ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ

ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - 39 - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ
ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - AGL banner - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ

     ​​ແພດ​ຈີນ​ສັງ​ເກດ ຜູ້​ຕິດ​ເຊື້ອ​ໂຄ​ວິດ-19 ກຸ່ມ​ໃໝ່​ຢູ່​ພາກ​ຕາ​ເວັນ​ອອກສຽງ​ເໜືອ​ຂອງ​ປະ​ເທດ​ຕ່າງ​ອອກ​ໄປ​ຈາກ​ຜູ້​ຕິດ​ເຊື້ອຢູ່​ອູ່​ຮັນ.

​ແພດ​ຈີນ​ພົບ​ວ່າ: ​ໂຄ​ວິດ-19 ​ໃນ​ກຸ່ມ​ຜູ້​ຕິດ​ເຊື້ອທີ່​ເປັນ​ກຸ່ມ​ກ້ອນ​ກຸ່ມ​ໃໝ່​ຢູ່​ພາກ​ຕາ​ເວັນ​ອອກສຽງ​ເໜືອ​ມີ​ຄວາມ​ແຕກ​ຕ່າງ​ຈາກ​ໂຄ​ວິດ-19 ທີ່​ລະບາດ​ຄັ້ງທຳ​ອິດ​ຢູ່​ອູ່​ຮັນ ລະບຸ​ວ່າ: ​ເຊື້ອ​ໄວຣັສອາດ​ມີ​ການ​ປ່ຽນ​ແປງ​ໄປ​ໃນ​ທາງ​ທີ່​ບໍ່​ຮູ້ຈັກ.

ທ່ານ Qiu Haibo ຮອງ​ຜູ້ອຳນວຍການ​ໂຮງໝໍ​ຈົງ​ຕ້າ ລະບຸ​ວ່າ: ຜູ້​ຕິດ​ເຊື້ອ​ໂຄ​ວິດ-19 ທີ່​ພົບ​ຢູ່​ຈີ່​ຫລິນ ​ແລະ ​ເຮ​ຍຫລົງ​ຈຽງ ທາງ​ຕາ​ເວັນ​ອອກສຽງ​ເໜືອ​ຂອງ​ຈີນ ​ເບິ່ງ​ຄື​ຈະ​ມີ​ເຊື້ອ​ໂຄ​ວິດ-19 ຢູ່​ໃນ​ຮ່າງກາຍ​ດົນ​ກວ່າ ​ແລະ ​ໃຊ້​ເວລາ​ດົນ​ກວ່າ​ຈະ​ປິ່ນປົວ​ຫາຍ​ດີ​ຈົນ​ຜົນ​ທົດສອບ​ອອກ​ມາ​ເປັນ​ລົບ.

ຜູ້​ຕິດ​ເຊື້ອຢູ່​ພາກ​ຕາ​ເວັນ​ອອກສຽງ​ເໜືອ​ຍັງ​ເບິ່ງ​ຄື​ວ່າ​ຈະ​ໃຊ້​ເວລາ​ດົນ​ກວ່າ​ຈະ​ສະ​ແດງ​ອາການ ​ເມື່ອ​ປຽບທຽບ​ໃສ່​ກໍລະນີ​ຢູ່​ອູ່​ຮັນ​ທີ່​ເຊື້ອ​ໂຄ​ວິດ-19 ມີ​ໄລຍະ​ຟັກ​ຕົວ​ລະຫວ່າງ 1-2 ອາທິດ​ແລ້ວ​ຈຶ່ງ​ສະ​ແດງ​ອາການ. ຂະ​ບວນການ​ຂອງ​ເຊື້ອ​ໄວຣັສ​ໂຄ​ວິດ-19 ທີ່​ຊັກ​ຊ້າ​ກວ່າ​ປົກກະຕິ​ນີ້ ​ເຮັດ​ໃຫ້ການ​ຄວບ​ຄຸມ​ການ​ແຜ່​ລະບາດ​ບໍ່​ໃຫ້​ແຜ່​ກະຈາຍ​ເຮັດ​​ໄດ້​ຍາກ​ຂຶ້ນ.

ທ່ານ Qiu ກ່າວ​ອີກ​ວ່າ: ​ເມື່ອ​ຜູ້​ຕິດ​ເຊື້ອ​ແຕ່​ບໍ່​ສະ​ແດງ​ອາການ​ໃດໆ​ດົນ​ຂຶ້ນ ​ໄດ້​ກໍ່​ໃຫ້​ເກີດ​ການ​ຕິດ​ເຊື້ອ​ເປັນ​ກຸ່ມ​ກ້ອນ​ໃນ​ຄອບຄົວ. ມີ​ລາຍ​ງານ​ຜູ້​ຕິດ​ເຊື້ອ 46 ຄົນ​ໃນ​ໄລຍະ​ສອງ​ອາທິດ​ຜ່ານ​ມາ​ກະຈາຍ​ໄປ​ທົ່ວ 3 ​ເມືອງ ​ໄດ້​ແກ່ ຊູ​ຫລັນ, ຈີ່​ຫລິນ​ຊິ​ຕີ້ ​ແລະ ​ເສິນ​ຢາງ.

