາສະຕິກກໍໄດ້ ແຕ່ຕ້ອງປັກໄມ້ຄ້ຳຕົ້ນໃຫ້ແໜ້ນພ້ອມໃຊ້ເຊືອກຟາງມັດຫລົມໆ ຫົດນ້ຳໃຫ້ປຽກ ຫລື ປູກຕອນຝົນຕົກ ເມື່ອປູກໄດ້ 20 ມື້ ກໍໃຫ້ແກະປຣາສະຕິກພັນບາດແຜອອກ ແລະ ໃນໄລຍະທຳອິດ ຄວນໃສ່ໃຈເລື່ອງນ້ຳຫລັງຈາກນັ້ນຄ່ອຍປະໄວ້ຈັກໄລຍະໜຶ່ງ.

ວິທີປູກໝາກຂາມ - 97 1 300x222 - ວິທີປູກໝາກຂາມ

+ ການໃສ່ຝຸ່ນ:

ຖ້າປູກໄດ້ 3 ເດືອນແລ້ວ ກໍເລີ່ມໃສ່ຝຸ່ນ ຫລື ປຸຍສູດ 15-15-15 (ປະມານ 1 ກຳມື) ໃຫ້ຂຸດເປັນວົງມົນ ອ້ອມຕົ້ນໃສ່ປຸ໋ຍແລ້ວປົກດິນທັບ ຖ້າຮອດ 2 ປີ  ແລ້ວ ກໍໃຫ້ເພີ່ມປະລິມານປຸ໋ຍຂຶ້ນເປັນຕົ້ນລະ 1 ກະປ໋ອງ ແລະ ໃຫ້ເພີ່ມປະລິມານຂຶ້ນເລື້ອຍໆ ຕາມໄລຍະເວລາອາຍຸຂອງຕົ້ນຫມາກຂາມ.

ວິທີປູກໝາກຂາມ - 577 300x168 - ວິທີປູກໝາກຂາມ

ເມື່ອຫມາກຂາມອອກຝັກແລ້ວ ໃຫ້ໃສ່ປຸ໋ຍ 13-13-21 ແລະ ຂີ້ງົວ ຫລື ຂີ້ໄກ່ ກໍໄດ້, ຈະຊ່ວຍໃຫ້ຝັກໃຫຍ່ມີນ້ຳໜັກຫລາຍຂຶ້ນ ແລະ ໃຫ້ໃສ່ຂີ້ໄກ່, ຂີ້ງົວ, ປຸ໋ຍມັກ ຫລື ຂີ້ເຈຍ ແບບໃດກໍໄດ້ ຈະເຮັດໃຫ້ໄດ້ຫມາກດົກຫນາ , ຝັກໃຫຍ່, ຝັກໜາ ຊີ້ນຫລາຍ ແລະ ຝັກມີນ້ຳໜັກຫລາຍ ຖ້າໃສ່ກ່ອນຫມາກຂາມອອກດອກໄດ້ກໍຍິ່ງດີ ຕັ້ງແຕ່ເດືອນ ມັງກອນ ເປັນຕົ້ນໄປ ຫລື ລະຫວ່າງທີ່ໝາກຂາມກຳລັງອອກດອກກໍໄດ້ ຈະເປັນການຊ່ວຍໃຫ້ອອກດອກຫລາຍ ແລະ ຫມາກຈະໃຫຍ່ ແລະ ມີນ້ຳໜັກຫລາຍ.

ວິທີປູກໝາກຂາມ - 124 300x218 - ວິທີປູກໝາກຂາມ

ໜາກຂາມກິນສົ້ມມັກຢູ່ບ່ອນແດດກ້າ, ຖ້າປູກຢູ່ບ່ອນຮົ່ມຫມາກຈະບໍ່ໃຫຍ່ ແລະ ຈະບໍ່ຕິດຝັກ ແລະ ຖ້າຫມາກຂາມຕິດຝັກໃນປີທຳອິດ ໃຫ້ບຳລຸງຫົດນ້ຳໃສ່ປຸ໋ຍ ແລະ ເດັດຝັກອ່ອນຖິ້ມກ່ອນຖ້າເຮົາປະໝາກຂາມໄວ້ຫລາຍເກີນໄປຈະເຮັດໃຫ້ຕົ້ນລົ້ມ, ຫມາກຂາມເມື່ອຕິດຝັກແລ້ວ ຕົ້ນກໍຈະເລີ່ມໃຫຍ່ຊ້າລົງເພາະຈະນຳອາຫານໄປລ້ຽງຫມາກຫລາຍຂຶ້ນ.

