Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - 88887 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG
priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - AGL banner - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

ຄວາມ​ຮັກ​ຂອງ MARK ZUCKERBERG ​ແລະ ​ເມຍ Priscilla Chan ​ເລີ່​ມຕົ້ນຂຶ້ນລະຫວ່າງ​ທີ່​ທັງສອງ​ກຳລັງລຽນແຖວ​ຖ້າ​ໃຊ້​ຫ້ອງ​ນ້ຳ​ໃນ​ງານ​ປາຕີ້ ຂະນະ​ທີ່​ພວກ​ເຂົາ​ຍັງ​ເປັນ​ນັກ​ສຶກສາ​ມະຫາວິທະຍາ​ໄລ​ ຮາວາດ ປີ 2003 ຈາກ​ວັນນັ້ນຈົນ​ຮອດ​ວັນ​ນີ້ ນັບ​ເປັນ​ໄລຍະ​ເວລາ 17 ປີ​ແລ້ວ​ ຄວາມ​ຮັກ​ຂອງ​ຜູ້​ຊາຍເຕັກນິກ ຢ່າງ​ທ່ານ Zuckerberg ຈະ​ເປັນ​ແບບ​​ໃດ ?

ເຖິງ​ວ່າ​ທຸກ​ມື້ນີ້​ເຮົາ​ຈະ​ເຫັນ​ພາບ​ຂອງ​ທ່ານ Zuckerberg ຢູ່​ຖານະ​ຜູ້​ກໍ່ຕັ້ງ Facebook ​ແພກຟອມ​ໂຊ​ຊຽວມີ​ເດຍມູນ​ຄ່າ​ຫລາຍ​ແສນ​ລ້ານ​ໂດ​ລາ​ສະຫະລັດ ​ເຊິ່ງ​ເຮັດ​ໃຫ້​ເຂົາ​ກາຍ​ເປັນ​ບຸກຄົນ​ທີ່​ລວຍ​ເປັນອັນ​ດັບ​ຕົ້ນໆຂອງ​ໂລກ ​ແຕ່​ໃນ​ປີ 2003 ທີ່​ທ່ານ Zuckerberg ​ເຈີ​ກັບ​ ​Chan ລາວ​ຍັງ​ເປັນ​ພຽງ​ເດັກ​ນ້ອຍບໍ່ຫມັ້ນໃຈ ຖື​ແກ້ວ​ເບຍ​ທີ່​ມີ​ມຸກ​ຕາຫລົກ​ແບບດີຕີຕ້ອນ ນອກຈາກ​ນັ້ນຍັງ​ຫລິ້ນແບບກວນຯ​ໂດຍ​ການ​ສ້າງ Facemash ເຊິ່ງ​ເປັນ​ເວ​ບ​ໄຊ​ຈັດ​ອັນ​ດັບ​ຄວາມນິຍົມ​ຂອງ​ສາວໆ ​ຢູ່​ມະຫາວິທະຍາ​ໄລ ຈົນ​ຕອນ​ນັ້ນທຸກ​ຄົນ ​ເຖິງ​ແຕ່​ໂຕ​ເຂົາ​ເອງ ກໍ​ຄິດ​ວ່າ​ຈະຖືກ​ໄລ່​ອອກ​ ຢ່າງໃດ​ກໍ​ຕາມ ທ່ານ Zuckerberg ພັດ​ໃຊ້​ເລື່ອງ​ນີ້​ເປັນ​ຂໍ້​ອ້າງ​ໃນ​ການ​ຂອບ​ໃຈ Chan ອອກ​ເດດ​ໃຫ້​ໄວ​ທີ່​ສຸດ ກ່ອນ​ທີ່​ລາວ​ຈະ​ບໍ່​ໄດ້​ຢູ່​ທີ່​ມະຫາວິທະຍາ​ໄລ​ແຫ່ງ​ນີ້.

ນອກ​ຈາກນັ້ນ ທ່ານ Zuckerberg ຍັງ​ພະຍາຍາມ​ສ້າງ​ຄວາມ​ປະ​ທັບ​ໃຈ​ໃຫ້​ກັບ Chan ດ້ວຍ​ການ​ບອກ​ວ່າ​ເຂົາ​ເລືອກ​ທີ່​ຈະ​ໄປ​ອອກ​ເດດ​ກັບ​ເຂົາ​ແທນ​ການ​ເຮັດ​ວຽກ​ທີ່​ອາຈານ​ສັ່ງ ​ເຊິ່ງກໍ​ເບິ່ງ​ຄື​ວ່າ Chan ​ເປັນ​ນັກຮຽນ​ຕົວ​ຢ່າງ​ມາ​ຕະຫລອດ ຈະ​ຮູ້ສຶກ​ຕົກ​ໃຈ​ກັບ​ເລື່ອງ​ນີ້​ຫລາຍ​ກວ່າ​.

