ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19

ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19 - 47 - ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19
ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19 - Untitled design - ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19

​ໃນ​ວັນທີ 4 ມິຖຸນາ  2020, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກໍາ ແລະ ການຄ້າ, ທັງເປັນລັດຖະມົນຕີເສດຖະກິດອາຊຽນຂອງ ສປປ ລາວ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມທາງໄກສະໄໝພິເສດຂອງລັດຖະມົນຕີເສດຖະກິດອາຊຽນກ່ຽວກັບການຮັບມືກັບພະຍາດໂຄວິດ-19 ທີ່ນະຄອນຫລວງວຽງຈັນ.

ກອງປະຊຸມທາງໄກສະໄໝພິເສດຂອງລັດຖະມົນຕີເສດຖະກິດອາຊຽນ ດໍາເນີນພາຍໃຕ້ການເປັນປະທານຂອງທ່ານ Tran Tuan Anh ລັດຖະມົນຕີກະຊວງອຸດສາຫະກໍາ ແລະ ການຄ້າ ສສ. ຫວຽດ ນາມ ໃນຖານະປະທານໝູນວຽນອາຊຽນ ປີ 2020.

ໃນກອງປະຊຸມຄັ້ງນີ້, ໄດ້ມີການແລກປ່ຽນທັດສະນະ ແລະ ຄວາມຄິດເຫັນຕໍ່ກັບການສະກັດກັ້ນ, ເຝົ້າລະວັງ, ຄວບຄຸມ ແລະ ຮັບມືກັບການລະບາດຂອງພະຍາດໂຄວິດ-19 ເຊິ່ງບັນດາລັດຖະມົນຕີເສດ ຖະກິດອາຊຽນໄດ້ແລກປ່ຽນຂໍ້ມູນຂ່າວສານກ່ຽວກັບສະພາບການ ແລະ ມາດຕະການຂອງແຕ່ລະປະເທດສະມາຊິກ ກໍຄືຂອງອາຊຽນໂດຍລວມ ເພື່ອພ້ອມກັນຮັບມື ແລະ ຕອບໂຕ້ຢ່າງທັນການຕໍ່ການແຜ່ລະບາດຂອງພະຍາດດັ່ງກ່າວ.

ກອງປະຊຸມຍັງໄດ້ຮັບຮອງເອົາແຜນປະຕິບັດງານຮ່າໂນ້ຍ ວ່າດ້ວຍການສ້າງຄວາມເຂັ້ມແຂງໃຫ້ແກ່ການຮ່ວມມືເສດຖະກິດອາຊຽນ ແລະ ການເຊື່ອມຈອດຕ່ອງໂສ້ການສະໜອງ ເພື່ອຮັບມືກັບການລະບາດຂອງໂຄວິດ-19 ເຊິ່ງເປັນເອກະສານຜັນຂະຫຍາຍທິດຊີ້ນຳຂອງກອງປະຊຸມສຸດຍອດອາຊຽນສະໄໝພິເສດກ່ຽວກັບການລະບາດຂອງໂຄວິດ-19 ໃນວັນທີ 14 ເມສາ 2020 ເພື່ອຮັກສາການເຊື່ອມຈອດຕ່ອງໂສ້ການສະໜອງໃນໄລຍະການລະບາດຂອງໂຄວິດ-19. ແຜນປະຕິບັດງານດັ່ງກ່າວ ໄດ້ເນັ້ນເຖິງຄວາມໝາຍໝັ້ນຂອງອາຊຽນທີ່ຈະເຮັດວຽກຮ່ວມກັນ ເພື່ອອໍານວຍຄວາມສະດວກໃຫ້ແກ່ການຈໍລະຈອນສິນຄ້າຈໍາເປັນພາຍໃນພາກພື້ນ ໂດຍສະເພາະອາຫານ, ຢາປົວພະຍາດ ແລະ ອຸປະກອນການແພດ ໂດຍອີງຕາມສິດ ແລະ ພັນທະພາຍໃຕ້ສັນຍາອົງການການຄ້າໂລກ ແລະ ສັນຍາອາຊຽນ. ພ້ອມນີ້, ກອງປະຊຸມຍັງໄດ້ຮັບຊາບຂໍ້ສະເໜີຂອງສະພາທີ່ປຶກສາທຸລະກິດອາຊຽນ ແລະ ສະພາທີ່ປຶກສາທຸລະກິດຄູ່ຮ່ວມເຈລະຈາ ກ່ຽວກັບການຮັບມືກັບການແຜ່ລະບາດຂອງພະຍາດໂຄວິດ-19 ແລະ ແຜນຟື້ນຟູເສດຖະກິດພາຍຫລັງໂຄວິດ-19.

