ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ

ສິ່ງທ້າທາຍຂອງ tiktok ຢູ່ໃນມືຂອງ ceo ອາເມລິກາ - 888777 - ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ
ສິ່ງທ້າທາຍຂອງ tiktok ຢູ່ໃນມືຂອງ ceo ອາເມລິກາ - Untitled design - ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ

ໂດຍ: ລົງທຶນ​ເດັກ

ຮູ້​ຫລື​ບໍ່​ວ່າ TikTok ​ແອບ​ພິ​ເຄຊັນ ທີ່​ກຳລັງ​ເປັນ​ທີ່​ນິຍົມ​ໃນ​ຂະນະ​ນີ້ ຢູ່​ພາຍ​ໃຕ້ ByteDance ສະຕາ​ອັບ​ຈາກ​ຈີນ ທີ່​ມີ​ມູນ​ຄ່າ​ຫລາຍ​ທີ່​ສຸດ​ໃນ​ໂລກ​ໂດຍ​ປັດຈຸບັນ ByteDance ຖືກປະ​ເມີນ​ມູນ​ຄ່າ​ສູງ​ເຖິງ 101 ຕື້ກວ່າໂດລາ ມີ​ມູນ​ຄ່າ​ຫລາຍ​ກວ່າ Twitter ​ເກືອບ 4 ​ເທົ່າ ​ເຊິ່ງນອກຈາກ TikTok ​ແລ້ວ ByteDance ຍັງ​ເປັນ​ເຈົ້າຂອງ​ແອບ​ອື່ນໆ ອີກ​ຫລາຍ​ຢ່າງ​​ເຊັ່ນ: Toutiao, Xigua Video, Helo ​ແລະ Vigo Video ຢ່າງ​ໃດ​ກໍ​ຕາມ ​ເມື່ອ​ບໍ່​ດົນ​ມາ​ນີ້ TIkTok ​ໄດ້​ອອກ​ມາ​ປະກາດ​ຊື່ CEO ຄົນ​ໃໝ່່ ​ເຊິ່ງກໍ​ຄື Kevin Mayer ​ແລະ ​ເຂົາ​ຈະ​ເຂົ້າມາ​ຮັບ​ຕຳ​ແໜ່​ງ “ກຳມະການ​ຜູ້ອຳນວຍການ​ຝ່າຍ​ປະຕິບັດ​ການ” ຂອງ ByteDance ອີກ​ນຳ.

​      ໂດຍ​ເຂົາ​ຈະ​ມີໜ້າ​ທີ່​ເບິ່ງ​ແຍງ​ການ​ດຳ​ເນີນ​ງານ​ຂອງ TikTok ທົ່ວ​ໂລກ​ທັງ​ໝົດ​ທີ່​ນ່າສົນ​ໃຈ​ຄື ກ່ອນ​ໜ້າ​ທີ່​ທ່ານ Kevin Mayer ຈະ​ມາ​ຮ່ວມ​ງານ​ກັບ ByteDance  ຈະ​ມາ​ຮ່ວມ​ງານ​ກັບ ByteDance ​ເຂົາ​ເປັນ​ໜຶ່ງ​ໃນ​ຜູ້​ບໍລິຫານ​ຄົນ​ສຳຄັນ​ຂອງ Disney  ​ໂດຍ​ສະ​ເພາະ​ໃນ​ການ​ເຈລະຈາ​ເພື່ອ​ເຂົ້າຊື້ກິດຈະການ​ຕ່າງໆ ຂອງ Disney  ຢ່າງ​ເຊັ່ນ Pixar, Marvel, Lucasfilm ​​ແລະ  BAMTech ຄຸນ Kevin Mayer ກໍ​ຖື​ວ່າ​ມີ​ບົດບາດ​ສຳຄັນ ​ໃນ​ການ​ເຮັດ​ສິ່ງ​ເຫລົ່າ​ນີ້​ປະສົບ​ຄວາມ​ສຳ​ເລັດ ​ແລະ ​ເຂົາ​ຍັງ​ເປັນ​ຜູ້ນຳ​ໃນ​ການ​ພັດທະນາ Disney+ ບໍລິການສະຕຣີມມິງຂອງ Disney ​ເຊິ່ງປັດຈຸບັນ ມີ​ຜູ້​ໃຊ້​ງານ​ຫລາຍ​ກວ່າ 50 ລ້ານ​ຄົນ​ທົ່ວ​ໂລກ ​ທີ່​ເປີດ​ໂຕ​ໄປ​ບໍ່​ຮອດ 7 ​ເດືອນ ທີ່​ສຳຄັນ​ຄື Kevin Mayer ຍັງ​ເຄີຍ​ເປັນ​ທີ່​ໜຶ່ງ, ທີ່​ມີ​ໂອກາດ​ຈະ​ໄດ້​ຂຶ້ນ​ໄປ​ຢູ່​ຕຳ​ແໜ່​ງສູງ​ສຸດ​ຂອງ​ການ​ບໍລິຫານ Disney .

