ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?

ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - 18 1 - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?
ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - AGL banner - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?

ໂດຍ: ລູກເມືອງພວນ

ຍຸກນີ້ເປັນຍຸກເຕັກໂນໂລຊີກ້າວໜ້າບໍ່ມີພົມແດນ, ເປັນຍຸກທີ່ຜູ້ເຖົ້າຜູ້ແກ່ເພີ່ນວ່າ: “ຍຸກຫູແກ້ວຕາທິບ “, ” ຍຸກມຸດດິນບິນບົນ”,“ຍຸກແຜ່ນດິນທໍ່ໃບຂາມ” …ແຕ່ຄວາມລໍ້າໜ້າທາງເຕັກໂນໂລຊີທັນສະໄໝບໍ່ແມ່ນວ່າຈະມີແຕ່ອັນດີ, ຄຽງຄູ່ກັບອັນດີກໍມີທັງອັນບໍ່ດີ ນີ້ຄືຄູ່ມາດຕະເກນທີ່ຫຼີກລ່ຽງບໍ່ໄດ້. ຈະດີ ຫລື ບໍ່ດີນັ້ນ ມັນຂຶ້ນຢູ່ກັບຜູ້ໃຊ້. ຖ້າຫາກໃຊ້ໄປໃນທິດທາງທີ່ດີມັນກໍມີປະໂຫຍດຫຼາຍຢ່າງ ຕໍ່ຊີວີດ ແລະ ທຸລະກິດຂອງຄົນເຮົາ ກົງກັນຂ້າມຖ້າຫາກໃຊ້ໄປໃນທາງບໍ່ດີກໍຈະມີຜົນກະທົບຄືນມາຢ່າງມະຫາສານ. ຕົວຢ່າງ: ໃຊ້ສື່ສັງຄົມອອນລາຍເພື່ອຈຸດປະສົງໃນການຄົ້ນຄວ້າ, ສຶກສາຮໍ່າຮຽນ, ໃຊ້ເພື່ອຮຽນທາງໄກ, ເຮັດວຽກທາງໄກ, ກອງປະຊຸມທາງໄກ…ມັນຈະມີປະໂຫຍດຢ່າງຍິ່ງ, ກ່ອນອື່ນໝົດບໍ່ສິ້ນເປືອງງົບປະມານການໄປມາ, ປະຢັດເວລາ ແຖມຍັງວ່ອງໄວທັນການອີກດ້ວຍ. ກົງກັນຂ້າມ, ຖ້າຫາກໃຊ້ໄປໃນທິດທາງບໍ່ດີເຊັ່ນ: ໃຊ້ສື່ສັງຄົມອອນລາຍຕົວະຕົ້ມ ຫຼອກລວງ, ຍັກຍອກສໍ້ໂກງ,ໂຄສະນາໃສ່ຮ້າຍປ້າຍສີແນວທາງນະໂຍບາຍຂອງພັກ-ລັດ, ໂຈມຕີບິດເບືອນແນວບໍ່ມີຄວາມຈິງ…ກໍຈະໄດ້ຮັບຜົນກະທົບຕາມມາຢ່າງຫຼີກລ່ຽງບໍ່ໄດ້.

ຄຳວ່າ ເທັກໂນໂລຢີທັນສະໄໝ ມີທັງອັນດີ ແລະ ອັນຮ້າຍນັ້ນ ໃນກະໂຕຂອງມັນເອງບໍ່ມີຄຳວ່າ ‘ດີ’ ແລະ ‘ຮ້າຍ’, ຄຳວ່າ ” ດີ ” ແລະ ” ຮ້າຍ ” ນັ້ນ ມັນຂຶ້ນຢູ່ກັບຜູ້ໃຊ້ນັ້ນເອງ, ດັ່ງທີ່ກ່າວມາຂ້າງເທິງແລ້ວ.

ການທີ່ວ່າຂຶ້ນຢູ່ກັບຜູ້ໃຊ້ນັ້ນ, ກ່ອນອື່ນໝົດມັນຂຶ້ນຢູ່ກັບຄວາມຮັບຮູ້ເຂົ້າໃຈ, ທັດສະນະຫຼັກໝັ້ນຂອງຜູ້ໃຊ້ເອງ. ຖ້າມີຄວາມຮູ້ ຄວາມເຂົ້າໃຈຖືກຕ້ອງ, ມີທັດສະນະຫຼັກໝັ້ນການເມືອງສູງ, ມີວິໄສທັດໃນການເບິ່ງບັນຫາຖືກຕ້ອງກໍຈະມີຜົນປະໂຫຍດອັນລໍ້າຄ່າ.

ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - Wave100S AD to Website 2020 0 - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?

ພວກເຮົາຈະເຄີຍເຫັນການປຸກປັ່ນກະແສຕ່າງໆໃນສັງຄົມປັດຈຸບັນ ມັນບໍ່ໄດ້ຍາກຊາຫຍັງ, ພຽງແຕ່ໃຊ້ຄຳເວົ້າທີ່ບິດເບືອນແນວບໍ່ດີ, ບໍ່ມີຄວາມຈິງ ຫລື ນຳເອົາເຫດການທີ່ມີຄວາມຈິງ ໃນເລື່ອງດີ ແລະ ທັງບໍ່ດີ ໂພດລົງໃນເຟສບຸກ, ໃນທະວິດເຕີ, ໃນລາຍ…ບັນຫາດັ່ງກ່າວກໍຈະແປ່ລາມໄປທົ່ວໂລກຢ່າງໄວວາ ບໍ່ພຽງເທົ່າໃດນາທີ ດັ່ງກໍລະນີຂະບວນປະທ້ວງຢູ່ສະຫະລັດອາເມລິກາໃນຂະນະນີ້.

ເມື່ອມີທາງດ້ານບວກ ແລະ ດ້ານລົບຄືແນວນັ້ນ, ຈຶ່ງຮຽກຮ້ອງໃຫ້ທຸກຄົນຈົ່ງມີສະຕິໃນການນຳໃຊ້ ໃຫ້ເກີດຜົນປະໂຫຍດສູງສຸດ. ໃນກະໂຕວິທະຍາສາດມັນບໍ່ມີຄຳວ່າດີ ແລະ ບໍ່ດີ. ດີ ຫລື ບໍ່ດີມັນຂຶ້ນຢູ່ກັບຜູ້ໃຊ້ດັ່ງທີ່ກ່າວມາ. ທຸກຄົນໃຊ້ສື່ສັງຄົມອອນລາຍຈົ່ງນໍາໃຊ້ໄປແຕ່ໃນທາງທີ່ດີຈຶ່ງຈະມີຜົນຜະໂຫຍດທີ່ຄຸ້ມຄ່າຕໍ່ຊີວີດ ແລະ ທຸລະກິດຂອງຕົນເອງ.

ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - WhatsApp Image 2020 05 27 at 5 - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?
ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - WhatsApp Image 2020 05 27 at 5 - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?
ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - WhatsApp Image 2020 05 27 at 5 - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?
ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ? - WhatsApp Image 2020 05 27 at 5 - ໃຊ້ສື່ສັງຄົມອອນລາຍທຳລາຍໂຕເອງ ຫລື ເພື່ອຄວາມກ້າວໜ້າ?
  • 1013 Posts
  • 0 Comments
iLike/LPN/20
error: Alert: Content is protected !!