ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ

ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - 35 - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ
ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - AGL banner - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ

      ທ່ານ ​ແມດ ​ແຮນ​ຄ໊ອກ ລັດຖະມົນຕີ​ວ່າການກະຊວງ​ສາທາລະນະ​ສຸກ​ສະຫະຣາຊະ​ອານາຈັກ ຍອມຮັບ​ວ່າ​ເຖິງ​ວ່າ​ສະຖານະ​ການ​ການລະບາດ​ຂອງ​​ໂຄ​ວິດ-19 ຈະ​ເລີ່​ມດີ​ຂຶ້ນ, ​ແຕ່​ປະ​ເທດ​ຍັງ​ໄດ້​ຮັບ​ຜົນ​ກະທົບ​ຢ່າງ​ໜັກ​ຈາກ​ວິ​ກິດ​ຄັ້ງນີ້ ​ໂດຍ​ມີ​ຜູ້​ເສຍ​ຊີວິດ​ເກືອບ 4 ໝື່ນ​ຄົນ​ແລ້ວ.

ທ່ານ ​ແຮນ​ຄ໊ອກ ລະບຸ​ໃນ​ກາ​ນຖະ​ແຫລ​ງຂ່າວ​ປະຈຳ​ວັນ​ທີ 2 ມິຖຸນາ​ວ່າ: ມີ​ຄວາມ​ຊັດ​ເຈນ​ວ່າຈະ​ຕ້ອງ​ໃຊ້​ເວລາ​ອີກ​ໄລຍະ​ໜຶ່ງ​ກວ່າ​ສະຖານະ​ການ​ການລະບາດ​ຂອງ​ໂຄ​ວິດ-19 ຈະ​ຫລຸດຜ່ອນ​ລົງ.

​ໂດຍ​ຂໍ້​ມູນ​ຈາກ​ລັດຖະບານ​ລະບຸ​ວ່າ: ຮອ​ດ​ເວລາ 9:00 ​ໂມງ ຂອງ​ວັນ​ທີ 2 ມິຖຸນາ ຜູ້​ຕິດ​ເຊື້ອສະ​ສົມ​ໃນ​ປະ​ເທດ​ມີ​ທັງ​ໝົດ 277.985 ຄົນ, ສ່ວນ​ຜູ້​ເສຍ​ຊີວິດ​ທີ່​ກ່ຽວຂ້ອງ​ກັບ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ມີ​ຢ່າງ​ໜ້ອຍ 39.369 ຄົນ.

​ໂດຍ​ຜູ້​ໄດ້​ຮັບ​ການ​ຕິດ​ເຊື້ອ​ແຕ່​ລະ​ວັນ​ເພີ່ມຂຶ້ນ 1.600 ຄົນ ​ແລະ ​ເສຍ​ຊີວິດ​ເພີ່ມ 324 ຄົນ.

​ໃນ​ວັນ​ທີ 8 ມິຖຸນາ​ນີ້, ທາງ​ການ​ສະຫະຣາຊະ​ອານາຈັກ​ຈະ​ເລີ່​ມບັງຄັບ​ໃຊ້​ມາດ​ຕະການ​ກັກ​ພະຍາດ​ເປັນ​ເວລາ 14 ວັນ​ຕໍ່​ຜູ້​ທີ່​ເດີນທາງ​ມາ​ຈາກ​ຕ່າງປະ​ເທດ ທັງ​ທາງ​ເຮືອບິນ, ​ເຮືອ​ຂ້າມ​ຝາກ ​ແລະ ລົດ​ໄຟ.

ມາດ​ຕະການ​ນີ້​ຈະ​ມີ​ຜົນ​ໃຫ້​ຜູ້​ເດີນທາງ​ມາ​ຈາກ​ຕ່າງປະ​ເທດ​ເຫລົ່າ​ນີ້​ຕ້ອງ​ໃຫ້​ຂໍ້​ມູນ​ທີ່ຢູ່​ທີ່​ພວກ​ເຂົາ​ຈະ​ໃຊ້​ເປັນ​ສະຖານ​ທີ່​ກັກ​ຕົວ​ຕະຫລອດ​ໄລຍະ​ເວລາ 2 ອາທິດ​ຕໍ່​ທາງ​ການ ​ເພື່ອ​ໃຫ້​ເຈົ້າໜ້າ​ທີ່​ສາມາດ​ເດີນທາງ​ໄປ​ກວດ​ສອບ ​ໂດຍ​ບໍ່​​ແຈ້ງ​ໃຫ້​ຮູ້ລ່ວງ​ໜ້າ​ໄດ້, ຜູ້​ຝ່າຝືນ​ຈະ​ມີ​ໂທດ​ປັບ​ໄໝ 100 ປອນ ​ແລະ ຈະ​ມີ​ການ​ເປີດ​ເຜີຍ​ລາຍ​ລະອຽດ​ເພີ່ມ​ຕື່ມ​ຂອງມາດ​ຕະການ​ນີ້​ໃນ​ວັນ​ທີ 3 ມິຖຸນາ.

ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - Wave100S AD to Website 2020 0 - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ

ຢູ່​ຝຣັ່ງ, ​ຮ້ານ​ບັນ​ເທີ​ງ ​ແລະ ຮ້ານ​ອາຫານກັບ​ມາ​ເປີດ​ໃຫ້​ບໍລິການ​ເປັນຄັ້ງທຳ​ອິດ​ນັບ​ແຕ່​ທາງ​ການ​ໃຊ້​ມາດ​ຕະການ​ລັອກດາວ ​ໂດຍ​ຂໍ້​ມູນ​ຈາກ​ມະຫາວິທະຍາ​ໄລ​ຈອນ​ຮອບ​ກິນ ລະບຸ​ວ່າ: ຝຣັ່ງມີ​ຜູ້​ຕິດ​ເຊື້ອສະ​ສົມ 189.348 ຄົນ ​ແລະ ​ເສຍ​ຊີວິດ​ແລ້ວ 28.836 ຄົນ.

ສະຖານະ​ການ​ຢູ່​ອິນ​ເດຍ ພົບ​ຜູ້​ຕິດ​ເຊື້ອ​ໃໝ່​ໃນ​ຮອບ 24 ຊົ່ວ​ໂມງ​ສູງ​ເຖິງ 8.392 ຄົນ, ​ເຖິງ​ວ່າ​ທາງ​ການຈະ​ເລີ່​ມຫລຸດຜ່ອນ​ມາດ​ຕະການ​ລັອກດາວ​​ແລ້ວ ​ໂດຍ​ປະ​ເທດ​ທີ່​ມີ​ປະຊາກອນ​ຫລາຍ​ເປັນອັນ​ດັບ 2 ຂອງ​ໂລກ​ນີ້​ມີ​ຜູ້​ຕິດ​ເຊື້ອສະ​ສົມ​ໃນ​ປະ​ເທດ 190.000 ຄົນ ​ແລະ ມີ​ຜູ້​ເສຍ​ຊີວິດຈາກ​ໄວຣັສ​ໂຄ​ໂຣນາສາ​ຍພັນ​ໃໝ່​ແລ້ວ 5.394 ຄົນ.

ຢູ່​ເມັກ​ຊິກ ມີ​ລາຍ​ງານ​ຜູ້​ເສຍ​ຊີວິດ​ຈາກ​ໂຄ​ວິດ-19 ​ເກີນ​ຫລັກ​ໝື່ນ​ແລ້ວ 10.167 ຄົນ ​ແລະ ມີ​ຜູ້​ຕິດ​ເຊື້ອສະ​ສົມ​ໃນ​ປະ​ເທດ​ເກືອບ 1 ​ແສນ​ຄົນ.

ສຳລັບ​ຜູ້​ຕິດ​ເຊື້ອສະ​ສົມ​ທົ່ວ​ໂລກ​ມີ 6,3 ລ້ານ​ຄົນ ​ແລະ ​ເສຍ​ຊີວິດ 376.885 ຄົນ ​ໂດຍ​ອາ​ເມ​ລິ​ກາ ​ເປັນ​ປະ​ເທດ​ທີ່​ມີ​ຜູ້​ຕິດ​ເຊື້ອສູງ​ສຸດ​ໃນ​ໂລກ 1.817.785 ຄົນ ​ແລະ ​ເສຍ​ຊີວິດ​ຢ່າງ​ໜ້ອຍ 105.475 ຄົນ.

ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - WhatsApp Image 2020 05 27 at 5 - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ
ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - WhatsApp Image 2020 05 27 at 5 - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ
ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - WhatsApp Image 2020 05 27 at 5 - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ
ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ - WhatsApp Image 2020 05 27 at 5 - ສະຫະຣາຊະອານາຈັກຍອມຮັບຍັງໄດ້ຮັບຜົນກະທົບໜັກ ຈາກໄວຣັສໂຄໂຣນາ ຍອດຕາຍໃກ້ 4 ໝື່ນຄົນແລ້ວ
error: Alert: Content is protected !!