ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່

ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່ - 298 - ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່
ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່ - Untitled design - ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່

ໃນວັນທີ 29 ພຶດສະພານີ້, ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ໃຫ້ຮູ້ວ່າ: ມາຮອດມື້ນີ້ເປັນມື້ທີ່ 47 ແລ້ວ, ທີ່ລາວເຮົາບໍ່ມີກໍລະນີຜູ້ຕິດເຊື້ອໃຫມ່ຄືໃນວັນທີ 28 ພຶດສະພານີ້, ໄດ້ເກັບຕົວຢ່າງມາກວດວິເຄາະທັງໝົດ 75 ຄົນ, ໃນນັ້ນມີແຮງງານລາວທີ່ກັບມາແຕ່ໄທ 72 ຄົນ, ກໍລະນີສົງໄສ 3 ຄົນ. ຜົນກວດ ທັງໝົດ ບໍ່ພົບເຊື້ອ.ຊຶ່ງປັດຈຸບັນ, ມີຜູ້ນອນຕິດຕາມຢູ່ໂຮງໝໍ່ມິດຕະພາບ 3 ຄົນ, ໃນຈຳນວນຜູ້ຕິດເຊື້ອສະສົມທັງຫມົດ 19 ແລະ ເຫັນວ່າມີອາການປົກກະຕິດີຂຶ້ນ.ຄາດວ່າຈະໄດ້ອອກໂຮງໝໍໄວໆນີ້.

ສະພາບການລະບາດຂອງພະຍາດ COVID-19 ຢູ່ປະເທດເຮົາກໍ່ຄືຢູ່ບັນດາປະເທດອາຊຽນ ແລະ ໃນທົ່ວໂລກ ຍັມີຄວາມສ່ຽງຕໍ່ການແຜ່ລະບາດຂອງພະຍາດດັ່ງກ່າວ ດັ່ງນັ້ນກໍຂໍໃຫ້ບັນດາທ່ານເຂົ້າໃຈວ່າ ການຜ່ອນຜັນມາດຕະການຕ່າງໆ ແມ່ນນະໂຍບາຍຂອງພັກ-ລັດຖະບານ ທີ່ເປັນຮ່ວງເປັນໄຍຕໍ່ຜົນກະທົບດ້ານຊີວິດການເປັນຢູ່ຂອງພໍ່ແມ່ປະຊາຊົນ ແລະ ດ້ານເສດຖະກິດ-ສັງຄົມ ຊຶ່ງເປັນໂອກາດໃຫ້ພາກທຸລະກິດ ກໍ່ຄືພໍ່ແມ່ປະຊາຊົນບັນດາເຜົ່າໄດ້ກັບຄືນມາດຳເນີນຊີວິດແບບປົກກະຕິ ກໍ່ຄືກິດຈະການກັບຄືນສູ່ສະພາບເດີມເທື່ອລະກ້າວ ຂໍໃຫ້ບັນດາທ່ານສ້າງຄວາມເຂົ້າໃຈ ແຈ້ງການສະບັບໃໝ່ນີ້ໃຫ້ມີຄວາມເປັນເອກະພາບ ແລະ ຮ່ວມແຮງຮ່ວມໃຈກັນປະຕິບັດໃຫ້ຖືກຕ້ອງ ແລະ ເຂັ້ມງວດ;ເພາະໃນໄລຍະຜ່ານມາ ກໍ່ຍ້ອນວ່າມີການຮ່ວມມືເປັນຢ່າງດີຈາກພໍ່ແມ່ປະຊາຊົນບັນດາເຜົ່າ ແລະ ທຸກພາກສ່ວນໃນສັງຄົມ, ຈຶງເຮັດໃຫ້ພວກເຮົາສາມາດຄວບຄຸມສະພາບການລະບາດຂອງພະຍາດ COVID -19 ໄວ້ໃນລະດັບຕໍ່າກວ່າໝູ່ໃນປະເທດອາຊຽນ.

ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່ - Wave100S AD to Website 2020 0 - ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່

ອີກເທື່ອຫນຶ່ງຂໍຮຽກຮ້ອງໃຫ້ບັນດາທ່ານຈົ່ງສືບຕໍ່ຮ່ວມແຮງຮ່ວມໃຈກັນປະຕິບັດແຈ້ງການສະບັບໃໝ່ນີ້ ແລະ ຄຳແນະນຳຕ່າງໆ ເຫຼົ່ານັ້ນຈົນກວ່າ ຈະຮອດວັນທີ 30 ມິຖຸນານີ້ ຈຶ່ງຈະມີການປະເມີນຄືນ ແລະ ພິຈາລະນາຜ່ອນຜັນຂັ້ນຕໍ່ໄປ.

ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່ - WhatsApp Image 2020 05 27 at 5 - ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່
ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່ - WhatsApp Image 2020 05 27 at 5 - ມື້ທີ 47 ແລ້ວ ລາວບໍ່ພົບຜູ້ຕິດເຊື້ອໂຄວິດ-19 ໃໝ່
error: Alert: ເນື້ອຫາຂ່າວມີລິຂະສິດ !!