40 ປີແຫ່ງການພົວພັນຮ່ວມມືທີ່ມີຜົນລະຫວ່າງກະຊວງແຮງງານ ແລະ ສະຫວັດດີການສັງຄົມ ລາວ-ຫວຽດນາມ

- advert banner 728 90 728x90 - 40 ປີແຫ່ງການພົວພັນຮ່ວມມືທີ່ມີຜົນລະຫວ່າງກະຊວງແຮງງານ ແລະ ສະຫວັດດີການສັງຄົມ ລາວ-ຫວຽດນາມ

ໃນໂອກາດສະເຫລີມສະຫລອງວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 40 ປີ (18/7/1977-18/7/ 2017) ທ່ານ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ສຳພາດຕໍ່ສື່ມວນຊົນໃນວັນທີ 15 ມີຖຸນານີ້ວ່າ: ການຮ່ວມມືລະຫວ່າງສອງປະເທດ ກໍຄືກະຊວງແຮງງານ ແລະ ສະຫວັດດີການສັງຄົມຂອງລາວ ແລະ ກະຊວງແຮງງານ, ເສຍອົງຄະ ແລະ ສັງຄົມຂອງຫວຽດນາມ, ຊຶ່ງມີມາແຕ່ດົນນານແລ້ວ ແລະ ນັບມື້ໄດ້ຮັບການເອົາໃຈໃສ່ໃກ້ຊິດຕິດແທດກັນເປັນຢ່າງດີ, ໂດຍຜ່ານການຈັດຕັ້ງປະຕິບັດສັນຍາຮ່ວມມືລະຫວ່າງສອງຝ່າຍ, ໂດຍສະເພາະແມ່ນສັນຍາທີ່ກ່ຽວກັບການຮ່ວມມືດ້ານແຮງງານໃນປີ 1995 ແລະ ອະນຸສັນຍາສະບັບປັບປຸງປີ 1999, ສັນຍາຮ່ວມມືດ້ານວິຊາການໃນປີ 2009 ແລະ ບັນດາບົດບັນທຶກການພົວພັນຮ່ວມມືລະຫວ່າງສອງກະຊວງດ້ວຍກັນຄື: ນັບແຕ່ປີ 2009 ເປັນຕົ້ນມາ, ສອງກະຊວງພວກເຮົາ, ໄດ້ສ້າງກົນໄກພັດປ່ຽນກັນເປັນເຈົ້າພາບຈັດກອງປະຊຸມພົບປະ ລັດຖະມົນຕີແຮງງານ ແລະ ສະຫັວດດີການສັງຄົມລະຫວ່າງສອງປະເທດ,ພ້ອມກັນປະສານສົມທົບ, ຊ່ວຍເຫຼືອຊຶ່ງກັນ ແລະ ກັນໃນຂົງເຂດການເປັນສະມາຊິກໃນເວທີສາກົນເຊັ່ນ: ໄອໂລ (ILO), ອາເຊັມ (ASEM), ອາຊຽນ (ASEAN) ແລະ ອື່ນໆ.

- new3 - 40 ປີແຫ່ງການພົວພັນຮ່ວມມືທີ່ມີຜົນລະຫວ່າງກະຊວງແຮງງານ ແລະ ສະຫວັດດີການສັງຄົມ ລາວ-ຫວຽດນາມ

ທ່ານລັດຖະມົນຕີ ກ່າວວ່າ: ການຮ່ວມມືໃນຂົງເຂດແຮງງານ ທັງສອງປະເທດໄດ້ຮ່ວມກັນລົງນາມສັນຍາວ່າດ້ວຍການຮ່ວມມືດ້ານແຮງງານລາວ-ຫວຽດນາມ ເພື່ອເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານບົນພື້ນຖານຕ່າງຝ່າຍຕ່າງມີຜົນປະໂຫຍດຕາມຫລັກການສະເໝີພາບເຄົາລົບອະທິປະໄຕເຊິ່ງກັນ ແລະ ກັນບົນຈິດໃຈຄວາມຮຽກຮ້ອງຕ້ອງການດ້ານການພັດທະນາຂອງແຕ່ລະປະເທດ, ຊຶ່ງໃນແຕ່ລະປີ ມີແຮງງານຊາວຫວຽດນາມເຂົ້າມາເຮັດວຽກຢູ່ລາວເປັນຈຳນວນຫລາຍຄື: ໃນປີ 2015 ມີຈຳນວນ 4.746 ຄົນ, ປີ 2016 ຫລຸດລົງເຫລືອ 3.743 ຄົນ ແລະ ປີ 2017 ມີພຽງ 2.762 ຄົນ, ຊຶ່ງແຮງງານດັ່ງກ່າວ ເຂົ້າມາເຮັດວຽກນຳບັນດາໂຄງການລົງທຶນຂອງສອງປະເທດ, ພ້ອມນີ້ ຍັງມີແຮງງານລາວຈໍານວນໜຶ່ງ ໄດ້ໄປເຮັດວຽກ ແລະ ປະກອບອາຊີບຢູ່ ສ.ສ ຫວຽດນາມເຊັ່ນກັນ, ໂດຍສະເພາະແມ່ນຢູ່ບັນດາແຂວງທີ່ມີຊາຍແດນຕິດຈອດກັນ.

- lattana 1 - 40 ປີແຫ່ງການພົວພັນຮ່ວມມືທີ່ມີຜົນລະຫວ່າງກະຊວງແຮງງານ ແລະ ສະຫວັດດີການສັງຄົມ ລາວ-ຫວຽດນາມ

ໃນປີນີ້, ສອງກະຊວງ ຈະສືບຕໍ່ປະສານສົມທົບຈັດຕັ້ງປະຕິບັດ ຂໍ້ຕົກລົງວ່າດ້ວຍການຮ່ວມມືດ້ານແຮງງານ ແລະ ສະຫວັດດີການສັງຄົມ ລະຫວ່າງສອງປະເທດໃຫ້ມີປະສິດທິຜົນສູງຂຶ້ນ, ໂດຍຈະສຸມໃສ່ການແລກປ່ຽນຢ້ຽມຢາມຂອງພະນັກ ງານອາວຸໂສທີ່ມີຄຸນງາມຄວາມດີຕໍ່ປະເທດຊາດ, ເອົາໃຈໃສ່ຈັດຕັ້ງປະຕິບັດ ສັນຍາຮ່ວມມືດ້ານແຮງງານ ລະຫວ່າງຊາດ, ຊຸກຍູ້ບັນດາແຂວງຊາຍແດນ ແລະ ແຂວງແຮກສ່ຽວໃຫ້ສືບຕໍ່ແລກປ່ຽນຢ້ຽມຢາມຖອດຖອນບົດຮຽນດ້ານວິຊາການໃຫ້ກວ້າງຂວາງ, ກະກຽມແຜນການເຄື່ອນໄຫວເຂົ້າຮ່ວມ ກອງປະຊຸມລັດຖະມົນຕີແຮງງານ ແລະ ສະຫວັດດີການສັງຄົມລະຫວ່າງສອງ ກະຊວງ ປີ 2017 ຢູ່ ສສ ຫວຽດນາມໃຫ້ມີຜົນສຳເລັດສູງ.

error: Content is protected !!