ທັງ​ສອງ​ພົບ​ກັນ​ມາ​ເລື້ອຍໆ ຈົນ​ຮອດ​ຕອນແພກຟອມ Facebook ​ເປີດ​ໃຫ້​ໃຊ້​​ໃນ​ປີ 2004 ​Chan ​ກໍ​ເປັນ​ໜຶ່ງ​ໃນ​ຄົນ​ທຳ​ອິດ ທີ່​ເປັດ​ບັນຊີ​ຜູ້​​ຫລິ້ນ ເຟສ. ​​ໃນ​ປີ 2005 ທ່ານ Zuckerberg ກໍ​ອອກ​ຈາກ​ມະຫາວິທະຍາ​ໄລ ​ເພື່ອ​ມາ​ເຮັດ Facebook ຢ່າງ​ເຕັມ​ໂຕ​ໂດຍ​ຍ້າຍ​ໄປ​ຢູ່​ທີ່​ລັດ​ແຄ​ລິ​ຟໍ​ເນຍ ​ແລະ ຕັ້ງສຳນັກງານ​ຢູ່​ບ່ອນ​ນັ້ນ.

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - 774 300x260 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

​ເຊິ່ງຂະນະ​ນັ້ນ Chan ຍັງ​ຮຽນ​ຢູ່​ມະຫາວິທະຍາ​ໄລຮາ​ເວີ​ດ ທີ່ຢູ່​ໄກ​ກັນ​ຄົນ​ລະ​ຝັ່ງ​ປະ​ເທດ ຈົນ​ກະ​ທັງ​ຮຽນ​ຈົບ​ການ​ສຶກສາ​ໃນ​ປີ 2007.

ຫລັງ​ຈາກ​ນັ້ນລາວ​ຈິ່ງ​ຍ້າຍ​ໄປ​ຢູ່​​ແຄ​ລິ​ຟໍ​ເນຍ ​ແລະ ຮຽນ​ຕໍ່​ການ​ແພດ ຢູ່​ມະຫາວິທະຍາ​ໄລ​ແຄ​ລິ​ຟໍ​ເນຍ ​ເຖິງ​ວ່າ​ຕອນ​ນັ້ນ ທ່ານ Zuckerberg ຈະ​ຕ້ອງ​ທຸ້ມເທ​ເວລາ​ໃນ​ການ​ປຸກ​ປັ້ນ Facebook ​ແຕ່ ​Chan ກໍ​ພະຍາຍາມ​ສະຫລະ​ເວລາພົບກັນ​ຢ່າງ​ນ້ອຍ​ອາທິດ​ລະ​ເທື່ອ ​ເທື່ອ​ລະ​ຢ່າງ​ນ້ອຍ 100 ນາທີ ​ແລະ ຕ້ອງ​ບໍ່​​ແມ່ນ​ຫ້ອງການ Facebook.

​ເຊິ່ງກິດຈະກຳ​ທີ່​ທັງ​ສອງ​ເຮັດ​ນຳ​ກັນ​ກໍຂ້ອນ​ຂ້າງ​ລຽບ​ງ່າຍ​ເຊັ່ນ: ການ​ຍ່າງຫລິ້ນ​ໃນ​ສວນ​, ພາຍ​ເຮືອ​ແຂ່ງ​ກັນ ຫລື ຮັບ​ປະທານ​ອາຫານ​ຮ່ວມ​ກັນ​. ຈົນ​ກະ​ທັງ​ປີ 2010 Chan ກໍ​ຍ້າຍ​ມາ​ຢູ່​ເຮືອນ​ເຊົ່າ​ Zuckerberg ຈາກ​ການ​ເຊົ່າ​​ເຮືອນ​ຢູ່​ນຳ​ກັນ Zuckerberg ກໍ​ຕັດສິນ​ໃຈ​ຊື້​ເຮືອນ​ຫລັງ​ທຳ​ອິດ​ກ່ອນ​ຈະ​ຂະຫຍາຍ​​ເປັນ​ການ​ລົງທຶນ​ຢູ່​​ເຮືອນ​ຫລາຍໆຫລັງ​ໃນ​ປັດຈຸບັນ ​ເອີ້ນ​ໄດ້​ວ່າ Chan ​ເປັນ​ບຸກຄົນ​ທີ່ຢູ່​ໃນ​ທຸກ​​ເຫດການ​ຂອງ Zuckerberg ​ຕັ້ງ​ແຕ່​ເປ​ັນ​ເດັກ​ທີ່​ບໍ່​ມີ​ອີ່​ຫຍັງ​ຈັກຢ່າງ​ ຈົນ​ປະສົບ​ຄວາມ​ສຳ​ເລັດ ​ແລະ ​ເປັນ​ມະຫາ​ເສດຖີ​ພັນ​ລ້ານ ​​ເຊິ່ງຖ້າ​ເບິ່ງ​ດີໆ​ແລ້ວ ຢູ່​ທຸກໆກ້າວ​ຂອງ Zuckerberg ກໍ​ມີ​ແຕ່ Chan ​ເປັນ​ຜູ້​ຢູ່​ເບື້ອງຫລັງ​ ທັງ​ເລື່ອງ​ນ້ອຍໆ ຄື​ການ​ຖ່າຍຮູບ​ປະ​ກອບ​ບົດ​ຄວາມຄວາມສຳເລັດສະໄຫມ Facebook ​ເລີ່​ມຕົ້ນທຳ​ອິດ ຫລື ການ​ຕັດສິນ​ໃຈຄັ້ງສຳຄັນ​ໃນ​ການ​ປະຕິ​ເສດ​ຄຳ​ສະ​ເໜີ​ຊື້ມູນ​ຄ່າ​ພັນ​ລ້ານ​ໂດ​ລາ​ສະຫະລັດ Yahoo! ປີ 2006. ​

