ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ

ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ - 08 - ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ
ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ - Untitled design - ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ

ໂດຍ: ລູກເມືອງພວນ

ເວົ້າເລື່ອງລ້າງມືໃຫ້ສະອາດກ່ອນຮັບປະທານອາຫານ ມັນແມ່ນວັດທະນະທຳອັນດີງາມຂອງຊາດລາວມາແຕ່ດຶກດຳບັນ ທັງແມ່ນການຮັບຮູ້ທາງດ້ານສຸຂະອະນາໄມຂອງຄົນລາວທີ່ໄດ້ປະຕິບັດກັນມາຫລາຍ

ເຊັ່ນຄົນມາແລ້ວ. ຊຶ່ງປະເພນີອັນນັ້ນ ຍັງເຫລືອໄວ້ໃຫ້ເຮົາເຫັນເປັນປະຈຳຢູ່ທຸກວັນນີ້.

ເມື່ອພວກເຮົາໄປຮ່ວມງານຕ່າງໆຂອງຊາວບ້ານເຊັ່ນ: ງານດອງຢູ່ຊົນນະບົດ, ງານຂຶ້ນເຮືອນໃໝ່, ງານສູ່ຂວັນ ຫລື ແມ່ນແຕ່ເຂົ້າຮ່ວມພາເຂົ້າທຳມະດາກໍມັກຈະເຫັນພວກເພີ່ນນຳເອົານໍ້າໃສ່ຊາມ ຫລື ໃສ່ຄຸມາຕັ້ງໄວ້ໃຫ້ແຂກຄົນທີ່ໄປຮ່ວມງານໄດ້ລ້າງມື ໃຫ້ສະອາດກ່ອນຈະເຂົ້າພາເຂົ້າຮັບປະທານອາຫານ ພ້ອມທັງມີຜ້າເຊັດມືໄວ້ໃຫ້ຜືນດຽວ. ການທີ່ເຮັດແບບນີ້ ແມ່ນເປັນການດີ ມີວັດທະນະທຳໃນຕົວຂອງມັນ, ຊຶ່ງອັນນີ້ພວກເຮົາບໍ່ເວົ້າກັນ.

ອັນທີ່ຜູ້ຂຽນຢາກເວົ້າຢູ່ທີນີ້ ແມ່ນການລ້າງມືຂອງຫລາຍຄົນຈຸ່ມລົງໃນຊາມດຽວກັນ ແລ້ວລ້າງມືໃສ່ຈົນນໍ້າໃນຊາມແຫຼ້ ແລ້ວກໍເຊັດໃສ່ຜ້າເຊັດຜືນດຽວກັນອີກ. ບໍ່ມີໃຜຮູ້ດອກວ່າ ມືແຕ່ລະຄົນນັ້ນເປັນແນວໃດ? ຈັບບາຍຫຍັງມາແດ່? ເປັນຂີ້ເຮື້ອນຂີ້ຫິດຫລືບໍ່?…ຈຸດນີ້ແຫຼະ ທີ່ມັນເປັນບັນຫາຄວາມສ່ຽງໃຫ້ແກ່ການຕິດເຊື້ອໄດ້ເປັນຢ່າງສູງ ແທນທີ່ຈະໃຫ້ສະອາດ ແຕ່ຈະກັບກາຍເອົາພະຍາດເຂົ້າຫາຕົວ,ຊຶ່ງບໍ່ສະເພາະແຕ່ເຊື້ອໂຄວິດ-19 ຫາກເຊື້ອພະຍາດອື່ນໆກໍສາມາດຕິດຕໍ່ກັນໄດ້ງ່າຍທີ່ສຸດ ຖ້າພວກເຮົາຫາກຍັງປະຕິບັດກັນແບບນີ້ຕໍ່ໄປ.

ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ - Wave100S AD to Website 2020 0 - ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ

ອັນທີ່ສຳຄັນ, ແຕ່ລະຄົນທີ່ເຂົ້າຮ່ວມງານຕ້ອງມີຄວາມຮູ້ສຶກສຳນຶກດ້ວຍຕົນເອງ ແລ້ວຊອກຫາວິທີທາງອອກດ້ວຍຕົນເອງ ຖ້າບໍ່ຢາກໃຊ້ລວມດັ່ງທີ່ກ່າວມາ. ຊຶ່ງພວກເຮົາບໍ່ສາມາດຈະຕິຕຽນເຈົ້າພາບຂອງງານໄດ້ ເພາະມັນມີຫລາຍປັດໄຈຖ້າຈະເວົ້າໄປ. ພວກເຮົາຕ້ອງເປັນເຈົ້າການປ້ອງກັນດ້ວຍຕົນເອງແມ່ນເປັນການດີທີ່ສຸດ.

ຜູ້ຂຽນຄິດວ່າ, ເຖິງເວລາແລ້ວ ພວກເຮົາຄວນປ່ຽນວິຖີເກົ່າ, ວິຖີດັ້ງເດີມ ທີ່ເຄີຍປະຕິບັດກັນມາ ຫັນມາໃຊ້ວິຖີໃໝ່ຈະດີກວ່າ ທີ່ສາມາດຫຼີກລ່ຽງການຕິດຕໍ່ເຊື້ອໃສ່ກັນໄດ້. ຄວນຈະມີນໍ້າກ໊ອກ ໄວ້ໃຫ້ລ້າງມືຈະດີກວ່າ ແລະ ຜ້າເຊັດກໍຕ້ອງສະອາດ ແລະ ຄວນມີຫລາຍຜືນ. ຖ້າພວກເຮົາຫາກຍັງປະຕິບັດຕາມວິຖີເກົ່າ ແມ່ນບໍ່ສາມາດທີ່ຈະຮັບປະກັນສຸຂະອະນາໄມໄດ້ເຕັມທີ່. ພວກເຮົາຄວນປ່ຽນພຶດຕິກຳແບບໃໝ່ໄດ້ແລ້ວ ເພື່ອຫຼີກລ່ຽງການນຳເອົາພະຍາດມາໃສ່ຕົວເອງໂດຍບໍ່ຮູ້ສຶກຕົວ.

 

ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ - WhatsApp Image 2020 05 27 at 5 - ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ
ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ - WhatsApp Image 2020 05 27 at 5 - ລ້າງມືໃຫ້ສະອາດ ຫລື ເອົາພະຍາດເຂົ້າຫາຕົວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!