ຈັບກຸມຜູ້ຄ້າຂາຍຢາເສບຕິດ ພ້ອມຂອງກາງ 1 ໝື່ນກວ່າເມັດ

​ແຫ​ລ່ງຂ່າວ​ແຂວງ​ສະຫວັນ​ນະ​ເຂດ​ ລາຍ​ງານ​ວ່າ: ​ໃນ​ວັນ​ທີ 23 ພຶດສະພາ 2020  ປກສ ນະຄອນ​ໄກສອນ ພົມວິຫານ ສາມາດ​ຈັບ​ກຸມຜູ້ຄ້າຂາຍຢາເສບຕິດໄດ້ 3 ຄົນຄື: ທ້າວ ວິດກີ້ວື່ ອາຍຸ 21 ປີ ກຳມະກອນ ບ້ານນາກຸງ, ທ້າວ ຟືວາງ ອາຍຸ 20 ປີ ກຳມະກອນ ບ້ານຕານມີໄຊ ທັງສອງ ເປັນຄົນເມືອງໄຊທານີ ນະຄອນຫຼວງວຽງຈັນ ແລະ ທ້າວ ແກ້ວອິນປັນ ຫຼື ອ່ອນ ອາຍຸ 24 ປີ ກຳມະກອນ ບ້ານຫົວເມືອງໃຕ້ ນະຄອນໄກສອນ ພົມວິຫານ ແຂວງສະຫວັນນະເຂດ ພ້ອມຢຶດຂອງກາງຢາບ້າ ຈຳນວນ 9 ມັດ, 10 ຖົງ ເທົ່າກັບ 19.930 ເມັດ, ລົດເກງ 1 ຄັນ ຍີ່ຫໍ້ KIA ສີິດຳ ໝາຍ​ເລກທະບຽນ ກຣ 7369 ກຳແພງນະຄອນ, ລົດຈັກຮອນດ້າ MSX125 ສີແດງ ບໍ່​ຕິດ​ປ້າຍ​ທະບຽນ 1 ຄັນ. ຄະດີ​ດັ່ງກ່າວ ​ເຈົ້າໜ້າ​ທີ່​ຈະ​ໄດ້ທຳການສືບສວນ-ສອບສວນ​ເພື່ອ​ຫາ​ຜູ້​ຮ່ວມ​ຂະ​ບວນການ ແລະ ດຳເນີນຕາມຂັ້ນຕອນກົດໝາຍຕໍ່ໄປ.