ໃນ​ເດືອນ​ພືດ​ສະພາ​ 2012 ທັງ​ສອງ​ຈັດ​ງານ​ແຕ່ງດອງຢູ່​ສວນ​ຫລັງ​ເຮືອນ ​ໂດຍ​ຕອນ​ນັ້ນ​ເປັນ ​ໄລຍະ​ເວລາ​ບໍ່ເທົ່າໃດ​ມື້ຫລັງ​ຈາກ Facebook ​ເປີດ​ການ​ຊື້ຂາຍ​ຮຸ້ນ​ເປັນ​ມື້ທຳ​ອິດ​ຢູ່​ຕະຫລາດ​ຫລັກ​ຊັບ (IPO) ​ແລະ ຍັງ​ກົງ​ກັບ​ວັນ​ຈົບ​ການ​ສຶກສາ​ຂອງ Chan.

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - Wave100S AD to Website 2020 0 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - 55744 300x244 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

Zuckerberg ຈິ່ງ​ຕົວະ​ແຂກ​ໃນງານວ່າ ​ເປັນການ​ເຊີ​ໄພ​ງານ​ຈົບ​ການ​ສຶກສາ​ໃຫ້​ກັບ Chan ​ແຕ່​ສຸດ​ທ້າຍ​ກັບ​ເປັນ​ຄົນ​ທີ່​ມາ​ລວມງານ ທີ່​ຖືກ​ເຊີ​ໄພ​ເລື່ອງ​ທີ່​ທັງ​ສອງ​ຈະ​ແຕ່ງງານ​ກັນ​. ການ​ໄປ​ຫາ​ນິມູນ​ຂອງ​ທັງ​ສອງ​ກໍ​ມີ​ຄວາມ​ລຽບ​ງ່າຍ​ເຊັ່ນ​ກັນ ຄື​ວັນ​ຢຸດ​ທົ່ວ​ໄປ ​ໂດຍ​ມີ​ຄົນ​ເຫັນ​ພວກ​ເຂົາ​ນັ່ງ​ຮັບ​ປະທານ​ອາຫານ​ກັນ​ຢູ່​ຮ້ານ Mcdonald’s.

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - 999 1 300x234 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

ປີ 2015 Chan ​ມີລູກ​ສາວ​ເປັນ​ຄົນ​ທຳ​ອິດ​ຊື່ວ່າ Maxima ​ແລະ ​ເພື່ອ​ເປັນ​ການ​ຮັບ​ຂວັນ​ລູກ​ສາວ ພວກ​ເຂົາ​ໄດ້​ຕັ້ງອົງ​ກອນ​ການ​ກຸ​ສົນ Chan Zuckerberg Initiative (CZI)

​ໂດຍ​ມີ​ເປົ້າໝາຍ​ທະຍອຍ​ຂາຍ​ຮຸ້ນ Facebook ທັງ​ໝົດ 99% ທີ່​ມີ​ຢູ່ ​ເພື່ອ​ບໍລິຈາກ​ເງິນ​ເຂົ້າອົງ​ກອນ​ນີ້ ຊຶ່ງ Chan ​ໄດ້​ລາ​ອອກ​ຈາກ​ວຽກ​ປະຈຳ ​ແລະ ​ເຂົ້າມາ​ເປັນ​ຄົນ​ບໍລິຫານ​ງານ​ດ້ານ​ການ​ກຸສົນ​ເຕັມ​ໂຕ.

