ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !

ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - 5978 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !
ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - Untitled design - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !

ຮູ້ຫລືບໍ່ວ່າທຸກໆວັນທີ 5 ກໍລະກົດຂອງທຸກໆປີ ຖືກກຳນົດໃຫ້ເປັນ “ວັນຄົນບ້າວຽກສາກົນ” ເພື່ອເປັນການສ້າງຄວາມຮັບຮູ້ເຖິງການບ້າວຽກນັ້ນເປັນ “ສິ່ງເສບຕິດ”ຢ່າງໜຶ່ງຂອງຜູ້ຄົນໃນຍຸກນີ້, ແຕ່ເຖິງແນວໃດ ກໍມີໜ້ອຍຄົນທີ່ຈະຮູ້ເຖິງທີ່ມາຂອງວັດທະນະທຳການບ້າວຽກທີ່ເຮັດໃຫ້ “ຄວາມຫຍຸ້ງ” ເກືອບຈະກາຍເປັນສັນຍະລັກບົ່ງບອກເຖິງສະຖານະຂອງຜູ້ຄົນໃນສັງຄົມນີ້ໄປແລ້ວ.

ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - 092605 2020 1 300x219 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !

ປະໂຫຍກທີ່ວ່າ “ຂ້ອຍກິນ, ນອນ ແລະ ໃຊ້ຊີວິດເພື່ອທຸລະກິດຂອງຂ້ອຍ” ແມ່ນເລື່ອງປົກກະຕິໃນໂລກຍຸກໃໝ່ທີ່ນັກທຸລະກິດລ້ວນມີຊື່ສຽງໂດ່ງດັງຫລາຍຄົນເປັນຢູ່ ແລະ ການທີ່ປ່ຽນຈາກ “ເຮັດວຽກເພື່ອມີຊີວິດຢູ່” ເປັນ “ມີຊີວິດຢູ່ເພື່ອເຮັດວຽກ” ກໍບໍ່ໄດ້ເກີດຂຶ້ນສະເພາະກັບຜູ້ປະກອບທຸລະກິດພຽງເທົ່ານັ້ນ ເພາະແມ່ນແຕ່ລູກຈ້າງເອງກໍມີການເອົາວຽກກັບມາເຮັດຕໍ່ຢູ່ເຮືອນໄດ້ຄືກັນ.

ຫລາຍໆຄົນມັກຊີວິດທີ່ດຸ່ນດ່ຽງລະຫ່ວາງວຽກກັບເລື່ອງສ່ວນໂຕ ເພາະພວກເຂົາຮັກໃນວຽກທີ່ເຮັດ ແລະ ເຕັມໃຈສະຫລະເວລາເພື່ອຄວາມກ້າວໜ້າໃນອາຊີບ ແລະ ເພື່ອສ້າງຄຸນນະພາບຊີວິດທີ່ດີຂຶ້ນ, ແຕ່ສຳລັບບາງຄົນແລ້ວ ພວກເຂົາຢາກເຮັດວຽກກໍເພາະເສບຕິດການເຮັດວຽກໄປແລ້ວ ເຊິ່ງພຶດຕິກຳແບບນີ້ຍິ່ງສົ່ງຜົນເສຍຕໍ່ທັງຊີວິດສ່ວນໂຕ ແລະ ອາຊີບຂອງພວກເຂົາໂດຍບໍ່ຮູ້ໂຕ.

ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - 082605 2020 300x204 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !

ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - Wave100S AD to Website 2020 0 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !

ການເຮັດວຽກໜັກ ກັບ ການບ້າວຽກ ຕ່າງກັນແນວໃດ ? ສິ່ງທີ່ຕ່າງກັນຢ່າງຈະແຈ້ງລະຫ່ວາງການເຮັດວຽກໜັກ ແລະ ການບ້າວຽກ ບໍ່ແມ່ນໄລຍະເວລາໃນການເຮັດວຽກ, ແຕ່ເປັນຜົນກະທົບຂອງວຽກຕໍ່ຊີວິດສ່ວນຕົວນັ້ນເອງ ດັ່ງທີ່ວຽກງານວິໄຈຈາກວາລະສານ Journal of Psychosocial Nursing and Mental Health Servicesປີ 2015 ທີ່ລະບຸວ່າ : ຄົນບ້າວຽກມັກມີບັນຫາໃນການເຂົ້າສັງຄົມ ລວມໄປເຖິງບັນຫາທາງສຸຂະພາບຈິດ ແລະ ຮ່າງກາຍ ຍ້ອນເສບຕິດການເຮັດວຽກໜັກຈົນເກີນໄປ ທັງຍັງພົບຕື່ມວ່າ ພວກເຂົາມີຄວາມສ່ຽງສູງທີ່ຈະປ່ວຍຍ້ອນພະຍາດ Burnout syndromeທີ່ມີຄວາມເຄັ່ງຄຽດ, ສຸຂະພາບອ່ອນແອ, ບໍ່ມີຄວາມສຸກໃນຊີວິດ ທັງມີບັນຫາດ້ານຄວາມສຳພັນ ແລະ ຄອບຄົວນຳອີກ. ເຖິງວ່າບາງຄົນອາດສາມາດເຮັດວຽກໄດ້ 50 ຊົ່ວໂມງຕໍ່ອາທິດ ຫລື ຫລາຍກ່ວານັ້ນໄດ້ສະບາຍໆ, ແຕ່ກໍອາດສົ່ງຜົນຮ້າຍແຮງສຳລັບໃຜຫລາຍໆຄົນໄດ້ຄືກັນ ເພາະການຝືນເຮັດວຽກໜັກຕິດຕໍ່ກັນເປັນໄລຍະເວລາດົນນັ້ນ ນຳໄປສູ່ອາການຊຶມເສົ້າຊຳ້ເຮື້ອໄປຕະຫລອດຊີວິດໄດ້ນຳ ເຊິ່ງເປັນເລື່ອງທີ່ຕ້ອງລະມັດລະວັງຢ່າງຫລາຍ. ຍິ່ງເສບຕິດການເຮັດວຽກໜັກຫລາຍເທົ່າໃດ ກໍຍິ່ງໄດ້ຮັບຜົນກະທົບຫລາຍຂຶ້ນເທົ່ານັ້ນ ທັງເຄັ່ງຄຽດຈົນເຮັດວຽກໄດ້ບໍ່ດີ ທັງຍັງຕ້ອງໃຊ້ເວລາກັບການເຮັດວຽກດົນຂຶ້ນ ຄົນທີ່ບ້າເຮັດວຽກໜັກມັກຈະຮູ້ສຶກທໍ້, ກັງວົນ ແລະ ເຄັ່ງຄຽດຢູ່ຕະຫລອດ ນອກຈາກຈະບໍ່ມີຄວາມສຸກກັບການເຮັດວຽກແລ້ວ ພວກເຂົາຍັງຕ້ອງຮູ້ສຶກທໍລະມານໃຈຍ້ອນຮູ້ສຶກຜິດເວລາທີ່ບໍ່ໄດ້ເຮັດວຽກນຳອີກ.

ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - 062605 2020 300x189 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !

ວິທີບຳບັດອາການບ້າວຽກ : ລອງຖາມຕົນເອງວ່າ ການເຮັດວຽກໜັກຂອງທ່ານ ສົ່ງຜົນເສຍຕໍ່ຄວາມສຳພັນຕ່າງໆຫລືບໍ່ ? ເຮັດໃຫ້ຮ່າງກາຍຂອງທ່ານຊຸດໂຊມຫລືບໍ່ ? ຫລືວ່າເຮັດໃຫ້ສຸຂະພາບຈິດຂອງທ່ານອ່ອນແອລົງຫລືບໍ່ ? ເຊິ່ງສັນຍານເຫລົ່ານີ້ຈະສາມາດບົ່ງບອກໄດ້ວ່າທ່ານແມ່ນຄົນທີ່ບ້າວຽກຢ່າງໜັກໄດ້ຫລືບໍ່. ໂດຍວິທີການປິ່ນປົວອາການບ້າວຽກນັ້ນມີຫລາກຫລາຍວິທີ ຕັ້ງແຕ່ການໂອ້ລົມ 12 ລະດັບ ໄປຈົນເຖິງການປິ່ນປົວຢູ່ໂຮງໝໍ, ສະຖານບຳບັດ ກໍມີປະສີດທິພາບຫລາຍເຊັ່ນກັນ ເພາະການບຳບັດມັກຈະຊ່ວຍໃຫ້ຄົນທີ່ບ້າເຮັດວຽກຢາກຫາວິທີການຫລຸດພົ້ນຈາກການເຮັດວຽກໃຫ້ໄດ້ ເພື່ອກັບມາມີສ່ວນຮ່ວມກັບຄົນທີ່ຮັກ ແລະ ສ້າງຄວາມເຂັ້ມແຂງທາງຈິດໃຈຕໍ່ໄປໄດ້. ດັ່ງນັ້ນ, ຢ່າລືມປະເມີນຕົນເອງເປັນປະຈຳວ່າທ່ານພຽງແຕ່ກຳລັງເຮັດວຽກໜັກ ຫລື ກຳລັງເຂົ້າສູ່ການບ້າວຽກແລ້ວ ເພື່ອທີ່ຈະໄດ້ຄ່ອຍໆປັບຄວາມດຸ່ນດ່ຽງຂອງວຽກບໍ່ໃຫ້ມາທຳລາຍຄວາມດຸ່ນດ່ຽງຂອງຊີວິດທ່ານຈົນເກີນພໍດີ.

ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - WhatsApp Image 2020 05 27 at 5 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !
ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ ! - WhatsApp Image 2020 05 27 at 5 - ທ່ານເປັນຄົນທຸ້ມເທກັບວຽກ ຫລື ເປັນຄົນບ້າວຽກກັນແທ້ ? ວິທະຍາສາດມີຄຳຕອບ !
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!