ສິ່ງທ້າທາຍຂອງ tiktok ຢູ່ໃນມືຂອງ ceo ອາເມລິກາ - 666 1 300x205 - ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ

​       ເມື່ອ​ອ່ານ​ມາ​ຮອດ​ໂຕ​ນີ້ ຫລາຍ​ຄົນ​ອາດ​ກຳລັງ​ຄິດ​ວ່າ​ອະນາຄົດ​ແອບ TikTok ພາຍ​ໃຕ້​ການ​ບໍລິຫານ​ຂອງ Kevin Mayer ຈະ​ຕ້ອງ​ສົດ​ໃສ​ຢ່າງ​ແນ່ນອນ ​ເພາະ​​ໄດ້​ຜູ້​ບໍລິຫານ​ຄົນ​ເກັ່ງ​ຈາກ Disney ມາ​ບໍລິຫານ​ແຕ່​ວ່າ​ໃນ​ຄວາມ​ເປັນ​ຈິງ TikTok ກໍ​ຍັງ​ຄົງ​ມີ​ຄວາມ​ທ້າ​ທາຍ​ຫລາຍ​ຢ່າງ​ຖ້າ​ຢູ່, ​ໂດຍ​ສະ​ເພາະ​ເລື່ອງ “ການ​ເຊັ່ນ​ເຊີ​ເນື້ອຫາ” ຢູ່​ເທິງ​ເຟສ TikTok ​ເຊິ່ງ​ເປັນ​ປະ​ເດັນ​ຫລັກ​ທີ່​ໜ້າ​ຕົກ​ໃຈ, ທີ່​ຜ່ານ​ມາ TikTok ຖືກ​ເບິ່ງ​ວ່າ ວາງ​ໂຕ​ແບບ​ບໍ່​ເປັນ​ກາງ​ໃນ​ການ​ເມືອງ, ​ເພາະ​ເຄີຍ​ເຊັນ​ເຊີ ​ແລະ ​ຫ້າມ​ບັນຊີ​ຂອງ​ຜູ້ຍິງ​ຊາວ​ອາ​ເມ​ລິ​ກາ ທີ່​ອອກ​ມາ​ເວົ້າ​ເລື່ອງ​ການ​ກັກ​ກັນຊາ​ວອຸຍ​ກູ ​ໃນ​ປະ​ເທດ​ຈີນ​ມາ​ແລ້ວ ​ເລື່ອງ​ນີ້​ກາຍ​ເປັນ​ເລື່ອງ​ໃຫຍ່ ​ເນື່ອງ​ຈາກການ​ກຳຈັດ​ສິດທິ ​ເຖິງ​ວ່າ​ຄົນ​ທີ່​ບໍ່​ໄດ້​ຢູ່​ປະ​ເທດ​ຈີນ​ຈົນ​ພາຍຫລັງ TikTok ຕ້ອງ​ອອກ​ມາ​ຂໍ​ໂທດ ​ແລະ ຊີ້​ແຈງ​ກ່ຽວ​ກັບ​ກໍລະນີ​ນີ້ ວ່າ​ບໍ່​ໄດ້​ແບບ​ເພາະ​ການ​ວິພາກ​ວິຈານ​ຈີນ​ແຕ່​ເປັນ​ວິ​ດີ​ໂອ​ກ່ອນ​ໜ້າ​ຂອງ​ຜູ້​​ໃຊ້​ນັ້ນ​ໄດ້​ມີ​ການ​ເວົ້າ​​ໃສ​ຮ້າຍ​ປ້າຍ​ສີ​ກໍ່​ການ​ຮ້າຍ ເຊິ່ງຖືເປັນ ການລະເມີດກົດໝາຍຂອງ TikTok ດັ່ງນັ້ນ ຫລາຍ​ຄົນ​ຈຶ່ງ​ຄາດ​ວ່າ​ໃນ​ອະນາຄົດ Kevin Mayer ກໍ​ອາດ​ຈະ​ມີ​ປັນຫາ​ກັບ​ລັດຖະບານ​ຈີນ ​ໃນ​ເລື່ອງ​ການ​ເຊັນ​ເຊີ ​ແລະ ການ​ຄວບ​ຄຸມ​ຂໍ້ມູນ​ຜູ້​ໃຊ້​ຜ່ານ TikTok ​ເພາະວ່າ​ Kevin Mayer ​ເປ​ັນຊາວ​ອາ​ເມ​ລິ​ກາ ​ໃຫຍ່​ມາ​ຈາກປະ​ເທດ​ເສລີ ​ແລະ ອາດ​ຈະ​ບໍ່​ເຫັນ​ນຳ​ກັບ​ການ​ເຊ​ັນ​ເຊີ​ເນື້ອຫາ​ຕາມ​ລັດຖະບານ​ຈີນ. ໃນ​ຂະນະ​ດຽວ​ກັນ Kevin Mayer ຍັງ​ຕ້ອງ​ແກ້​ບັນຫາ​ທີ່​ຄົງ​ຄາ​ກັບ​ລັດຖະບານ​ສະຫະລັດ​​.

