ນັກຕົ້ມຕຸນໄປບໍ່ລອດຖືກຈັບດຳເນີນຄະດີ

ນັກຕົ້ມຕຸນໄປບໍ່ລອດຖືກຈັບດຳເນີນຄະດີ - 33 - ນັກຕົ້ມຕຸນໄປບໍ່ລອດຖືກຈັບດຳເນີນຄະດີ
ນັກຕົ້ມຕຸນໄປບໍ່ລອດຖືກຈັບດຳເນີນຄະດີ - Untitled design - ນັກຕົ້ມຕຸນໄປບໍ່ລອດຖືກຈັບດຳເນີນຄະດີ

​ແຫ​ລ່ງຂ່າວ​ແຂວງ​ບໍລິ​ຄຳ​ໄຊ ລາຍ​ງານ​ວ່າ: ເຈົ້າໜ້າທີ່ຕໍາຫລວດພະແນກສືບສວນ-ສອບສວນ ປກສ ແຂວງ ບໍລິຄໍາໄຊ ໃຫ້ຮູ້ວ່າ: ທ້າວ ເກັ່ງ ຫລື ໄມຄໍາ ອາຍຸ 33 ປີ ຢູ່ບ້ານນໍ້າງອມ ເມືອງວຽງທອງ ແຂວງບໍລິຄໍາໄຊ ເຊິ່ງເປັນຜູ້ຖືກຫາໃນຄະດີລັກຊັບພົນລະເມືອງ ຖືກເຈົ້າໜ້າທີ່ກັກຕົວໃນວັນທີ 15 ມັງກອນ 2020 ໄດ້ຮັບສາລະພາບກັບເຈົ້າໜ້າທີ່ວ່າ: ຕົນເຄີຍຖືກຈໍາຄຸກມາແລ້ວ 4 ຄັ້ງໃນສະຖານລັກຊັບພົນລະເມືອງ, ພາຍຫຼັງອອກຄຸກມາກໍໄດ້ເຄື່ອນໄຫວລັກຊັບອີກ ຈໍານວນ 4 ຄັ້ງກ່ອນຖືກເຈົ້າໜ້າທີ່ ປກສ ເມືອງຄໍາເກີດ ແຂວງບໍລິຄໍາໄຊ ກັກຕົວ ແລ້ວສົ່ງໃຫ້ເຈົ້າໜ້າທີ່ຕໍາຫລວດພະແນກສືບສວນ-ສອບສວນ ປກສ ແຂວງ ດໍາເນີນຄະດີຕາມລະບຽບກົດໝາຍ.

ຜ່ານການສືບສວນ-ສອບສວນ ທ້າວ ເກັ່ງ ຫລື ໄມຄໍາ ຮັບສາລະພາບວ່າ: ໄດ້ເຄື່ອນໄຫວລັກຊັບປະເພດລົດຈັກຂອງບຸກຄົນອື່ນດ້ວຍຮູບການຂໍຢືມ ແລ້ວນໍາເອົາໄປຂາຍ ມາແລ້ວ 4 ຄັ້ງ ເຊິ່ງຄັ້ງທີ 1 ໃນ​ເດືອນພະຈິກ 2019 ໄດ້ໄປຕົວະຢືມລົດຈັກເວບໂຄລາວສີດໍາບໍ່ມີປ້າຍທະບຽນ ຂອງນາງ ນີ ຢູ່ບ້ານຫ້ວຍເລິກ ເມືອງທ່າພະບາດ ແຂວງບໍລິຄໍາໄຊ ໂດຍຜູ້ກ່ຽວໃຊ້ຮູບການເຂົ້າໄປສ້າງຄວາມຮັກແພງ, ຫຼັງຈາກນັ້ນຂໍຢືມລົດຈັກແລ້ວນຳໄປຂາຍໃຫ້ທ້າວ ອົ້ນ ຢູ່ບ້ານທ່າສາລາ ເມືອງຄໍາເກີດ ໃນລາຄາ 700.000 ກີບ, ຄັ້ງທີ 2 ໃນເດືອນທັນວາ 2019 ໄດ້ຕົວະຂໍຢືມລົດຈັກເວບຈີນ ສີແດງ-ດໍາ ບໍ່ມີປ້າຍທະບຽນ ຂອງທ້າວ ວັນ ຢູ່ບ້ານນາພົງ ເມືອງປາກກະດິງ ແຂວງບໍລິຄໍາໄຊ ແລ້ວເອົາໄປຂາຍໃຫ້ຄົນຜູ້ໜຶ່ງບໍ່ຮູ້ຊື່ຢູ່ບ້ານຫາດຊາຍຄໍາ ເມືອງປາກກະດິງ ໃນລາຄາ 500.000 ກີບ, ຄັ້ງທີ 3 ໃນ​ເດືອນມັງກອນ 2020 ໄດ້ໄປຕົວະຢືມລົດຈັກເວບຈີນ ຂອງທ້າວ ຄໍາພາ ຢູ່ບ້ານປ່າຄາ ເມືອງຄໍາເກີດ ແລ້ວເອົາໄປຂາຍໃຫ້ທ້າວ ເພັດ ຢູ່ບ້ານພູສາດ ເມືອງຄໍາເກີດ ໃນລາຄາ 500.000 ກີບ, ຄັ້ງທີ 4 ໃນເດືອນມັງກອນ 2020 ໄດ້ໄປຕົວະຢືມລົດຈັກເວບ 100 ສີແດງດໍາ ໝາຍ​ເລກທະບຽນ ຈຈ 2582 ບໍລິຄໍາໄຊ ທີ່ເປັນລົດຂອງແມ່ທ້າວ ກີ້ ຢູ່ບ້ານວັດທາດ ເມືອງບໍລິຄັນ ແລ້ວຂີ່ມາບ້ານນາງອຍ ເມືອງຄໍາເກີດ ແລະ ໄດ້ເອົາໄປຂາຍໃຫ້ກັບຄົນບໍ່ຮູ້ຊື່ໃນລາຄາ 1.700.000 ກີບ, ເມື່ອໄດ້ເງິນມາຜູ້ກ່ຽວກໍເອົາໄປໃຊ້ຈ່າຍຊື້ເບຍມາດື່ມກັບໝູ່ ໝົດເງິນ 400.000 ກີບ, ຈາກນັ້ນ ເມຍເຈົ້າຂອງຜູ້ຊື້ລົດໄດ້ເອົາລົດຈັກມາສົ່ງພ້ອມທັງຂໍເງິນຄືນ, ແລ້ວຜູ້ກ່ຽວໄດ້ສົ່ງເງິນຄືນ ຈໍານວນ 1.300.000 ກີບ ຈຶ່ງເຮັດໃຫ້ເມຍຜູ້ນັ້ນບໍ່ພໍໃຈ ແລະ ໄດ້ໄປແຈ້ງຄວາມກັບນາຍບ້ານນາງອຍ ແຈ້ງໃຫ້ເຈົ້າໜ້າທີ່ ປກສ ເມືອງຄໍາເກີດ ມາກັກຕົວຜູ້ກ່ຽວໄປດໍາເນີນຄະດີ.

