5 ປັດໄຈຊ່ວຍສ້າງສະເໜ່ໃຫ້ແກ່ທ່ານ

- AGL banner - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ

- 1703 300x199 - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ     ຈາກທິດສະດີທາງຈິດຕະວິທະຍາລະບຸວ່າ : ເມື່ອຄົນເຮົາພົບກັນ ການຮັບຮູ້ຢ່າງທຳອິດແມ່ນພາສາກາຍ 55%, ນ້ຳສຽງ 38%, ເນື້ອຫາພຽງ 7%. ພາສາກາຍ ເຊິ່ງເປັນພາສາທີ່ຄົນຮັບຮູ້ໄດ້ຫລາຍທີ່ສຸດນັ້ນມາຈາກການເຫັນຮູບລັກສະນະພາຍນອກ ບໍ່ວ່າຈະແມ່ນຮູບຮ່າງ, ໜ້າຕາ, ການແຕ່ງກາຍ. ດັ່ງນັ້ນ, ການຈະໃຫ້ຄົນປະທັບໃຈຈຶ່ງມີສູດວ່າຕ້ອງເຮັດໃຫ້ເຂົາປະທັບໃຈເມື່ອເຫັນໃນຕອນທຳອິດ ນັບແຕ່ 1 – 5 ນາທີທຳອິດທີ່ພົບກັນ ເຂົາຈະປະທັບໃຈບໍ່ຮູ້ລືມ. ຫລາຍຄົນຈຶ່ງພະຍາຍາມພັດທະນາຕົນເອງໃຫ້ມີສະເໜ່ຂຶ້ນມາ ເພື່ອໃຫ້ຄົນທີ່ເຮົາຢູ່ນຳປະທັບໃຈໃນຕອນເຫັນທຳອິດ ຫລື ໄດ້ຮູ້ຈັກກັນ ເຊິ່ງຈະມີຜົນດີໃນຫລາຍດ້ານ ບໍ່ວ່າຈະເປັນການເຮັດວຽກ,  ຄວາມກ້າວໜ້າ, ທຸລະກິດ, ການຄ້າ, ຄວາມສຳພັນ ແລະ ມິດຕະພາບ. ວິທີສ້າງສະເໜ່ຈຶ່ງຕ້ອງປະກອບດ້ວຍ 5 ປັດໄຈ ຄື :

  1. ສະອາດ : ຕ້ອງສະອາດນັບແຕ່ຫົວຮອດຕີນ, ຊົງຜົມ, ການແຕ່ງກາຍ, ເລັບມື – ເລັບຕີນ, ກິ່ນໂຕ ແລະ ໃບໜ້າຕ້ອງສະອາດ ບໍ່ມັນໜຽວ.
  2. ເຄື່ອງນຸ່ງ : ການນຸ່ງເຄື່ອງຕ້ອງໃຫ້ຖືກກາລະເທສະ ອາດຈະໃຊ້ວິທີເລືອກຊື້ເຄື່ອງນຸ່ງແບບພໍຈົບພໍງາມ ແລະ ລາຄາບໍ່ແພງຈົນເກີນໄປ.
  3. ສະຫງ່າ : ບຸກຄະລິກຕ້ອງພູມຖານ, ບາງຄົນຍ່າງໄວຫລາຍ, ກົ້ມໜ້າພຽງຢ່າງດຽວ ຫລື ບາງຄົນກໍເຮັດບໍ່ຫ້າວຫັນ, ຍ່າງກາງແຂນ, ກາງຂາ ເຊິ່ງພຶດຕິກຳເຫລົ່ານີ້ເຮັດໃຫ້ບຸກຄະລິກບໍ່ດີ ເມື່ອບຸກຄະລິກບໍ່ດີ ສະເໜ່ກໍຈະບໍ່ມີ.
  4. ສະບາຍດີ : ຕ້ອງຮູ້ທັກທາຍຄົນອື່ນ, ປັບໂຕເຂົ້າກັບຄົນອື່ນໄດ້ຢ່າງບໍ່ມີບັນຫາ, ຄົນທີ່ຂາດສະເໜ່ຈະຄິດເຖິງແຕ່ໂຕເອງຄົນດຽວ, ຢູ່ກັບໂຕເອງຄົນດຽວ, ບໍ່ເອົາໃຜ, ບໍ່ສົນໃຈໃຜ, ບໍ່ເວົ້າຈາກັບໃຜ ເຊິ່ງຖ້າຢາກມີສະເໜ່ກໍຕ້ອງຫັນມາຍິ້ມແຍ້ມແຈ່ມໃຈສະເໝີ.
  5. ສະໝອງຕ້ອງຮູ້ຈັກເປັນຄົນຊ່າງຄິດ : ມີຄວາມຮູ້ສະເພາະເລື່ອງສະເພາະຢ່າງ, ມີທັກສະຄວາມສາມາດ, ມີຄວາມຄິດ ຄວາມຮູ້ພ້ອມຈະແບ່ງປັນໃຫ້ຄົນອື່ນ, ຄວາມຄິດບໍ່ແມ່ນຈະນຳຄົນອື່ນ ຫລື ຕາມຫລັງຄົນອື່ນພຽງຢ່າງດຽວ ຕ້ອງຮູ້ວ່າສະຖານະ ການໃດເຮົາຄວນເປັນຜູ້ນຳ ຫລື ຜູ້ຕາມຫລັງ.

ບາງຄົນຂາດສະເໜ່ຍ້ອນທຸກເລື່ອງຮູ້ໝົດ ບາງເທື່ອເຮົາຕ້ອງເຮັດເປັນບໍ່ຮູ້ ເພື່ອໃຫ້ໂອກາດອີກຝ່າຍໜຶ່ງເປັນຄົນນຳສະເໜີໂຕເອງແດ່, ການມີສະໝອງບໍ່ແມ່ນການເວົ້າ ຫລື ສະແດງຄວາມຄິດເຫັນທຸກເລື່ອງ ເຮົາຕ້ອງຮູ້ຈັກຟັງຄົນອື່ນ, ມີສ່ວນຮ່ວມ. ຄົນທີ່ມີສະເໜ່ໄດ້ນັ້ນຕ້ອງມີສ່ວນຮ່ວມໃນການເຮັດວຽກ, ເຮັດກິດຈະກຳຕ່າງໆ ແລະ ຕ້ອງຮູ້ຈັກຮັບຜິດຊອບ ຖ້າທຸກຄົນມີ 5 ປັດໄຈນີ້ໃນໂຕເອງ ຄວາມມີສະເໜ່ໃນໂຕເອງຈະເກີດຂຶ້ນທັນທີ.

- Wave100S AD to Website 2020 0 - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ
- WhatsApp Image 2020 05 27 at 5 - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ
- WhatsApp Image 2020 05 27 at 5 - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ
- WhatsApp Image 2020 05 27 at 5 - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ
- WhatsApp Image 2020 05 27 at 5 - 5 ປັດໄຈຊ່ວຍສ້າງສະເໜ່ໃຫ້ແກ່ທ່ານ
error: Alert: Content is protected !!