ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ?

ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ? - 478 - ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ?
ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ? - Untitled design - ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ?

ບໍ່ມີໃຜມັກເວລາຖືກບັງຄັບໃຫ້ຍີ້ມ ຫລື ລ່າເລີງໃນຕອນທີ່ກຳລັງອາລົມບໍ່ດີດອກ, ຄົນເຮົາບໍ່ສາມາດທີ່ຈະມີຄວາມສຸກ ແລະ ມ່ວນຊື່ນເຮຮາໄດ້ຕະຫລອດເວລາ, ແຕ່ໃນຊ່ວງເວລາທີ່ບໍ່ດີນີ້ ທີ່ໝູ່ເພື່ອນ ແລະ ຄອບຄົວຈະຕ້ອງການຄວາມອົບອຸ່ນ ແລະ ພະລັງບວກຈາກທ່ານຫລາຍທີ່ສຸດ. ນີ້ແມ່ນວິທີທີ່ທ່ານສາມາດປອບໃຈ ແລະ ໃຫ້ກຳລັງໃຈໝູ່ເພື່ອນ ຫລື ຄອບຄົວ ໂດຍທີ່ບໍ່ບັ່ນທອນໂຕທ່ານເອງນຳ.

ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ? - Wave100S AD to Website 2020 0 - ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ?
  1. ອັນດັບທຳອິດຕ້ອງເຂົ້າອົກເຂົ້າໃຈ :ທ່ານອາດຈະຢາກເຕືອນສະຕິໝູ່ທີ່ກຳລັງເສົ້າໝອງໃຫ້ເຫັນວ່າເຂົາມີສິ່ງດີໆໃນຊີວິດຕັ້ງຫລວງຫລາຍ, ແຕ່ການສະແດງຄວາມເຂົ້າອົກເຂົ້າໃຈຕໍ່ເຂົາ ຈະໃຫ້ຜົນທີ່ດີກ່ວາການເວົ້າຊຳ້ໆຊາກໆເຖິງດ້ານດີໆໃນຊີວິດ ເຊິ່ງອາດຍິ່ງເຮັດໃຫ້ເຂົາຮູ້ສຶກບໍ່ດີໄດ້. ຈິລ ລິເບີແມນ ຜູ້ຂຽນບົດຄວາມ Choose Happy: Your Go-to-Guide for Living a Happier Lifeກ່າວວ່າ : “ຂັ້ນຕອນທຳອິດຂອງການຊ່ວຍເຫລືອຜູ້ອື່ນ ແມ່ນການເບິ່ງສິ່ງຕ່າງໆດ້ວຍມຸມມອງຂອງເຂົາ ບໍ່ແມ່ນຂອງເຮົາ ແລ້ວທ່ານຈະເຂົ້າໃຈສິ່ງທີ່ເຂົາຕ້ອງພົບ ແລະ ລະອຽດອ່ອນຕໍ່ຄວາມຮູ້ສຶກຂອງເຂົາຫລາຍຂຶ້ນ”.
  2. ຮັບຟັງຢ່າງແທ້ຈິງ : ດຣ. ສະກັອດ ແຮມມອນ ສາດສະດາຈານ ສາຂາການບໍລິຫານທຸລະກິດ Jon M. Huntsman ຈາກມະຫາວິທະຍາໄລຢູທາສະເຕດ ໄດ້ກ່າວວ່າ :“ສູນທອນພົດທີ່ສ້າງແຮງບັນດານໃຈໄດ້ດີທີ່ສຸດຍັງມີຄ່າໜ້ອຍກ່ວາການຕັ້ງໃຈຟັງດ້ວຍໃຈຈິງພຽງ 10 ນາທີ ໂດຍບໍ່ວິພາກວິຈານ, ແນະນຳ ຫລື ເວົ້າຂັດແຍ່ງໃດໆເລີຍ”. ດຣ ຄີລລີ ຟລານິແກນ ຄູຝຶກພັດທະນາດ້ານອາຊີບ ແລະ ອະດີດນັກວິໄຈຈາກ Saïd Business Schoolມະຫາວິທະຍາໄລອັອກຟອດ ແນະນຳວ່າ “ທ່ານຄວນສົບສາຍຕາຜູ້ເວົ້າຕະຫລອດເວລາທີ່ຟັງຢູ່ນຳ ນີ້ເປັນເລື່ອງງ່າຍໆ ແຕ່ຄົນສ່ວນຫລາຍຊຳ້ພັດບໍ່ເຄີຍຮັບຟັງຢ່າງແທ້ຈິງຈາກຫົວຈິດຫົວໃຈ, ຄວາມຄິດ ແລະ ຮ່າງກາຍເລີຍ ການຕັ້ງໃຈຟັງກໍປຽບດັ່ງການເຄົາລົບ ແລະ ໃຫ້ຄຸນຄ່າໃນໂຕຜູ້ເວົ້າ”.
  3. ປ່ຽນແປງສະຖານະການ : ວິທີນີ້ໃຊ້ໄດ້ຜົນກັບຄົນທີ່ເບິ່ງໂລກໃນແງ່ຮ້າຍທີ່ຫາເລື່ອງຈົ່ມໄດ້ຢູ່ຕະຫລອດເວລາ ສົມມຸດເພື່ອນຮ່ວມງານຄົນໜຶ່ງກຳລັງຈົ່ມໃຫ້ຫົວໜ້າຂອງເຂົາ ວິທີທີ່ເຮົາແນະນຳກໍຄື ການຕອບກັບໄປວ່າ “ຂ້ອຍເຂົ້າໃຈວ່າເປັນຫຍັງເຈົ້າຈຶ່ງຮູ້ສຶກວ່າຫົວໜ້າເປັນຄົນມັກຈັບຜິດ” ຫລື “ຂ້ອຍເຂົ້າໃຈຄວາມຮູ້ສຶກຂອງເຈົ້າ”. ອິຕ້າ ໂອລເຊັ່ນ ຜູ້ກໍ່ຕັ້ງ ແລະ ຜູ້ອຳນວຍການບໍລິສັດ Conveyເຊິ່ງເປັນບໍລິສັດທີ່ປຶກສາດ້ານການເວົ້າ ແລະ ການສື່ສານລະຫ່ວາງບຸກຄົນ ແນະນຳວ່າ ຫລັງຈາກນັ້ນໃຫ້ເຮົາປ່ຽນຄວາມຄິດໃນແງ່ລົບເປັນແງ່ບວກ ໂດຍໃຊ້ນຳ້ສຽງທີ່ນຸ້ມນວນອົບອຸ່ນ ເຊັ່ນ : “ແຕ່ຍ້ອນຫົວໜ້າເປັນຄົນເອົາໃຈໃສ່ໃນລາຍລະອຽດຫລາຍ ຂ້ອຍຈຶ່ງກາຍເປັນຄົນລະອຽດຂຶ້ນໄປນຳ”.
  4. ເລືອກເບິ່ງໃນດ້ານດີ : ຕິນ່າ ເມີເທລ ຜູ້ຂຽນໜັງສື Meaningful Coachingກ່າວວ່າ : “ຈົ່ງແນມຫາຄົນທີ່ເຮັດສິ່ງດີໆທຸກມື້ ແລະ ຊື່ນຊົມພວກເຂົາ” ເຊັ່ນ : ການຊື່ນຊົມທີ່ຄູ່ຮັກຂອງທ່ານໄປອອກກຳລັງກາຍຢ່າງສະໝໍ່າສະເໝີ ບອກເພື່ອນວ່າທ່ານປະທັບໃຈຫລາຍທີ່ເຂົາລ້ຽງລູກ ແລະ ເຮັດວຽກໄປພ້ອມກັນໄດ້ ຫລື ຊື່ນຊົມເພື່ອນຮ່ວມງານທີ່ແກ້ໄຂບັນຫາໄດ້ຢ່າງສ້າງສັນ. ເມີເທລ ເວົ້າຕື່ມວ່າ : “ຖ້າເຮົາພະຍາຍາມເບິ່ງໃນດ້ານດີ ສະໝອງຂອງເຮົາກໍຈະເບິ່ງເຫັນສິ່ງດີໆ ແທນການຈ້ອງໃສ່ແຕ່ຄວາມຜິດພາດ”.
ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ? - WhatsApp Image 2020 05 27 at 5 - ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ?
ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ? - WhatsApp Image 2020 05 27 at 5 - ເຮັດແນວໃດຈຶ່ງຈະຊ່ວຍໃຫ້ຄົນກຳລັງຄິດລົບກັບມາຄິດບວກໄດ້ແດ່ ?
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!