ທ້າວ ເກັ່ງ ຍັງສາລະພາບຕື່ມອີກວ່າ: ນອກຈາກເຄື່ອນໄຫວຕົວະເອົາລົດຈັກໄປຂາຍແລ້ວ, ຜູ້ກ່ຽວຍັງໄດ້ໄປຕົວະເອົາໂທລະສັບຍີ່ຫໍ້ຊໍາຊຸງ ຈໍານວນ 2 ໜ່ວຍ ຂອງຄົນຜູ້ໜຶ່ງບໍ່ຮູ້ຊື່ຢູ່ບ້ານນາຫີນ ເມືອງຄູນຄໍາ ແຂວງຄໍາມ່ວນ ແລ້ວນໍາໄປຂາຍໃຫ້ຄົນລາວສູງບໍ່ຮູ້ຊື່ ຢູ່ບ້ານນາງອຍ ເມືອງຄໍາເກີດ ຈໍານວນ 1 ໜ່ວຍ ໄດ້ເງິນ 150.000 ກີບ, ອີກໜຶ່ງໜ່ວຍແມ່ນເອົາໄວ້ນໍາໃຊ້ເອງ, ສ່ວນເງິນທີ່ໄດ້ມາຈາກການຂາຍລົດຈັກ ແລະ ໂທລະສັບແຕ່ລະຄັ້ງຜູ້ກ່ຽວໄດ້ເອົາໄປໃຊ້ຈ່າຍຫລິ້ນກິນຟູມເຟືອຍຈົນໝົດ.

ນັກຕົ້ມຕຸນໄປບໍ່ລອດຖືກຈັບດຳເນີນຄະດີ - Wave100S AD to Website 2020 0 - ນັກຕົ້ມຕຸນໄປບໍ່ລອດຖືກຈັບດຳເນີນຄະດີ

ເຈົ້າໜ້າທີ່ຕໍາຫລວດ ພະແນກສືບສວນ-ສອບສວນ ປກສ ແຂວງບໍລິຄໍາໄຊ ໃຫ້ຮູ້ຕື່ມວ່າ: ປັດຈຸບັນລົດຈັກທີ່ທ້າວ ເກັ່ງ ລັກໄປຂາຍ 4 ຄັນ ແມ່ນສາມາດເກັບກູ້ຄືນມາໄດ້ແລ້ວ ແລະ ໄດ້ມອບຄືນໃຫ້ເຈົ້າຂອງເດີມແລ້ວ 2 ຄັນ, ອີກ 2 ຄັນ ໄດ້ແຈ້ງເຖິງເຈົ້າຂອງລົດ ເພື່ອນໍາເອກະສານທີ່ຖືກຕ້ອງມາຢັ້ງຢືນເອົານໍາເຈົ້າໜ້າທີ່ຕໍາຫລວດ ພະແນກສືບສວນ-ສອບສວນ ປກສ ແຂວງບໍລິຄໍາໄຊ ໃນໂມງລັດຖະການ, ສ່ວນທ້າວ ເກັ່ງ ປັດຈຸບັນຢູ່ໃນຂັ້ນຕອນສະຫລຸບສໍານວນຄະດີສົ່ງໄອຍະການເພື່ອສັ່ງຟ້ອງສານຕັດສິນຕາມລະບຽບກົດໝາຍ.

ນັກຕົ້ມຕຸນໄປບໍ່ລອດຖືກຈັບດຳເນີນຄະດີ - WhatsApp Image 2020 05 27 at 5 - ນັກຕົ້ມຕຸນໄປບໍ່ລອດຖືກຈັບດຳເນີນຄະດີ
ນັກຕົ້ມຕຸນໄປບໍ່ລອດຖືກຈັບດຳເນີນຄະດີ - WhatsApp Image 2020 05 27 at 5 - ນັກຕົ້ມຕຸນໄປບໍ່ລອດຖືກຈັບດຳເນີນຄະດີ
error: Alert: ເນື້ອຫາຂ່າວມີລິຂະສິດ !!