ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ

ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ - 46 - ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ
ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ - Untitled design - ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ

ປັດຈຸບັນ ພວກເຮົາຍັງຢູ່ໃນທ່າມກາງບັນຍາກາດ ວັນປູກຕົ້ນໄມ້ແຫ່ງຊາດ ແລະ ໃນປີນີ້ເຖິງວ່າຈະມີການລະບາດຂອງພະຍາດໂຄວິດ-19 ແຕ່ກໍສັງເກດເຫັນວ່າຂະບວນການປູກໄມ້ກໍຍັງມີບັນຍາກາດຟົດຟື້ນດັ່ງຫລາຍປີຜ່ານມາ ເພື່ອແນໃສ່ເຮັດໃຫ້ເນື້ອທີ່ປົກຫຸ້ມສີຂຽວຂອງປະເທດນັບມື້ເພີ່ມທະວີ, ໄປຄຽງຄູ່ກັບການປົກປັກຮັກສາປ່າໄມ້ໃຫ້ມີປະສິດທິພາບດີຂຶ້ນກວ່າເກົ່າ ເພາະຜ່ານມາຍັງສັງເກດເຫັນວ່າການຕັດໄມ້ທຳລາຍປ່າຍັງມີແຜ່ຫລາຍ, ພ້ອມນັ້ນກໍແມ່ນບັນຫາໄຟໄໝ້ປ່າເສຍຫາຍເປັນຈຳນວນຫລາຍ. ດັ່ງທ່ານຫົວໜ້າກົມປ່າໄມ້ ກະຊວງກະສິກຳ ແລະ ປ່າໄມ້ ໃຫ້ຮູ້ວ່າ: ສະພາບໄຟໄໝ້ປ່າໃນປີນີ້ ເຫັນວ່າເກີດຂຶ້ນເປັນບໍລິເວນກວ້າງ ເປັນຕົ້ນແມ່ນບັນດາແຂວງພາກເໜືອຄື: ຜົ້ງສາລີ, ຫລວງນໍ້າທາ, ບໍ່ແກ້ວ, ອຸດົມໄຊ, ໄຊຍະບູລີ ແລະ ຫລວງພະບາງ ຍ້ອນສະພາບອາກາດແຫ້ງແລ້ງ ແລະ ການຈູດປ່າຊະຊາຍຂອງປະຊາຊົນໃນເຂດຊົນນະບົດເພື່ອດຳເນີນການຜະລິດ, ການລ້ຽງສັດ, ເຮັດໄຮ່, ເຮັດສວນ ແລະ ການຈູດປ່າ ເພື່ອລ່າສັດ ເນື່ອງຈາກການເຮັດວຽກງານໂຄສະນາປູກຈິດສຳນຶກໃຫ້ປະຊາຊົນໄດ້ຮັບຮູ້ເຖິງຜົນຮ້າຍທີ່ຈະຕາມມາຈາກການຈູດປ່າ, ການແນະນຳເຕັກນິກວິຊາການສະກັດກັ້ນ ແລະ ດັບມອດໄຟລາມປ່າຂອງຂະແຫນງການຮັບຜິດຊອບບໍ່ທົ່ວເຖິງ ເຊິ່ງເຮັດໃຫ້ເນື້ອທີ່ປ່າໄມ້ໃນປີນີ້ມີຄວາມເສຍຫາຍຈາກໄຟລາມປ່າຫລາຍກວ່າ 1 ແສນເຮັກຕາ, ທຽບໃສ່ປີຜ່ານມາເພີ່ມຂຶ້ນກວ່າ 4 ພັນເຮັກ, ຫລາຍກວ່າຫມູ່ແມ່ນແຂວງ ອຸດົມໄຊ ແລະ ຫລວງນໍ້າທາ. ຕໍ່ສະພາບດັ່ງກ່າວ ກະຊວງກະສິກຳ ແລະ ປ່າໄມ້ ໄດ້ອອກຄຳສັ່ງແນະນຳການສະກັດກັ້ນ ແລະ ຕ້ານໄຟໄໝ້ປ່າ, ພ້ອມໄດ້ສົ່ງໜ່ວຍງານສະເພາະກິດ ແລະ  ພາຫະນະອອກເຄື່ອນໄຫວໃນເຂດຫລໍ່ແຫລມຕະຫລອດ 24 ຊົ່ວໂມງ, ພ້ອມທັງຈັດຕັ້ງໜ່ວຍງານໂຄສະນາເຜີຍແຜ່ແນະນຳກ່ຽວກັບເຕັກນິກ ແລະ ປຸກລະດົມທົ່ວສັງຄົມເປັນເຈົ້າການຮ່ວມກັນປ້ອງກັນ ແລະ ສະກັດກັ້ນບັນຫາດັ່ງກ່າວໃຫ້ຫລຸດຜ່ອນລົງ.

ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ - Wave100S AD to Website 2020 0 - ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ
ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ - WhatsApp Image 2020 05 27 at 5 - ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ
ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ - WhatsApp Image 2020 05 27 at 5 - ຍ້ອນຫຍັງ ຈຶ່ງມັກເກີດມີສະພາບໄຟໄໝ້ປ່າຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!