ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່

ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - 555 1 - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່
ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - AGL banner - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່

ໂດຍ: ມຶກບໍ່ແຫ້ງ

ການປູກຕົ້ນໄມ້ໃຫ້ຈະເລີນງອກງາມຕາມຄວາມປະສົງນັ້ນລ້ວນແລ້ວແຕ່ຕ້ອງການຝຸ່ນພຽງພໍຄຽງຄູ່ກັບການຫົດນໍ້າບົວລະບັດຮັກສາ, ເດັກນ້ອຍລາວກໍເຊັ່ນກັນເຂົາເຈົ້າຕ້ອງການໂພຊະນາການທີ່ດີເພື່ອການເຕີບໃຫຍ່ ທີ່ແຂງແຮງ.

ການກຳນົດເອົາວັນປູກຕົ້ນໄມ້ແຫ່ງຊາດຄຽງຄູ່ກັບວັນເດັກນ້ອຍສາກົນວັນທີ 1 ມິຖຸນາຂອງລັດຖະບານນັ້ນສຸດທີ່ມີຄວາມໝາຍຈິງແທ້, ບໍ່ພຽງແຕ່ພວກເຮົາຈະປູກຝັງຈິດສຳນຶກທີ່ຢັ່ງລົງເລິກເຖິງຈິດວິນຍານຂອງເດັກນ້ອຍລາວໃຫ້ຮັກຫອມຕົ້ນໄມ້, ຖະໜຸຖຸໜອມຄວາມອຸດົມສົມບູນຂອງສິ່ງແວດລ້ອມທີ່ເປັນຊັບສົມບັດຂອງຊາດທີ່ຈະຢູ່ຄຽງຄູ່ກັບເຂົາເຈົ້າໄປໃນອະນາຄົດ, ຕົ້ນໄມ້ ເຕີບໃຫຍ່ງອກງາມຄຽງຄູ່ກັບຄວາມເບີກບານ, ຮອຍຍີ້ມອັນມີຄວາມສຸກຂອງເດັກນ້ອຍລາວ.

ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - Wave100S AD to Website 2020 0 - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່

ມາຮອດວັນທີ 1 ມິຖຸນາທຸກປີພວກເຮົາຈະໄດ້ຮັບຂໍ້ມູນຈາກລັດຖະບານວ່າເພິ່ນຈະກຳນົດປູກຕົ້ນໄມ້ຈັກຕົ້ນ, ໃນພື້ນທີ່ ຈັກເຮັກຕາແຕ່ ມັນອາດເປັນການດີຍິ່ງຂຶ້ນຖ້າພວກເຮົາຈະມີເປົ້າໝາຍຕື່ມຄຽງຄູ່ກັນວ່າພາຍໃນປີໜຶ່ງຕໍ່ໄປຂ້າງໜ້າຫຼືໜຶ່ງປີທີ່ຜ່ານມາພວກເຮົາໄດ້ຊ່ວຍໃຫ້ ເດັກນ້ອຍລາວທີ່ເກີດໃໝ່ມີອັດຕາການຕາຍຫຼຸດລົງຈັກເປີເຊັນແລະເດັກນ້ອຍລາວທີ່ຂາດສານອາຫານຈະຫຼຸດລົງເທົ່າໃດ?