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - 474 300x188 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG

ຕໍ່​ມາ​​ປີ 2017 ພວກ​ເຂົາ​ກໍ​​ໄດ້​ມີລູກ​ອີກຄົນໜຶ່ງຊື່ August ​ເພາະ​ເກີດ​ໃນ​ເດືອນ​ສິງຫາ ​ໂດຍ Zuckerberg ​ຈົນ​​ໄດ້​ລາ​ວຽກ​ລ້ຽງ​ລູກ​ເປັນ​ເວລາ 2 ​ເດືອນ ​ເຊິ່ງທັງ​ໝົດ​ນີ້​ກໍ​ສະ​ແດງ​ໃຫ້​ເຫັນ​ອີກ​ດ້ານ​ຂອງ Zuckerberg ທີ່​ສ່ວນ​ໃຫຍ່​ເຮົາ​ຈະ​ຄຸ້ນ​ວ່າ​ລາວ​ເປັນ​ຜູ້​ເປັນ​ທຸ້ມ​ເທ​ສ້າງ Facebook ຈົນ​ປະສົບ​ຄວາມ​ສຳ​ເລັດ​ ແຕ່​​ອີກ​ມູນ ​ເຂົາ​ຍັງ​ເປັນ​ຄົນ​ທີ່​ໃຫ້​ຄວາມ​ສຳຄັນ​ກັບ​ຄອບຄົວ ​ໂດຍ​ສະ​ເພາະ​ຄ່າ​ຮັກສາ​ຄວາມ​ປອດ​ໄພ​ທີ່​ລາວ​ຍອມ​ຈ່າຍ​ສູງ 20 ລ້ານ​ໂດ​ລາ​ສະຫະລັດ​.

​ຢູ່​ປີ 2014 Zuckerberg ​ໄດ້​ຮັບ​ເຊີນ​ໃຫ້​ໄປ​ເວົ້າກ່ຽວ​ກັບ​ມະຫາວິທະຍາ​ໄລ​ຊິງ​ຫວາ ຢູ່​ປະ​ເທດ ​ເຊິ່ງລາວ​ໄດ້​ຖາມ​ຕອບ​ເປັນ​ພາສາ​ຈີນ ​ເປັນ​ເວລາ​​ເຄິ່ງຊົ່ວ​ໂມງຫລັງ​ຈາກ​ທີ່​ວິ​ດີ​ໂອ​ນີ້​ຖືກ​ເຜີຍ​ແຜ່​ອອກ​ໄປ ​ເຖິງ​ວ່າ​ຈະ​ມີ​ບາງ​ສ່ວນ​ທີ່​ອອກ​ມາ​ວິຈານ​ສຳ​ນຽນ ​ແລະ ການ​ເວົ້າພາສາ​ຈີນ​ຂອງ​ເຂົາ​ແຕ່​ຄົນ​ສ່ວນ​ໃຫຍ່​ກັບ​ຮູ້ສຶກ​​ຊື່ນ​ຊົມ ​ເພາະ​ຫາ​ໄດ້​ຍາກ​ທີ່​ຈະ CEO ຊາວ​ອາ​ເມ​ລິ​ກາ​ທີ່​ປະສົບ​ຄວາມ​ສຳ​ເລັດ​ຈະ​ມາຝຶກ​ເວົ້າພາ​ສາ​ຈີນ ​ເຊິ່ງ​ເປັນ​ພາສາ​ທີ່​ຂ້ອນ​ຂ້າງ​ຍາກ ​ແລະ ສັບຊ້ອນ. ​ຢ່າງ​ໃດ​ກໍ​ຕາມ ​ເຄັດ​ລັບ​ການ​ຝຶກ​ພາສາ​ຈີນ Zuckerberg ກໍ​ຄື Chan ​ເນື່ອງ​ຈາກ​ຈຸດປະສົງ​ທີ່​ເຮັດ​ໃຫ້ Zuckerberg ​ເລີ່​ມຕົ້ນຝຶກ​ພາ​ຈີນ​ກໍ​ເພື່ອ​ຈະ​ສື່ສານ​ກັບ​ຄອບຄົວ Chan ທີ່​ເປັນ​ຊາວ​ຈີນ​.

priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - WhatsApp Image 2020 05 27 at 5 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG
priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - WhatsApp Image 2020 05 27 at 5 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG
priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - WhatsApp Image 2020 05 27 at 5 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG
priscilla chan ຜູ້ຢູ່ເບື້ອງຫລັງຄວາມສຳເລັດຂອງ mark zuckerberg - WhatsApp Image 2020 05 27 at 5 - Priscilla Chan ຜູ້ຢູ່ເບື້ອງຫລັງຄວາມສຳເລັດຂອງ MARK ZUCKERBERG
error: Alert: Content is protected !!