ວິທີປູກໝາກຂາມ - Wave100S AD to Website 2020 0 - ວິທີປູກໝາກຂາມ

ວິທີປູກໝາກຂາມ - 3366 300x202 - ວິທີປູກໝາກຂາມ

– ຖ້າເບິ່ງແຍງດີ 3 ປີ ຫມາກຂາມກໍຈະໃຫ້ຫມາກ,ພໍອາຍຸຕົ້ນຂາມໄດ້ 1 ປີ 6 ເດືອນ ຫລື ມີອາຍຸ 2 ປີໄປແລ້ວກໍເລີ່ມແຕກກິ່ງໄດ້, ໂດຍເຮົາສາມາດຕັດກິ່ງຢູ່ຕ່ໍາກັບພື້ນອອກກ່ອນ ບໍ່ດັ່ງນັ້ນຈະເຂົ້າເກັບຫມາກຍາກ ແລະ ຝັກຈະລາກຕິດຢູ່ກັບພື້ນດິນ ແລະ ໃຫ້ຕັດກິ່ງນ້ອຍໆ ທີ່ບໍ່ຈຳເປັນຕໍ່ລຳຕົ້ນອອກ, ເພາະກິ່ງເຫລົ່ານີ້ຈະດູດນ້ຳລ້ຽງຂອງລຳຕົ້ນທີ່ບໍ່ຈຳເປັນ.

ວິທີປູກໝາກຂາມ - 447 2 300x221 - ວິທີປູກໝາກຂາມ

– ຕົ້ນຂາມຮອດ 3 ປີ ໃຫ້ຕັດແຕ່ງກິ່ງທີ່ມັນບໍ່ຈໍາເປັນ ແລະ ຕັດກິ່ງໂຕທີ່ຕາຍຖິ້ມເພື່ອປອດໂປ່ງ ແລະ ໃຫ້ແສງແດດສ່ອງຮອດພື້ນ ຈະເຮັດໃຫ້ຕົ້ນໃຫຍ່ໄວ.

ວິທີປູກໝາກຂາມ - 6699 300x228 - ວິທີປູກໝາກຂາມ

– ຕົ້ນຂາມຮອດ 4 ປີໃຫ້ຢຸດຕັດກິ່ງ  ຫລື ເລືອກຕັດແຕ່ກິ່ງທີ່ເຫັນວ່າສົມຄວນ, ບໍ່ຄວນຕັດກິ່ງຝອຍອອກໝົດເພາະດອກໜາກຂາມຈະອອກຕາມກິ່ງຝອຍ ແລະ ປາຍກິ່ງຫລັກເປັນສ່ວນຫລາຍ

+ ໂຣກຂອງໝາກຂາມທີ່ອາດຈະເກີດເຊັ່ນ: ແມງໄມ້ລົບກວນມາກັດກິນຍອດ ຫລື ໃບອ່ອນແຕ່ກໍບໍ່ຫລາຍ, ສ່ວນອີກໂຣກຫນຶ່ງຄືໂຣກເພັ້ຍແຕ່ກໍພົບຫນ້ອຍຊຶ່ງ ເຮົາສາມາດໃຊ້ກຳມະຖັນຝຸ່ນສີດປະມານ 1-2 ຄັ້ງເພ້ຍກໍຈະຫາຍໄປ.

+ ການເກັບໝາກ

ໃຫ້ໃຊ້ການຕັດກິ່ງແຕ່ບໍ່ໃຫ້ຕັດເກີນ 1 ນິ້ວ ໃຫ້ຫລຸດອອກຈາກກິ່ງ ແລະ ເມື່ອເກັບຝັກໝົດແລ້ວກໍໃຫ້ໃສ່ຂີ້ງົວ ຫລື ຂີ້ໄກ່ ເພື່ອຟື້ນຟູ ແລະ ບຳລຸງຕົ້ນໄມ້ໃຫ້ຮົ່ມ.

ແປໂດຍ: ຂັນ

ວິທີປູກໝາກຂາມ - WhatsApp Image 2020 05 27 at 5 - ວິທີປູກໝາກຂາມ
ວິທີປູກໝາກຂາມ - WhatsApp Image 2020 05 27 at 5 - ວິທີປູກໝາກຂາມ
error: Alert: ເນື້ອຫາຂ່າວມີລິຂະສິດ !!