5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ

5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - 498 - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ
5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - AGL banner - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ

ເຖິງແມ່ນວ່າການລົງທຶນຈະຫຼຸດລົງເຖິງ 17% ກໍຕາມ ຖ້າທຽບໃສ່ໄລຍະດຽວກັນຂອງປີກາຍ ແຕ່ທຶນ FDI ຍັງສາມາດຮັກສາໄດ້ຄວາມຫວັງທີ່ແຈ່ມໃສໃນເມື່ອລັດຖະບານ ແລະ ບັນດາທ້ອງຖິ່ນຕ່າງໆມີການດຳເນີນການທີ່ແຂງແຮງ ເພື່ອຮັບມືກັບການລົງທືນພາຍຫຼັງໂຄວິດ-19 ສິ້ນສຸດລົງ.

ອີງຕາມການລາຍງານຂອງກົມການລົງທຶນ ຂອງກະຊວງແຜນການ ແລະ ການລົງທຶນ ໃຫ້ຮູ້ວ່າ: ການລົງທຶນໂດຍກົງຈາກຕ່າງປະເທດ(FDI) ໃນ 5 ເດືອນຕົ້ນປີນີ້ຢູ່ທີ່ 1,55 ຕື້ ໂດລາ, ເຮັດໃຫ້ທຶນ FDI ເຂົ້າມາລົງທຶນຢູ່ຫວຽດນາມເກືອບ 13,9 ຕື້ ໂດລາໃນ 5 ເດືອນຕົ້ນປີນີ້.

ໃນນັ້ນ ທຶນຈົດທະບຽນໃໝ່ 7,44 ຕື້ໂດລາ ໃນ 1.212 ໂຄງການ, ທຶນດັດແກ້ 3,45 ຕື້ໂດລາ ໃນ 436 ໂຄງການ, ທືນສົມທົບເພື່ອຊື້ຫຸ້ນ 3 ຕື້ ໂດລາໃນ 3.528 ໂຄງການ.

ທຽບໃສ່ໄລຍະດຽວກັນປີ 2019 ທຶນ FDI ເຂົ້າມາຫວຽດນາມຫຼຸດລົງ 17%. ເຖິງຢ່າງໃດກໍຕາມ, ໃນ 5 ເດືອນຕົ້ນປີນີ້ປະລິມານທຶນຕ່າງປະເທດເຂົ້າມາຫວຽດນາມຍັງສືບຕໍ່ເພີ່ມສູງຂຶ້ນ ຖ້າທຽບໃສ່ໄລຍະດຽວກັນຂອງຊຸມປີຜ່ານມາ ເຖິງແມ່ນວ່າຈະໄດ້ຮັບຜົນກະທົບຈາກການລະບາດຂອງເຊື້ອພະຍາດໂຄວີດ-19 ກໍຕາມ. ອີງຕາມຂໍ້ມູນສະຖິຕິໃຫ້ເຫັນວ່າ: 5 ເດືອນຕົ້ນປີ 2016 ປະຕິບັດໄດ້ 10,1 ຕື້ໂດລາ, ປີ 2017 12,1 ຕື້ໂດລາ ແລະ ປີ 2018 ມີພຽງ 9,9 ຕື້ໂດລາ.

ຂະແໜງການທີ່ດຶງດູດທຶນ FDIໄດ້ຫຼາຍກວ່າໝູ່ໃນ 5 ເດືອນຕົ້ນປີນີ້ແມ່ນຂະແໜງການອຸດສາຫະກຳປຸງແຕ່ງ ແລະ ຂະແໜງການຜະລິດເຄື່ອງກົນຈັກ ຫຼາຍກວ່າ 6,87 ຕື້ໂດລາ, ຖັດລົງມາແມ່ນຂະແໜງການຜະລິດ, ແຈກຢາຍໄຟຟ້າ, ອາຍແກສ, ນໍ້າ ແລະ ການປັບອາກາດ ເກືອບ 4 ຕື້ໂດລາ ຍ້ອນມີໂຮງງານໄຟຟ້າອາຍແກດທຳມະຊາດໃນພາວະແຫຼວ(LNG), ອັນດັບທີ 3 ແມ່ນຂົງເຂດຂາຍຍົກ ແລະ ຂາຍຍ່ອຍ, ການສ້ອມແປງລົດໂອໂຕ ແລະ ລົດຈັກ ສາມາດດຶງດູໄດເກືອບ 945 ລ້ານ ໂດລາແລະ ອັນດັບ 4 ແມ່ນການເຄື່ອນໄຫວຂອງພາກທຸລະກິດອະສັງຫາລິມະຊັບ 801,2 ລ້ານໂດລາ.

