ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ

ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - 45 2 - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ
ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - AGL banner - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ

ນາງ Stefany Carvallido ພ້ອມລູກສາວ ອາຍຸ 2 ປີ ແລະ ຊາວ ໂຄລົມເບຍ ອີກປະມານ 200 ຄົນ ໄດ້ປັກຫຼັກຢູ່ທີ່ສະໜາມບິນ Sao Paulo ປະເທດ ບຣາຊີລ ເພື່ອລໍກັບບ້ານດ້ວຍຄວາມສິ້ນຫວັງ.

ດົນກວ່າ 2 ເດືອນແລ້ວທີ່ພະຍາດໂຄວິດ-19 ໄດ້ລະບາດໄປທົ່ວໂລກ, ຫຼາຍຊາດໃນຂະນະນີ້ ກໍໄດ້ປົດລ໊ອກ ແລະ ເປີດປະຕູຄືນໃໝ່ແລ້ວ, ແຕ່ອາເມລິກາລາຕິນຍັງມີການຈຳກັດການໄປມາ ເພາະຂົງເຂດນີ້ເປັນສູນກາງການລະບາດແຫ່ງໃໝ່ຂອງໂລກ.

ໂຄລົມເບຍ ໄດ້ປິດທຸກສາຍການບິນສາກົນຈົນເຖິງວັນທີ 31 ສິງຫາ, ອັນໄດ້ເຮັດໃຫ້ພົນລະເມືອງຕ່າງປະເທດຕົກຄ້າງຢູ່ໃນເດີ່ນບິນບໍ່ສາມາດກັບບ້ານໄດ້ດ້ວຍສາຍການບິນ, ໂຄລົມເບຍຍັງປິດດ່ານຊາຍແດນທາງບົກ ກັບບັນດາປະເທດໃກ້ຄຽງທີ່ມີຊາຍແດນຕິດກັບໂຄລົມເບຍເຊັ່ນ: ບຣາຊີລ ແລະ ສະຫະລັດອາເມລິກາ.

ນາງ Carvallido ໃຫ້ຮູ້ວ່າ ເຂົາກັບລູກສາວຊື່ Maria Jose ໄດ້ປັກຫຼັກຢູ່ທີ່ສະໜາມບິນສາກົນ Guarulhos ຊານເມືອງຂອງນະຄອນ Sao Paulo ຊຶ່ງເປັນສູນກາງລະບາດຂອງພະຍາດໃນ ບຣາຊິລ ເປັນເວລາ ເກືອບ 2 ອາທິດ ແລ້ວ.

Carvallido ທັງເວົ້າທັງເຊັດນໍ້າຕາວ່າ: “ໃນສະພາບຄືປັດຈຸບັນນີ້, ພວກເຮົາທຸກຄົນລ້ວນແຕ່ຢາກຢູ່ກັບຄອບຄົວຂອງຕົນ, ລູກຂອງຂ້ອຍກໍເຊັ່ນດຽວກັນ. ທຸກສິ່ງທຸກຢ່າງລ້ວນແຕ່ມີຄວາມຫຍຸ້ງຍາກ”.

ນາງ Carvallido ອາຍຸ 24 ປີ ແລະ ຫຼາຍໆຄົນອີກ ໄດ້ພ້ອມກັນກິນເຂົ້າສວາຍດ້ວຍອາຫານກະປ໋ອງ ແລະ ອາຫານຈາກການແບ່ງປັນຄວາມສຸກ. ນອກຈາກນັ້ນ, ພວກເຂົາຍັງພ້ອມກັນແຕ່ງກິນຢູ່ຕາມຂ້າງເດີ່ນບິນອີກ, ຫ້ອງນໍ້າກໍບໍ່ພຽງພໍ.

ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - Wave100S AD to Website 2020 0 - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ

Carvallido ແລະ ຜູ້ອື່ນໆທີ່ຕົກຄ້າງຢູ່ທີ່ນີ້ ໄດ້ນຳສະເໜີຕໍ່ລັດຖະບານ ໂຄລົມເບຍ ໃຫ້ມີຖ້ຽວບິນກອບກູ້ເອົາພົນລະເມືອງ. ກະຊວງການຕ່າງປະເທດ ໂຄລົມເບຍໃຫ້ຮູ້ວ່າ ບໍ່ມີຖ້ຽວບິນໃດໆທີ່ຈະມາຈາກ ບຣາຊີລ. ນັບແຕ່ທ້າຍເດືອນເມສາມາມິພຽງ 3 ຖ້ຽວບິນຊ່ວຍກູ້ເອົາພົນລະເມືອງຊາວໂຄລົມເບຍກັບຄືນປະເທດໄດ້ພຽງ 346 ຄົນ ເທົ່ານັ້ນ.

ຖ້າຫາກເປັນຖ້ຽວບິນມະນຸດສະທຳ ແມ່ນມີລາຄາຢູ່ທີ່ 350 ໂດລາ, ຊຶ່ງລາຄາດັ່ງກ່າວເປັນສາຍເຫດເຮັດໃຫ້ຄົນຈຳນວນຫຼວງຫຼາຍຖືກຕົກຄ້າງບໍ່ມີເງິນຈ່າຍ. ເຂົາຮຽກຮ້ອງໃຫ້ລັດຖະບານຈັດຖ້ຽວບິນບໍ່ໄດ້ເສຍຄ່າ ແຕ່ກໍບໍ່ໄດ້ຄຳຕອບເລີຍ. ເຈົ້າໜ້າທີ່ກົງສູນຂອງໂຄລົມເບຍປະຈຳຢູ່ Sao Paulo ໃຫ້ຮູ້ວ່າ: “ໂດຍອີງໃສ່ຂໍ້ກຳນົດໃນປັດຈຸບັນບໍ່ສາມາດຈະ ປະຕິບັດໄດ້ຕາມຄຳຮຽກຮ້ອງດັ່ງກ່າວ”.

ຂ່າວ: ລູກເມືອງພວນ(ແຫຼ່ງຂ່າວ vnExpress)

ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - WhatsApp Image 2020 05 27 at 5 - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ
ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - WhatsApp Image 2020 05 27 at 5 - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ
ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - WhatsApp Image 2020 05 27 at 5 - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ
ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ - WhatsApp Image 2020 05 27 at 5 - ຊີວິດຄົນຕົກຄ້າງຢູ່ສະໜາມບິນເພື່ອລໍຖ້າກັບບ້ານ
  • 1027 Posts
  • 0 Comments
iLike/LPN/20
error: Alert: Content is protected !!