‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້

‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້ - 296 - ‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້
‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້ - Untitled design - ‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້

     “ນາຍົກລັດຖະມົນຕີອັງກິດ” ປະກາດ​ແຜນ​ຫລຸ​ດຜ່ອນ​ລັອກດາວ​ປະ​ເທດ ​ເລີ່​ມ 1 ມິຖຸນາ​ນີ້ ທ່າມກາງ​ສະຖານະ​ການ​ການລະບາດ ​ແລະ ຕິດ​ເຊື້ອ​ໂຄ​ວິດ-19 ສູງ​ຕິດ 1 ​ໃນ 5 ປະ​ເທດ​ທຳ​ອິດ​ຂອງ​ໂລກ.

ສຳນັກ​ຂ່າວ​ຕ່າງປະ​ເທດ ລາຍ​ງານ​ວ່າ: ນາຍົກລັດຖະມົນຕີ ບໍຣິສ ຈອນ​ສັນ ຂອງ​ອັງກິດ ປະກາດ​ວ່າ: ລັດຖະບານ​ຈະ​ເລີ່​ມຫລຸດຜ່ອນ​ຂໍ້​ຈຳກັດ​ຕ່າງໆ​ຂອງ​ມາດ​ຕະການ​ລັອກດາວ ​ເພື່ອ​ຄວບ​ຄຸມ​ການ​ແຜ່​ລະບາດ​ຂອງ​ໂຄ​ວິດ-19 ນັບ​ແຕ່​ວັນ​ທີ 1 ມິຖຸນາ ​ໂດຍ​ຈະ​ແບ່ງ​ເປັນ 3 ຂັ້ນຕອນ ດຳ​ເນີນ​ການ​​ແບບ​ຄ່ອຍ​ເປັນ​ຄ່ອຍ​ໄປ.

ຂັ້ນທຳ​ອິດ ​ເລີ່​ມ​ແຕ່​ວັນ​ທີ 1 ມິຖຸນາ ຊາວ​ອັງກິດ​ຈະ​ໄດ້​ຮັບ​ອະນຸຍາດ​ໃຫ້​ລວມກຸ່ມ​ກັນ​ຢູ່​ສະຖານ​ທີ່​ສາທາລະນະ, ສວນ ຫລື ພື້ນທີ່​ສ່ວນ​ຕົວ​ໄດ້​ບໍ່​ເກີນ 6 ຄົນ​​ແລ້ວ, ​ແຕ່​ຕ້ອງ​ຢູ່​ຫ່າງ​ກັນ 2 ​​ແມັດ. ນອກຈາກ​ນີ້ ຍັງ​ເປີດ​ຮ້ານ​ຄ້າ​ບາງ​ປະ​ເພດ​ເຊັ່ນ: ຮ້ານ​ຄ້າ​ກາງ​ແຈ້ງ, ຮ້ານ​ຂາຍ​ລົດ, ​ເປີດຮ້ານ​ຂາຍ​ປຶ້ມ ​ແລະ ​ໂຮງຮຽນ​ປະຖົມ.

ຂັ້ນທີ 2 ນັບ​ແຕ່​ວັນ​ທີ 8 ມິຖຸນາ ອັງກິດ​ຈະ​ເລີ່​ມ​ເປີດ​ສູນ​ທັນ​ຕະກຳ, ຈາກ​ນັ້ນວັນ​ທີ 15 ມິຖຸນາ ​ເລີ່​ມ​ເປີດ​ໂຮງຮຽນ​ມັດທະຍົມ ​ແລະ ​ເປີດ​ຮ້ານ​ຄ້າ​ທີ່​ບໍ່​ຈຳ​ເປັນ​ບາງ​ປະ​ເພດ ​ແລະ ຂັ້ນທີ 3 ນັບ​ແຕ່​ວັນ​ທີ 4 ກໍລະກົດ ອັງກິດ​ຈະ​ເລີ່​ມ​ເປີດ​ຜັບ, ຮ້ານ​ອາຫານ ​ແລະ ອາດ​ເປີດ​ຮ້ານ​ຕັດ​ຜົມ ​ແລະ ຮ້ານ​ເສີມ​ສວຍ. ສ່ວນ​ສະຖານທີ່​ພັກຜ່ອນ, ​ໂຮງ​ຮູບ​ເງົາ ​ແລະ ສະຖານ​ທີ່​ທາງ​ສາສະໜາ ຈະ​ເລີ່​ມ​ເປີດ.

‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້ - Wave100S AD to Website 2020 0 - ‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້

​ເຖິງ​ຢ່າງ​ໃດ​ກໍ​ຕາມ, ທ່ານ ຈອນ​ສັນ ​ເນັ້ນວ່າ: ການ​ຫລຸດຜ່ອນ​ມາດ​ຕະການ​ເຫລົ່າ​ນີ້ ​ເປັນ​ສິ່ງ​ທີ່​ຕ້ອງ​ເຮັດ​ຕາມ ​ເພື່ອ​ຄວບ​ຄຸມ​ການລະບາດ​ຂອງ​ໂຄ​ວິດ-19 ຕໍ່​ໄປ.

​ເວັບ​ໄຊ worldometer.info ລາຍ​ງານ​ຂໍ້​ມູນ​ວັນ​ທີ 29 ພຶດສະພາ 2020 ທີ່​ມີ​ການ​ຮວບ​ຮວມຈາກ​ໜ່ວຍ​ງານ​ດ້ານ​ສາທາລະນະ​ສຸກ​ທົ່ວ​ໂລກ ພົບ​ວ່າ: ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ທົ່ວ​ໂລກມີ 5.900.206 ຄົນ, ສ່ວນ​ຈຳນວນ​ຜູ້​ເສຍ​ຊີວິດ​ທົ່ວ​ໂລກ​ມີ 361.763 ຄົນ, ປິ່ນປົວ​ຫາຍ​ດີ 2.577.172 ຄົນ ​ໂດຍ 5 ລຳດັບ​ທຳ​ອິດ​ທີ່​ຕິດ​ເຊື້ອຫລາຍ​ທີ່​ສຸດ​ໃນ​ໂລກມີ​ອາ​ເມ​ລິ​ກາ ມີ​ຜູ້​ຕິດ​ເຊື້ອ​ໂຄ​ວິດ-19 ຫລາຍ​ທີ່​ສຸດ 1.767.813 ຄົນ, ອັນ​ດັບ 2 ​ເບຣຊິນ 438.812 ຄົນ, ອັນ​ດັບ 3 ຣັດ​ເຊຍ 379.051 ຄົນ, ອັນ​ດັບ 4 ສະ​ເປ​ນ 284.986 ຄົນ ​ແລະ ອັນ​ດັບ 5 ອັງກິດ 269.127 ຄົນ.

‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້ - WhatsApp Image 2020 05 27 at 5 - ‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້
‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້ - WhatsApp Image 2020 05 27 at 5 - ‘ອັງກິດ’ ຈະຫລຸດຜ່ອນລັອກດາວ 1 ມິຖຸນານີ້
error: Alert: ເນື້ອຫາຂ່າວມີລິຂະສິດ !!