ທ່ານ Qiu ກ່າວ​ວ່າ: ​ແພດ​ຍັງ​ສັ​ງ​​ເກດ​ເຫັນ​ວ່າ: ຜູ້​ຕິດ​ເຊື້ອຢູ່​ພາກ​ຕາ​ເວັນ​ອອກສຽງ​ເໜືອ​ຈະ​ຖືກ​ໂຄ​ວິດ-19 ທໍາລາຍ​ປອດ​ຂອງ​ພວກ​ເຂົາ, ​ໃນ​ຂະນະ​ທີ່​ຜູ້​ຕິດ​ເຊື້ອຢູ່​ອູ່​ຮັນ​ຈະ​ຖືກ​ທຳລາຍ​ຫົວ​ໃຈ, ​ໄຕ ​ແລະ ລຳ​ໄສ້​ຫລາຍ​ກວ່າ.

ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - Wave100S AD to Website 2020 0 - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ

ປັດຈຸບັນ ​ເຈົ້າໜ້າ​ທີ່​ເຊື່ອ​ວ່າ​ຜູ້​ຕິດ​ເຊື້ອ​ໂຄ​ວິດ-19 ກຸ່ມ​ໃໝ່ນີ້ ​ເກີດ​ຈາກ​ການ​ຕິດ​ຕໍ່​ກັບ​ຜູ້​ທີ່​ຕິດ​ເຊື້ອຈາກຣັດ​ເຊຍ ​ເຊິ່ງ​ເປັນ​ໜຶ່ງ​ໃນ​ການ​ແຜ່​ລະບາດ​ທີ່​ຮ້າຍ​ແຮງ​ຢູ່​ເອີຣົບ. ລໍາດັບ​ທາງ​ພັນທຸ​ກຳ​ສະ​ແດງ​ໃຫ້​ເຫັນ​ເຖິງ​ການ​ເຂົ້າຄູ່​ລະຫວ່າງ​ຜູ້​ຕິດ​ເຊື້ອຢູ່​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ​ກັບ​ຜູ້​ຕິດ​ເຊື້ອຄົນຣັດ​ເຊຍ.

ນັກວິທະຍາສາດ​ຍັງ​ບໍ່​ເຂົ້າ​ໃຈ​ຢ່າງ​ເລິກ​ເຊິ່ງວ່າ: ​ໄວຣັສ​ໂຄ​ວິດ-19 ກໍາລັງ​ປ່ຽນ​ແປງ​ແທ້ ຫລື ບໍ່ ​ເພາະ​ຄວາມ​ແຕກ​ຕ່າງ​ທີ່​ແພດ​ຊາວ​ຈີນ​ເຫັນ​ອາດ​ເປັນ ​ເພາະ​ພວກ​ເຂົາ​ສາມາດ​ສັງ​ເກດ​ຜູ້​ຕິດ​ເຊື້ອ​ໄດ້​ຢ່າງ​ລະອຽດ ​ແລະ ​ໄວ​ກວ່າ​ຢູ່​ອູ່​ຮັນ.

ນັກວິ​ໄຈ​ທົ່ວ​ໂລກ​ກຳລັງ​ພະຍາຍາມ​ກວດ​ສອບ​ວ່າ: ​ໄວຣັສ​ໂຄ​ວິດ-19 ກໍາລັງ​ກາຍພັນ ​ເພື່ອ​ປະຊາກອນ​ມະນຸດ​ຕິດພະຍາດ​ຫລາຍ​ຂຶ້ນ ຫລື ບໍ່, ​ແຕ່​ການ​ວິ​ໄຈ​ກ່ອນ​ໜ້າ​ນີ້​ຊີ້​ໃຫ້​ເຫັນ​ຄວາມ​ເປັນ​ໄປ​ໄດ້​ນີ້​ຖືກ​ວິຈານ​ຢ່າງ​ໜັກ​ວ່າ​ເປັນ​ເລື່ອງ​ເກີນ​ຄວາມ​ຈິງ.

​ເຖິງ​ຢ່າງ​ໃດ​ກໍ​ຕາມ, ປັດຈຸບັນ​ພື້ນທີ່​ທາງ​ພາກ​ຕາ​ເວັນ​ອອກສຽງ​ເໜືອ​ຂອງ​ຈີນ​ໄດ້​ສັ່ງ​​ໃຫ້​ກັບ​ມາ​ໃຊ້​ມາດ​ຕະການ​ລັອກດາວ​ອີກ​ເທື່ອ​ໜຶ່ງ ​ໂດຍ​ຢຸດ​ບໍລິການ​ລົດ​ໄຟ, ປິດ​ໂຮງຮຽນ ​ແລະ ຫ້າມ​ປະຊາຊົນ​ອອກ​ຈາກ​ເຮືອນ.

ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - WhatsApp Image 2020 05 27 at 5 - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ
ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - WhatsApp Image 2020 05 27 at 5 - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ
ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - WhatsApp Image 2020 05 27 at 5 - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ
ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ - WhatsApp Image 2020 05 27 at 5 - ການລະບາດຄັ້ງໃໝ່ຂອງໂຄວິດ-19 ຢູ່ຈີນ ສະແດງສັນຍານວ່າໄວຣັສກຳລັງປ່ຽນໄປ
error: Alert: Content is protected !!