5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - Wave100S AD to Website 2020 0 - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ

ຊຶ່ງມີທັງໝົດ 96 ຊາດທີ່ເຂົາມາລົງທຶນໃນຫວຽດນາມ. ໃນນັ້ນ ສິງກະໂປ ມາເປັນອັນດັບໜຶ່ງ ດ້ວຍທຶນ 5,3 ຕື້ໂດລາ, ໄທ ເປັນອັນດັບ 2ດ້ວຍທຶນ 1,46 ຕື້ໂດລາ, ຈີນເປັນອັນດັບທີ 3 ດ້ວຍທຶນ 1,27 ຕື້ໂດລາ. ຍີ່ປຸ່ນຢູ່ອັນດັລ 4 ດ້ວຍທຶນ 1,26 ຕື້ໂດລາ. ຕໍ່ຈາກນັ້ນກໍແມ່ນ ໄຕ້ຫວັນ, ເກົາຫຼີໄຕ້, ຮົງກົງ, ໄອສແລນ ແລະ ນີເທີແລນ.

ນາຍົກລັດຖະມົນຕີ ຫງວຽນຊວັນຟຸກ ຂອງຫວຽດນາມກ່າວໃນກອງປະຊຸມສາມັນຂອງລັດຖະບານວ່າ: ຖ້າຢາກດຶງດູດການເພື່ອພັດທະນາປະເທດຊາດ ຂອງບັນດາປະເທດທີ່ທຸກຍາກ, ພື້ນຖານໂຄງລ່າງ ແລະ ກົນໄກຕ່າງໆບໍ່ທັນພ້ອມ “ຕ້ອງຮູ້ສ້າງກຳລັງແຮງຈາກທ່າໄດ້ປຽບຂອງຫວຽດນາມ” ໃຫ້ໄວໃຫ້ດີ ຫາກບໍ່ແມ່ນຊັກຊ້າ ອືດອາດ ແລະ ບໍ່ມີການປ່ຽນແປງໃໝ່ ເຮັດແບບຄອງເດີມ.

ທ່ານຢໍ້າອີກວ່າ: ຖ້າຫວຽດນາມຫາກບໍ່ລົງທຶນພັດທະນາ ນັບທັງການລົງທຶນທັງພາຍໃນ ແລະ ຕ່າງປະເທດ ຈະບໍ່ມີຜົນສຳເລັດຈັກເທື່ອ. ສະນັ້ນ ຕ້ອງສຸມໃສ່ລົງທຶນໃຫ້ມີປະສິດທິພາບ ເພື່ອດຶງດູດການລົງທຶນເຂົ້າມາຫວຽດນາມ ໂດຍສະເພາະແມ່ນຕໍ່ກັບກຸ່ມບໍລິສັດຂອງບັນດາປະເທດມະຫາອຳນາດ, ເທັກໂນໂລຢີສູງ…

ຂ່າວ: ລູກເມືອງພວນ(ແຫຼ່ງຂ່າວ nhadautu.vn)

5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - WhatsApp Image 2020 05 27 at 5 - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ
5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - WhatsApp Image 2020 05 27 at 5 - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ
5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - WhatsApp Image 2020 05 27 at 5 - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ
5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ - WhatsApp Image 2020 05 27 at 5 - 5 ເດືອນຕົ້ນປີນີ້ ຫວຽດນາມດຶງດູດການລົງທຶນໄດ້ເກືອບ 14 ຕື້ໂດລາ
  • 1024 Posts
  • 0 Comments
iLike/LPN/20
error: Alert: Content is protected !!