“ເຖິງ​ແມ່ນ​ວ່າ​ວຽກ​ສິດ­ທິ​ເດັກປົກ​ປ້ອງ​ເດັກແລະການ​ພັດ­ທະ­ນາ​ເດັກຈະ​ມີ​ຜົນ­ສໍາເລັດ​ຫຼາຍ​ດ້ານ​ກໍ​ຕາມແຕ່​ພວກ​ເຮົາຍັງ​ປະ​ເຊີນ​ໜ້າ​ກັບ​ສິ່ງ​ທ້າ​ທາຍ​ຫຼາຍ​ດ້ານໂດຍ​ສະ­ເພາະບັນ­ຫາ​ຄວາມ­ທຸກ​ຍາກ​ຂາດ­ເຂີນ​ຂອງ​ເດັກ­ນ້ອຍ​ບັນ­ດາ­ເຜົ່າ​ໃນ​ຫຼາຍ​ດ້ານ, ບັນ­ຫາ​ຂາດ​ໂພ­ຊະ​ນາ​ການ, ພາ­ວະ​ເດັກ​ຂາດ​ສານ​ອາ­ຫານ…ແລະບັນ­ຫາ​ອື່ນໆຍັງ​ເປັນ​ໄພ​ຄຸກ​ຄາມແລະຈຳ­ກັດ​ການ​ພັດ­ທະ­ນາ​ຂອງ​ເດັກ​ຂອງ​ພວກ​ເຮົາ” ນີ້ແມ່ນຕອນໜຶ່ງຂອງສານທ່ານທອງລຸນສີສຸລິດ, ນາຍົກລັດຖະມົນຕີເນື່ອງໃນໂອກາດວັນເດັກນ້ອຍສາກົນ 1 ມິຖຸນາ 2020.
ອີງຕາມການສຳຫລວດຕົວຊີ້ວັດທາງສັງຄົມຄັ້ງທີ II, 2017 (LSIS-II) ໃຫ້ຮູ້ວ່າອັດຕາການຕາຍຂອງເດັກນ້ອຍທີ່ມີອາຍຸຕໍ່າກວ່າ 5 ປີຂອງລາວແມ່ນ 46 ຄົນຕໍ່ 1,000 ຄົນທີ່ເກີດມີຊີວິດເຊິ່ງຖືວ່າສູງທີ່ສຸດໃນພາກພື້ນແລະພ້ອມນັ້ນອັດຕາຂອງເດັກເຕ້ຍມີເຖິງ 33% ເຊິ່ງກໍຖືວ່າສູງຫຼາຍໃນພາກພື້ນ.
ທັງອັດຕາການຕາຍແລະເຕ້ຍຂອງເດັກລ້ວນແລ້ວແຕ່ ແມ່ນຜົນພອຍຂອງການສານອາຫານ, ຂາດໂພຊະນາການທີ່ດີເຊິ່ງແນ່ນອນກໍແມ່ນຕົວຊີ້ວັດອັນໜຶ່ງຂອງຄວາມທຸກຍາກຂອງປະຊາຊົນທີ່ຍັງຂາດການຄໍ້າປະກັນສະບຽງອາຫານ, ການຂໍ້ມູນຂ່າວສານແລະການເຂົ້າເຖິງການບໍລິການທີ່ມີຄຸນນະພາບທາງດ້ານສຸຂະພາບ.
“ການຂາດໂພຊະນາການເປັນບັນຫາການພັດທະນາສັງຄົມ, ເຖິງວ່າບັນຫາດັ່ງກ່າວໄດ້ຮັບການປັບປຸງຈະດີຂຶ້ນແຕ່ພວກເຮົາຈະຕ້ອງສືບຕໍ່ລົງທຶນເຂົ້າໃນຂະແໜງການດັ່ງກ່າວເພາະມັນກໍແມ່ນເງື່ອນໄຂໜຶ່ງທີ່ເຮັດໃຫ້ ປະເທດເຮົາຫຼຸດພົ້ນຈາກສະຖານະພາບປະເທດດ້ອຍພັດທະນາ” ທ່ານສອນໄຊສີພັນດອນຮອງນາຍົກລັດຖະມົນຕີໄດ້ກ່າວໃນກອງປະຊຸມແຫ່ງຊາດດ້ານໂພຊະນາການຄັ້ງທີ IV ແລະກອງປະຊຸມຄະນະກຳມະການແຫ່ງຊາດດ້ານໂພຊະນການປະຈຳປີ 2018.

ເພາະສະນັ້ນເດັກນ້ອຍລາວກໍປຽບດັ່ງຕົ້ນໄມ້ ທີ່ພວກເຮົາກຳລັງປູກ, ເຂົາເຈົ້າຕ້ອງການສານອາຫານທີ່ພຽງພໍເຊັ່ນດຽວກັບຕົ້ນໄມ້ ທີ່ຕ້ອງການຝຸ່ນ, ເຂົາເຈົ້າຕ້ອງການການເບິ່ງແຍງທີ່ດີດັ່ງດຽວກັບຕົ້ນໄມ້ ຈຶ່ງເຮັດໃຫ້ ການເຕີບໂຕສົມບູນແຂງແຮງມີພູມຕ້ານທານທີ່ເຂັ້ມແຂງ, ເດັກນ້ອຍເຮົາແຂງແຮງປະເທດຊາດຈຶ່ງເຂັ້ມແຂງນັ້ນຈຶ່ງເປັນເຫດຜົນທີ່ດີທີ່ພວກເຮົາສະເຫຼີມສະຫຼອງວັນເດັກນ້ອຍສາກົນຄຽງຄູ່ກັບວັນປູກຕົ້ນໄມ້ແຫ່ງຊາດຢ່າງມີຄວາມໝາຍ.
ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - WhatsApp Image 2020 05 27 at 5 - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່
ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - WhatsApp Image 2020 05 27 at 5 - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່
ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - WhatsApp Image 2020 05 27 at 5 - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່
ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່ - WhatsApp Image 2020 05 27 at 5 - ຝຸ່ນພຽງພໍຈຶ່ງຫຼໍ່ລ້ຽງໃຫ້ເຕີບໃຫຍ່
error: Alert: Content is protected !!