50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ

50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ - a smooth sea never made a skilled sailor - 50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ
50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ - Untitled design - 50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ

ວັນທີ 1 ມິຖຸນາ 2020 ທີ່ກະຊວງສາທາລະນະສຸກ, ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໄດ້​ລາຍງານສະພາບການລະບາດຂອງພະຍາດໂຄວິດ-19 ໃນສປປ ລາວ ໂດຍການລາຍ​ງານຂອງ ທ່ານ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ຜູ້ປະຈໍາການຄະນະສະເພາະກິດຄວບຄຸມພະຍາດໂຄວິດ-19, ເຊິ່ງເປັນເວລາ 50 ມື້ ຕິດຕໍ່ກັນທີ່ ສປປ ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ ຜ່ານການກວດຫາເຊື້ອ 252 ຄົນ ໃນວັນທີ 31 ພຶດສະພາ ຜ່ານມາ ແລະ ປິ່ນປົວຫາຍດີອອກໂຮງໝໍແລ້ວ 16 ຄົນ, ຍັງຕິດຕາມອາການຢູ່ໂຮງໝໍມິດຕະພາບ 3 ຄົນ.

ທ່ານ ດຣ. ພູທອນ ເມືອງປາກ ກ່າວວ່າ: ສະພາບການເຝົ້າລະວັງການລະບາດຂອງພະຍາດໂຄວິດ-19 ຢູ່ ສປປ ລາວ ຮອດ 17 ໂມງ ຂອງວັນທີ 31 ພຶດສະພາ 2020 ດ້ານການຕິດຕາມຜູ້ເດີນທາງຢູ່ຈຸດຜ່ານແດນຕ່າງໆ ມີຜູ້ເດີນທາງເຂົ້າມາມີທັງໝົດ 1.688 ຄົນ, ຜ່ານດ່ານລາວ-ໄທ 976 ຄົນ, ທັງໝົດແມ່ນຄົນຂັບລົດຂົນສົົ່ງສິນຄ້າ, ຜ່ານດ່ານ ລາວ-ຈີນ 22 ຄົນ, ໃນນັ້ນມີຄົນລາວ 2 ຄົນ, ເປັນນັກສຶກສາລາວ 1 ຄົນ, ເຫລືອນັ້ນແມ່ນຜູ້ຂັບລົດຂົນສົ່ງສິນຄ້າ, ຜ່ານດ່ານ ລາວ-ຫວຽດນາມ 690 ຄົນ, ໃນນັ້ນ ມີຄົນລາວ ກັບມາແຕ່ວຽກລັດຖະການ 7 ຄົນ, ເຊິ່ງຜ່ານດ່ານສາກົນນໍ້າພ້າວ, ແຂວງບໍລິຄໍາໄຊ, ເຫລືອນັ້ນແມ່ນຄົນຂັບລົດຂົນສົ່ງສິນຄ້າ ແລະ ບໍ່ມີຜູ້ເດີນທາງຜ່ານສະໜາມບິນສາກົນວັດໄຕ, ເຊິ່ງທຸກຄົນທີ່ຜ່ານ ດ່ານຕ່າງໆ ໄດ້ແທກອຸນຫະພູມຮ່າງກາຍ ແລະ ກວດຫາອາການຜິດປົກກະຕິ ແມ່ນບໍ່ພົບຜູ້ມີອາການເປັນໄຂ້, ທັງໝົດໄດ້ເກັບຕົວຢ່າງມາກວດແລ້ວ ນຳສົ່ງໄປຈຳກັດບໍລິເວນຢູ່ສະຖານທີ່ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ດ້ານການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ວັນທີ 31 ພຶດສະພາ ຜ່ານມາ ໄດ້ເກັບຕົວຢ່າງມາກວດວິເຄາະ ທັງໝົດ 252 ຄົນ, ໃນນັ້ນມີແຮງງານລາວ ທີ່ກັບມາແຕ່ໄທ 44 ຄົນ, ແຮງງານຈີນ ທີ່ເຂົ້າມາລາວ 45 ຄົນ, ແຮງງານໄທ ເຂົ້າມາລາວ 129 ຄົນ, ກໍລະນີສົງໃສ 34 ຄົນ, ເຊິ່ງຜົນກວດແຮງງານລາວ, ແຮງງານຈີນ, ແຮງງານໄທ ແລະ ກໍລະນີສົງໃສທັງໝົດບໍ່ພົບເຊື້ອ ນັບເປັນ 50 ມື້ຕິດຕໍ່ກັນແລ້ວ ທີ່ລາວເຮົາບໍ່ມີຜູ້ຕິດເຊື້ອພະຍາດດັ່ງກ່າວ, ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 31 ພຶດສະພາ 2020 ໄດ້ເກັບຕົວຢ່າງມາກວດທັງໝົດ ມີ 7.180 ຕົວຢ່າງ, ກວດພົບເຊື້ອສະສົມ 19 ຄົນ.

50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ - Wave100S AD to Website 2020 0 - 50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ

ທ່ານ ດຣ. ພູທອນ ເມືອງປາກ ໃຫ້ຮູ້ຕື່ມວ່າ: ການຕິດຕາມປີ່ນປົວຄົນເຈັບຢູ່ໂຮງໝໍ ປັດຈຸບັນມີຜູ້ນອນຕິດຕາມຢູ່ໂຮງໝໍມິດຕະພາບ 3 ຄົນ, ຍິງ 2 ຄົນ ທັງໝົດແມ່ນມີສຸຂະພາບແຂງແຮງດີ ແລະ ຕ້ອງໄດ້ຕິດຕາມອາການຕື່ມອີກ 2-3 ມື້ ຖ້າຫາກກວດບໍ່ພົບເຊື້ອ ກໍຈະໄດ້ໃຫ້ອອກໂຮງໝໍໄປຕິດຕາມອາກາດຢູ່ເຮືອນ ຈົນກວ່າຈະຄົບກຳນົດ 14 ມື້.

50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ - WhatsApp Image 2020 05 27 at 5 - 50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ
50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ - WhatsApp Image 2020 05 27 at 5 - 50 ມື້ແລ້ວ ທີ່ ສປປ ລາວ ບໍ່ພົບຜູ້ຕິດໂຄວິດ-19 ເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!