ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ

ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ - 33 2 - ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ
ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ - Untitled design - ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ

ເນື່ອງໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນານີ້ ໃຫ້ເປັນຂະບວນຟົດຟື້ນ ແລະ ແຂວງເຊກອງໄດ້ວາງຄາດຫມາຍໄວ້ວ່າ ຈະສູ້ຊົນປູກໄມ້ໃຫ້ໄດ້ທັງໝົດ 458 ເຮັກຕາ ໂດຍເບື້ອງຕົ້ນຈະສົມທົບກັບເມືອງລະມາມ ຈັດພິທີປູກໄມ້ ຢູ່ທີ່ປ່າສະຫງວນແຫລ່ງທ່ອງທ່ຽວທໍາມະຊາດຕາດແຝກ ເຂດບ້ານດ່ານ ເມືອງລະມາມ ໃນມື້ວັນທີ 1 ມິຖຸນານີ້, ສ່ວນບັນດາເມືອງອື່ນໆ ກໍຄືຫ້ອງການກະສິກໍາ ແລະ ປ່າໄມ້ແຕ່ລະເມືອງໃນທົ່ວແຂວງ ກໍມີແຜນປູກຢູ່ໃນບ້ານ ແລະ ເມືອງຂອງຕົນໃຫ້ກວ້າງຂວາງເຊັ່ນກັນ ເພື່ອໃຫ້ການຈັດຕັ້ງປະຕິບັດວຽກງານປູກໄມ້ໃຫ້ບັນລຸຕາມແຜນ, ທັງເປັນການປູກຈິດສໍານຶກໃຫ້ທົ່ວສັງຄົມເຂົ້າຮ່ວມເປັນຂະບວນຟົດຟື້ນ ແນໃສ່ສ້າງໃຫ້ແຂວງໄດ້ມີພື້ນທີ່ສີຂຽວ ແລະ ເຫັນໄດ້ຄວາມສໍາຄັນຂອງປ່າໄມ້.

ຫົວໜ້າພະແນກກະສິກໍາ ແລະ ປ່າໄມ້ແຂວງ ໃຫ້ຮູ້ວ່າ: ສໍາລັບການປູກຕົ້ນໄມ້ ແລະ ຟື້ນຟູປ່າ ສະເພາະແມ່ນຢູ່ແຂວງເຊກອງໃນໄລຍະຜ່ານມາ ເຫັນວ່ານັບມື້ເພີ່ມຂຶ້ນຄື: ປີ 2019 ຜ່ານມາແຂວງສາມາດປູກໄມ້ໄດ້ທັງໝົດ 671 ເຮັກຕາ, ໃນນີ້ ລັດປູກ 285 ເຮັກຕາ, ປະຊາຊົນປູກ 129 ເຮັກຕາ ແລະ ບໍລິສັດຕ່າງໆປູກ 257 ເຮັກຕາ. ດັ່ງນັ້ນ ໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ນີ້ ຈຶ່ງຂໍຮຽກຮ້ອງມາຍັງພາກສ່ວນຕ່າງໆ ທັງພາກລັດ, ເອກະຊົນ, ສະຖາບັນການສຶກສາ ແລະ ອໍານາດການປົກຄອງ ຕະຫລອດຮອດປະຊາຊົນບັນດາເຜົ່າ ຈົ່ງເປັນເຈົ້າການຮ່ວມແຮງຮ່ວມໃຈກັນປູກໄມ້ ແລະ ຟື້ນຟູປ່າໄມ້ຊ່ວຍກັນອະນຸລັກຮັກສາປ່າໄມ້ໃຫ້ມີປະສິດທິຜົນ ແນໃສ່ສ້າງແຂວງເຊກອງໃຫ້ເປັນແຂວງສີຂຽວ ແລະ ອຸດົມສົມບູນໄປດ້ວຍປ່າໄມ້.

ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ - Wave100S AD to Website 2020 0 - ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ
ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ - WhatsApp Image 2020 05 27 at 5 - ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ
ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ - WhatsApp Image 2020 05 27 at 5 - ປີນີ້ ແຂວງເຊກອງ ຈະປູກໄມ້ໃຫ້ໄດ້ 458 ເຮັກຕາ
error: Alert: ເນື້ອຫາຂ່າວມີລິຂະສິດ !!