ລາວສະຫລອງວັນສິ່ງແວດລ້ອມໂລກຄົບຮອບ 48 ປີ

ລາວສະຫລອງວັນສິ່ງແວດລ້ອມໂລກຄົບຮອບ 48 ປີ - 56 - ລາວສະຫລອງວັນສິ່ງແວດລ້ອມໂລກຄົບຮອບ 48 ປີ
ລາວສະຫລອງວັນສິ່ງແວດລ້ອມໂລກຄົບຮອບ 48 ປີ - Untitled design - ລາວສະຫລອງວັນສິ່ງແວດລ້ອມໂລກຄົບຮອບ 48 ປີ

ໃນວັນທີ 5 ມິຖນາ ນີ້, ກົມຕຳຫລວດສິ່ງແວດລ້ອມ ກະຊວງປ້ອງກັນຄວາມສະຫງົບ ໄດ້ຈັດພິທີປ່ອຍປາຈຳນວນ 5 ພັນໂຕ ຢູ່ບ້ານໃໝ່ ເມືອງໂພນໂຮງ ແຂວງວຽງຈັນ ເພື່ອສະເຫລີມສະຫລອງເນື່ອງໃນໂອກາດວັນສິ່ງແວດລ້ອມໂລກ ຄົບຮອບ 48 ມີ, ໂດຍການເຂົ້າຮ່ວມຂອງທ່ານ ພັນໂທ ອິນປົງ ຈັນທະວົງສາ ຫົວໜ້າກົມຕຳຫລວດສິ່ງແວດລ້ອມ ກົມໃຫຍ່ຕຳຫລວດ ກະຊວງປ້ອງກັນຄວາມສະຫງົບ, ຈຸດປະສົງກໍເພື່ອປູກຈິດສຳນຶກໃຫ້ແກ່ພະນັກງານ ແລະ ສັງຄົມຮັບຮູ້ ແລະ ເຂົ້າໃຈກ່ຽວກັບບັນຫາອາຊະກຳສິ່ງແວດລ້ອມ, ພ້ອມທັງເຜີຍແຜ່ຂໍ້ມູນກ່ຽວກັບການບັງຄັບໃຊ້ກົດໝາຍສະກັດກັ້ນຕ້ານການກະທຳຜິດໃນຂົງເຂດຊັບພະຍາກອນທຳມະຊາດ ແລະ ສິ່ງແວດລ້ອມ ເພື່ອຫລຸດຜ່ອນຜົນກະທົບຈາກການກໍອາດຊະຍາກຳ ແລະ ເຊີນຊວນສັງຄົມໃຫ້ມີສ່ວນຮ່ວມໃນການປົກປັກຮັກສາສິ່ງແວດລ້ອມ.

ຫົວໜ້າກົມຕຳຫລວດສິ່ງແວດລ້ອມ ໃຫ້ຮູ້ວ່າ: ໃນປັດຈຸບັນ ອາດຊະຍາກຳສິ່ງແວດລ້ອມໄດ້ກາຍເປັນບັນຫາພົ້ນເດັ່ນລະດັບຊາດ ແລະ ສາກົນ, ອາດຊະຍາກຳດັ່ງກ່າວມີລັກສະນະເປັນອາດຊະຍາກຳຂ້າມຊາດທີ່ມີການຈັດຕັ້ງ, ມີເມັດເງິນໝູນວຽນຈຳນວນມະຫາສານ, ສົ່ງຜົນກະທົບເປັນວົງກວ້າງຕໍ່ກັບການພັດທະນາເສດຖະກິດ-ສັງຄົມຂອງປະເທດ, ຄວາມໝັ້ນຄົງຂອງຊາດ ແລະ ເປັນໄພຄຸກຄາມຢ່າງຕໍ່ເນື່ອງຕໍ່ກັບຊັບພະຍາກອນທຳມະຊາດ ແລະ ສິ່ງແວດລ້ອມ. ນອກຈາກນີ້, ອາດຊະຍາກຳສິ່ງແວດລ້ອມຍັງມີການພົວພັນກັບການກະທຳຜິດຫລາຍຂົງເຂດເຊັ່ນ: ການຟອກເງິນ, ການສໍ້ລາດບັງຫລວງ, ການສໍ້ໂກງ, ການປອມແປງເອກະສານ ແລະ ການໃຊ້ຄວາມຮຸນແຮງ.