ສິ່ງທ້າທາຍຂອງ tiktok ຢູ່ໃນມືຂອງ ceo ອາເມລິກາ - Wave100S AD to Website 2020 0 - ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ

​       ເນື່ອງ​ຈາກ​ມີ​ຫລາຍ​ໜ່ວຍ​ງານ​ຂອງ​ລັດຖະບານ​ສະຫະລັດ​ທີ່​ຄິດ​ວ່າ TikTok ອາດ​ເຂົ້າມາ​ລັກ​ຂໍ້ມູນ​ສ່ວນ​​ໂຕ​ຂອງ​ຜູ້​ໃຊ້ ຈົນ​ໄດ້​ສັງ​ຫ້າມ​ບໍ່​ໃຫ້​ພະນັກງານ​ດາວ​ໂຫລ​ດ ຫລື ​ໃຊ້​ແອບ TikTok ນອກຈາກ​ນັ້ນ ​ແຮງ​ຕໍ່ຕ້ານ TikTok ​ເບິ່ງ​ຄື​ວ່າ​ຈະ​ຫລາຍ​ຂຶ້ນ​ເລື້ອຍໆ.  ສະມາຊິກ Josh Hawley ​ໄດ້​ສະ​ເໜີ​ໃຫ້​ມີ​ການ​ຮ່າງ​ກົດໝາຍ​ຫ້າມ​ບໍ່​ໃຫ້​ພະນັກງານ​ຂອງ​ລັດຖະບານ​​ໃຊ້​ແອບ​ນີ້​ອີກ.

ທັງ​ໝົດ​ນີ້​ຈິ່ງ​ກາຍ​ເປັນ​ບັນຫາ​ທີ່​ຂັດ​ກັນ​ຈາກ 2 ດ້ານ​ໂດຍ​ມີ​ໂຕ​ກາງ​ເປັນ Kevin Mayer ​ເຊິ່ງຕ້ອງ​ສ້າງ​ສົມ​ດູ​ນ​ໃຫ້​ກັບ 2 ຝ່າຍ​ຢ່າງ​ໃດ​ກໍ​ຕາມພາຍ​ໃຕ້​ການ​ບໍລິຫານ​ຂອງ Kevin Mayer ​ ກໍ​ນ່າຈະ​ມີ​ສ່ວນ​ຊ່ວຍ​ໃຫ້​ພາບ​ຫລັກ​ຂອງ TikTok ​​​ເບິ່ງ​ໂປ່​ງ​ໃສ ​ແລະ ໜ້າ​ເຊື້ອຖື​ຂຶ້ນ​ໃນ​ຄະນະ​ດຽວ​ກັນ ​ເຂົາ​ກໍ​ຍັງ​ມີ​ປະສົບ​ການ​ໃນ​ການ​ແກ້​ບັນຫາ​ເລື່ອງ​ຄວາມ​ປອດ​ໄພ​ດ້ານ​ຂໍ້​ມູນ ​ແລະ ການ​ເຊັນ​ເຊີ​ເນື້ອຫາ​ເທິງ​​ເຟສ Disney+ ​ເຊິ່ງກໍ​ບໍ່​ແນ່​ວ່າຄວາມ​ທ້າ​ທາຍ​ເຫລົ່າ​ນີ້ ຈະ​ກາຍ​   ເປ​ັນ​ໂອກາດ​ໃຫ້ Kevin Mayer ​​ໄດ້​ສະ​ແດງ​ຄວາມ​ສາມາດ​ໄດ້​ຢ່າງ​ເຕັມທີ່ ​ແລະ ​ໃນ​ອະນາຄົດ​ໂທ​ສັບ​ມື​ຖື​ຂອງ​ເຮົາ​ທຸກ​ຄົນ​ອາດ​ຈະ​ຕ້ອງ​ມີ​ແອບ TikTok ຕິດ​ເຄື່ອງ​ຄື​ກັບ Facebook ກໍ​ເປັນ​​ໄດ້./.

 

 

ສິ່ງທ້າທາຍຂອງ tiktok ຢູ່ໃນມືຂອງ ceo ອາເມລິກາ - WhatsApp Image 2020 05 27 at 5 - ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ
ສິ່ງທ້າທາຍຂອງ tiktok ຢູ່ໃນມືຂອງ ceo ອາເມລິກາ - WhatsApp Image 2020 05 27 at 5 - ສິ່ງທ້າທາຍຂອງ TikTok ຢູ່ໃນມືຂອງ CEO ອາເມລິກາ
error: Alert: ເນື້ອຫາຂ່າວມີລິຂະສິດ !!