ໃນຕອນບ່າຍຂອງວັນດຽວກັນ, ທ່ານ ນາງ ເຂັມມະນີ ພົນເສນາ ພ້ອມດ້ວຍຄະນະ ໄດ້ສືບຕໍ່ເຂົ້າຮ່ວມກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນບວກສາມ ກ່ຽວກັບການຮັບມືກັບພະຍາດໂຄວິດ-19 ພາຍໃຕ້ການເປັນປະທານຮ່ວມຂອງທ່ານ Tran Tuan Anh ລັດຖະມົນຕີກະຊວງອຸດສາຫະກໍາ ແລະ ການຄ້າ ສສ. ຫວຽດ ນາມ, ທ່ານ Zhong Shan ລັດຖະມົນຕີກະຊວງການຄ້າ ສປ ຈີນ, ທ່ານ Shigehiro Tanaka ຮອງລັດຖະມົນຕີກະຊວງການຕ່າງປະເທດຍີ່ປຸ່ນ ແລະ ທ່ານ Sung Yunmo ລັດຖະມົນຕີກະຊວງການຄ້າ, ອຸດສາຫະກໍາ ແລະ ພະລັງງານ ສ.ເກົາຫລີ ໃນນາມປະເທດບວກສາມ.

ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19 - Wave100S AD to Website 2020 0 - ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19

ກອງປະຊຸມຄັ້ງນີ້, ໄດ້ຕີລາຄາສູງ ແລະ ຊົມເຊີຍຕໍ່ຄວາມພະຍາຍາມຂອງແຕ່ລະປະເທດສະມາຊິກ ກໍຄືມາດຕະການລວມ ພາຍໃຕ້ຂອບການຮ່ວມມືອາຊຽນບວກສາມ ໃນການສະກັດກັ້ນ, ເຝົ້າລະວັງ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19. ໃນກອງປະຊຸມຄັ້ງນີ້, ບັນດາລັດຖະມົນຕີເສດຖະກິດອາຊຽນບວກສາມ ໄດ້ຮັບຮອງເອົາຖະແຫລງການຮ່ວມລັດຖະມົນຕີເສດຖະກິດອາຊຽນບວກສາມ ວ່າດ້ວຍການຫລຸດຜ່ອນຜົນກະທົບຈາກການລະບາດຂອງພະຍາດໂຄວິດ-19.

ສໍາລັບ ສປປ ລາວ, ທ່ານ ນາງ ເຂັມມະນີ ພົນເສນາ ກໍໄດ້ແຈ້ງກ່ຽວກັບສະພາບການ ແລະ ມາດຕະການໃນການສະກັດກັ້ນ, ເຝົ້າລະວັງ, ຄວບຄຸມ ແລະ ກຽມຄວາມພ້ອມຮອບດ້ານເພື່ອຕໍ່ສູ້ກັບການແຜ່ລະບາດພະຍາດໂຄວິດ-19 ເປັນຕົ້ນ ການສະກັດກັ້ນການເຄື່ອນຍ້າຍຂອງພົນລະເມືອງດ້ວຍການໂຈະການເດີນທາງເຂົ້າ-ອອກປະເທດ ລວມທັງພົນລະເມືອງລາວ ແລະ ຕ່າງປະເທດໄດ້ຢ່າງທັນການ ຈຶ່ງເຮັດໃຫ້ສາມາດຄວາມຄຸມສະຖານະການ ແລະ ຍັງບໍ່ພົບກໍລະນີຕິດເຊື້ອເພີ່ມຢູ່ ສປປ ລາວ.

ພ້ອມກັນນີ້, ທ່ານລັດຖະມົນຕີ ຍັງໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ບັນດາປະເທດເພື່ອນມິດ ແລະ ອົງການຈັດຕັ້ງສາກົນ ໂດຍສະເພາະປະເທດບວກສາມ ທີ່ໄດ້ສົ່ງຊ່ຽວຊານດ້ານການແພດ, ອຸປະກອນການແພດ ແລະ ຢາກັນພະຍາດຕ່າງໆ ໃຫ້ແກ່ ສປປ ລາວ ແລະ ພ້ອມທີ່ຈະຮ່ວມມືຢ່າງໃກ້ຊິດກັບບັນດາປະເທດອາຊຽນບວກສາມ ໃນການສະກັດກັ້ນ ແລະ ຮັບມືກັບພະຍາດໂຄວິດ-19.

ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19 - WhatsApp Image 2020 05 27 at 5 - ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19
ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19 - WhatsApp Image 2020 05 27 at 5 - ກອງປະຊຸມທາງໄກສະໄໝພິເສດ ຂອງລັດຖະມົນຕີເສດຖະກິດອາຊຽນ  ແລະ ອາຊຽນບວກສາມ ກ່ຽວກັບ ການຮັບມື ກັບພະຍາດໂຄວິດ-19
error: Alert: ເນື້ອຫາຂ່າວມີລິຂະສິດ !!