ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ

ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - a smooth sea never made a skilled sailor - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ
ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - AGL banner - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ

ຕາມຄວາມຈິງແລ້ວ ຊີວິດແມ່ນສິ່ງທີ່ປະເສີດເລີດລໍ້າຂອງມວນມະນຸດ, ສະນັ້ນ ພວກເຮົາຢາກມີຊີວິດທີ່ມີຄຸນຄ່າຈະຕ້ອງອອກແຮງງານຢ່າງຫມົດຈິດຫມົດໃຈ ພ້ອມທັງກາຍ ແລະ ສະຕິປັນຍາ ເພື່ອສ້າງຜົນ ງານອັນລໍ້າຄ່າໃຫ້ແກ່ສັງຄົມ ແລະ ປະເທດຊາດດ້ວຍຄວາມບໍລິສຸດຜຸດຜ່ອງ ດັ່ງຄໍາສຸພາສິດທີ່ວ່າ “ຄ່າຂອງຄົນຢູ່ທີ່ຜົນຂອງງານ ຄ່າຂອງງານຢູ່ທີ່ການກະທໍາ”.

ແມ່ນແລ້ວ ຄົນເຮົາຈະມີຄຸນຄ່າໄດ້ນັ້ນ ກໍຕໍ່ເມື່ອຄົນເຮົາໄດ້ປະກອບສ່ວນສ້າງຜົນງານຫຼາຍຢ່າງໄວ້ໃຫ້ແກ່ສັງຄົມກໍຄືປະເທດຊາດ ໂດຍການໃຊ້ເຫື່ອແຮງ ແລະ ກໍາລັງທັງຫມົດເພື່ອອຸທິດໃຫ້ແກ່ປະເທດຊາດຈົນກະທັ້ງຊີວິດກໍບໍ່ເສຍດາຍ. ຄືດັ່ງສະໄຫມຈັກກະພັດຕ່າງດ້າວເຂົ້າມາປົກຄອງປະເທດຊາດຂອງພວກເຮົາ ເປັນເວລາຫຼາຍສິບປີ ອັນໄດ້ເຮັດໃຫ້ບັນດາພໍ່ແມ່ພີ່ນ້ອງບັນດາເຜົ່າພາຍໃນຊາດ ໄດ້ຮັບຄວາມທຸກທໍລະມານຈາກພວກເຂົາ ແຕ່ວ່າປະຊາຊົນລາວເຮົາໄດ້ມີນໍ້າໃຈຮັກຊາດອັນສູງສົ່ງ ແລະ ບໍ່ຍອມຍົກປະເທດຊາດໃຫ້ແກ່ພວກເຂົາ

ດັ່ງນັ້ນ, ຈຶ່ງມີບັນດາຜູ້ຮັກຊາດໄດ້ຕັດສິນໃຈຕໍ່ສູ້ກັບພວກເຂົາດ້ວຍຫຼາຍຮູບຫຼາຍແບບ ເຊິ່ງສະແດງໃຫ້ພວກເຮົາເຫັນໄດ້ ບັນດາຜູ້ທີ່ມີນໍ້າໃຈຮັກຊາດ ຮັກບ້ານເກີດເມືອງນອນ ມີ ນ້ຳໃຈເສຍສະຫຼະອັນສູງສົ່ງດ້ວຍເຫື່ອແຮງ ແລະ ຈິດໃຈ ພ້ອມທັງສະຕິປັນຍາ ເພື່ອຊາດເພື່ອປະຊາຊົນ ເຊັ່ນ ທ່ານໄກສອນ ພົມວິຫານ, ທ່ານ ສຸພານຸວົງ, ທ່ານຫນູຮັກ ພູມສະຫວັນ, ວິລະຊົນສີທອງ ແລະ ຜູ້ອື່ນໆ.

ພ້ອມນັ້ນ ພວກເຮົາຮັກຕົນເອງແລ້ວ ຍັງຈະຕ້ອງຮັກຊາດນໍາອີກ ເພາະຊາດແມ່ນບ່ອນໃຫ້ກໍາເນີດ ແລະ ລ້ຽງດູເຮົາມາ ພວກເຮົາຮັກຊາດ ຈະຕ້ອງສ້າງວິລະກໍາອັນລໍ້າເລີດໄວ້ຫນ້າປະຫວັດສາດ ດັ່ງຄໍາເວົ້າວ່າ “ຮັກຊາດໃຫ້ຮັກຄົນ ຮັກຕົນໃຫ້ຮັກກຽດ” ນີ້ກໍສະແດງໃຫ້ພວກເຮົາເຫັນວ່າ ຊາດທີ່ພວກເຮົາອາໄສຢູ່ທຸກມື້ນີ້ ມັນບໍ່ມີພຽງແຕ່ຜູ້ດຽວຢູ່ ມັນຕ້ອງມີຫຼາຍຄົນຢູ່ຮ່ວມກັນ.

ສະນັ້ນ ພວກເຮົາຈະຕ້ອງມີການພົວພັນລະຫວ່າງຄົນກັບຄົນ ໃຫ້ຜູກແຫນ້ນສາມັກຄີ ນອກຈາກນັ້ນ ພວກເຮົາຕ້ອງຮັກກຽດ ແລະ ສັກສີ ບໍ່ໃຫ້ຜູ້ອື່ນກ່າວສິນນິນທາ, ຍາະເຍີ້ຍ ສຽດສີ ເຮົາຕ້ອງໃຫ້ທຸກຄົນຮັກແພງເຫມືອນດັ່ງຄອບຄົວດຽວກັນ ເພື່ອພ້ອມກັນສ້າງສາພັດທະນາ ແລະ ພ້ອມນັ້ນກໍ່ຕ້ອງພ້ອມກັນສ້າງສັນຜົນງານ ດ້ວຍຄວາມມານະອົດທົນ ພາກພຽນພະຍາຍາມດ້ວຍເຫື່ອແຮງສະຕິປັນຍາ ແລະສ້າງດ້ວຍຄວາມບໍລິ ສຸດປອດຂາວສະອາດ ບໍ່ລັກລອບເອົາຜົນງານຄົນອື່ນມາເປັນຂອງຕົນ ດັ່ງຄໍາສຸພາສິດທີ່ວ່າ “ຜົນຂອງງານ ຢູ່ທີ່ການກະທໍາ“. ກົງກັນຂ້າມຢູ່ໃນລະບອບເກົ່າ ປະຊາຊົນຊາວຜູ້ອອກແຮງງານເປັນຜູ້ເຮັດຜູ້ກະທໍາເຊັ່ນ ປູກຝັງລ້ຽງສັດ ແລະອື່ນໆ ເມື່ອໄດ້ຫມາກຜົນຂຶ້ນມາແລ້ວ ແທນທີ່ຈະໄດ້ໃຊ້ຜົນຜະລິດທີ່ຕົນສ້າງມາ ແຕ່ກົງກັນຂ້າມພວກຊົນຊັ້ນເທິງ ພັດຍາດແຍ່ງເອົາໄປຈົນຫມົດ ດັ່ງຄໍາສຸພາສິດທີ່ວ່າ “ຫມູເຮັດນາ ຫມາກິນເຂົ້າ”.

ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - Wave100S AD to Website 2020 0 - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ

ນອກຈາກນັ້ນ ເມື່ອເວົ້າເຖິງພາລະກິດການຮໍ່າຮຽນ ຂອງນັກຮຽນເຮົາກໍເຊັ່ນດຽວກັນ ມີບາງຄົນບໍ່ເອົາໃຈໃສ່ຕໍ່ການຮໍ່າຮຽນ ໃນເວລາກວດກາຫຼືສອບເສັງ ກໍແມ່ນອາໄສກ່າຍແຕ່ຫມູ່ຄູ່ ໂດຍທີ່ວ່າບໍ່ກຸ້ມຕົນເອງ ເພິ່ງຕົນເອງ ນີ້ກໍສະແດງວ່າ ແມ່ນການຍາດເອົາຜົນງານຂອງຄົນອື່ນມາເປັນຂອງຕົນ.

ສະນັ້ນ, ພວກເຮົາຢາກເປັນນັກຮຽນດີ ຮຽນເກັ່ງ ກໍຕ້ອງໄດ້ເອົາໃຈໃສ່ຕັ້ງຫນ້າຮ່ໍາຮຽນ ດ້ວຍການຮຽນດ້ວຍຕົນເອງ, ຮຽນນໍາຫມູ່ຄູ່ຄູອາຈານ ແລະ ຮໍ່າຮຽນຈາກມະຫາຊົນທີ່ກ້າວຫນ້າ. ນອກນັ້ນ ກໍຕ້ອງມີສະຕິຕໍ່ການຈັດຕັ້ງ ມີລະບຽບວິໄນ ບໍ່ເປັນຄົນເຫັນແກ່ຕົວ ດັ່ງຄໍາສຸພາ ສິດທີ່ວ່າ “ເຄັ່ງຄັດຕໍ່ລະບຽບ ບໍ່ເອົາປຽບມິດສະຫາຍ”. ສະນັ້ນ, ພວກເຮົາເປັນຄົນ ຕ້ອງສ້າງຄວາມດີເອົາໄວ້ຫນ້າປະຫວັດສາດ ເພື່ອໃຫ້ຄົນອື່ນຈາລຶກບຸນຄຸນ ແລະ ຮ່ໍາຮຽນເອົາເປັນແບບຢ່າງ.

ຈາກການອະທິບາຍ-ພິສູດ ຄໍາສຸພາສິດທີ່ກ່າວມາຂ້າງເທິງນັ້ນ ແມ່ນຖືກຕ້ອງທີ່ສຸດ ເພາະວ່າຜົນງານການກະທໍາມັນມີຄຸນປະໂຫຍດອັນໃຫຍ່ຫຼວງ ສໍາລັບຕົນເອງກໍຄືປະເທດຊາດ ພ້ອມທັງມີກຽດ ແລະ ຊື່ສຽງໂດ່ງດັງດັງ ຜົນງານຂອງບັນດາທ່ານຜູ້ນໍາ ແລະ ນັກວິລະຊົນລາວ ໄດ້ສ້າງມານັ້ນ ດັ່ງນັ້ນ, ໃນນາມພວກເຮົາເປັນນັກຮຽນຄວນຕັ້ງຫນ້າເຝິກຝົນຕົນເອງ ສ້າງຜົນງານໄວ້ໃຫ້ຫຼາຍເພື່ອເອກອ້າງຊື່ສຽງ ຄຸນງາມຄວາມດີໄວ້ໃນສັງຄົມ ແລະ ປະເທດຊາດຍ້ອງຍໍສັນລະເສີນ ແລະ ເປັນແບບຢ່າງອັນດີງາມໄວ້ໃຫ້ຄົນຮຸ່ນຫຼັງ.

ຂອບໃຈ: ບຸນສົງ

ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - WhatsApp Image 2020 05 27 at 5 - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ
ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - WhatsApp Image 2020 05 27 at 5 - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ
ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - WhatsApp Image 2020 05 27 at 5 - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ
ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ - WhatsApp Image 2020 05 27 at 5 - ຄ່າຂອງຄົນ ຢູ່ທີ່ຜົນຂອງງານ ຄ່າຂອງງານ ຢູ່ທີ່ການກະທໍາ
error: Alert: Content is protected !!