ສປປ ລາວ ກຳລັງຢູ່ໃນຊ່ວງການຫັນປ່ຽນຈາກປະເທດດ້ອຍພັດທະນາໄປສູ່ປະເທດທີ່ກຳລັງພັດທະນາ ແລະ ປະເທດພັດທະນາແລ້ວຕາມລຳດັບ. ສະນັ້ນ ລັດຖະບານໄດ້ເພີ່ມທະວີຄວາມເອົາໃຈໃສ່ຕໍ່ກັບການພັດທະນາຫລາຍດ້ານ ເປັນຕົ້ນການພັດທະນາພຶ້ນຖານໂຄງລ່າງ, ການພັດທະນາເສດຖະກິດ-ສັງຄົມ ແລະ ການພັດທະນາດ້ານອື່ນໆ. ພ້ອມດຽວກັນນັ້ນ, ລັດຖະບານ ໄດ້ມີການກຳນົດນະໂຍບາຍໃໝ່ໃນຫລາຍດ້ານ ເພື່ອຮອງຮັບການພັດທະນາດັ່ງກ່າວເຊັ່ນ: ນະໂຍບາຍດ້ານການລົງທຶນ, ນະໂຍບາຍດ້ານການທ່ອງທ່ຽວໃນປະເທດ ແລະ ນະໂຍບາຍດ້ານອື່ນໆ, ຕໍ່ກັບການພັດທະນາປະເທດໃນຫລາຍດ້ານນັ້ນ ຈຶ່ງເກີດໃຫ້ມີຊ່ອງຫວ່າງແກ່ກຸ່ມຄົນບໍ່ດີໃນການສະແຫວງຫາຜົນປະໂຫຍດ ເປັນຕົ້ນຜົນກະທົບດ້ານຊັບພະຍາກອນທຳມະຊາດ ແລະ ສິ່ງແວດລ້ອມເຊັ່ນ: ການລັກລອບນຳເຂົ້າ ແລະ ບໍລິໂພກສິນຄ້າ ແລະ ຜະລິດຕະພັນຜິດກົດໝາຍ ທີ່ສົ່ງຜົນກະທົບຕໍ່ສິ່ງແວດລ້ອມ ແລະ ສຸຂະອະນາໄມຂອງປະຊາຊົນ, ຜົນກະທົບຈາກໂຮງຈັກ-ອຸດສາຫະກຳ, ສະຖານທີ່ການແພດ ແລະ ໂຄງການຂຸດຄົ້ນແຮ່ທາດ, ໂຄງການກໍ່ສ້າງຂະໜາດໃຫຍ່ ແລະ ໂຄງການອື່ນໆ, ການລັກຂຸດຄົ້ນໄມ້, ພືດປ່າ ແລະ ເຄື່ອງປ່າຂອງດົງ, ການລ່າສັດນ້ຳ-ສັດປ່າ ແລະ ການມີໄວ້ຄອບຄອງສັດປ່າແບບຜິດກົດໝາຍ. ສະນັ້ນ ເພື່ອແກ້ໄຂບັນຫາດັ່ງກ່າວຕ້ອງມີການຮ່ວມມືຈາກສັງຄົມ ແລະ ການໂຄສະນາເຜີຍແຜ່ລະບຽບກົດໝາຍໃຫ້ທົ່ວເຖິງ ຄືໃນປີຜ່ານມາ ກົມຕໍາຫຼວດສິ່ງແວດລ້ອມໄດ້ຕິດຕາມເປົ້າໝາຍ, ໄດ້ກວດຄົ້ນເປົ້າໝາຍດັ່ງກ່າວ ທີ່ເມືອງໄຊເສດຖາ ນະຄອນຫຼວງວຽງຈັນ. ຜົນປະຕິບັດການໃນຄັ້ງນີ້ສາມາດຍຶດໄດ້ຂອງກາງງາຊ້າງ 10 ກິໂລກຣາມ, ໂຄງກະດູກເສືອ 15 ກິໂລກຣາມ, ໂຕຫລິນແຊແຂງ 10 ກິໂລ, ໂຕແລນ ແລະ ເຫັດລິ່ນຈື ລວມຈໍານວນທັງໝົດຫຼາຍກວ່າ 1.500 ກິໂລກຣາມ. ພ້ອມທັງກັກຕົວຜູ້ຖືກຫາໄດ້ 1 ຄົນ ໂດຍຕັ້ງຂໍ້ຫາລັກລອບນໍາເຂົ້າ, ຊື້ຂາຍ, ມີໄວ້ຄອບຄອງສັດປ່າ, ຊິ້ນສ່ວນສັດປ່າ ແລະ ພືດປາປະເພດຫວງຫ້າມ, ຜິດຕໍ່ກົດໝາຍອາຍາມາດຕາ 145, ປະມວນກົດໝາຍອາຍາ ມາດຕາ 326,334,335. ສໍາລັບສັດທີ່ຍັງມີຊີວິດ ກົມຕໍາຫຼວດສິ່ງແວດລ້ອມໄດ້ປະສານຫາພາກສ່ວນກ່ຽວຂ້ອງເພື່ອນໍາໄປປ່ອຍຄືນສູ່ທໍາມະຊາດ, ສ່ວນອື່ນໆແມ່ນກົມຕໍາຫຼວດສິ່ງແວດລ້ອມເກັບຮັກສາໄວ້ເພື່ອປະກອບເປັນຫຼັກຖານໃນການດໍາເນີນຄະດີຕໍ່ຜູ້ກະທໍາຜິດ.

ລາວສະຫລອງວັນສິ່ງແວດລ້ອມໂລກຄົບຮອບ 48 ປີ - Wave100S AD to Website 2020 0 - ລາວສະຫລອງວັນສິ່ງແວດລ້ອມໂລກຄົບຮອບ 48 ປີ
ລາວສະຫລອງວັນສິ່ງແວດລ້ອມໂລກຄົບຮອບ 48 ປີ - WhatsApp Image 2020 05 27 at 5 - ລາວສະຫລອງວັນສິ່ງແວດລ້ອມໂລກຄົບຮອບ 48 ປີ
ລາວສະຫລອງວັນສິ່ງແວດລ້ອມໂລກຄົບຮອບ 48 ປີ - WhatsApp Image 2020 05 27 at 5 - ລາວສະຫລອງວັນສິ່ງແວດລ້ອມໂລກຄົບຮອບ 48 ປີ
error: Alert: ເນື້ອຫາຂ່າວມີລິຂະສິດ !!