ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ

ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - 44 2 - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ
ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - AGL banner - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ

ໂດຍ: ວິ​ເສດ ສະ​​ແຫວ​ງສຶກສາ

​ໃນ​ບັນຍາກາດ​ວັນ​ກຳມະກອນ​ສາກົນ ຄົບຮອບ 134 ປີ (1 ພຶດສະພາ 2020) ນີ້, ຜູ້​ຂຽນ​ມີ 2 ​ເລື່ອງ​ໜ້າ​ສົນ​ໃຈ ​ເພື່ອ​ນຳ​ມາ​ບິ​ແບ່ງ​ກັບ​ບັນດາ​ທ່ານ​ຜູ້​ອ່ານ​ຄໍ​ລຳ “​ເບິ່ງ​ກວ້າງ​ເຫັນ​ໄກ” ຄື​ເລື່ອງ ສ.​ເກົາຫລີ ທຸ້ມງົບປະມານ ​ເພື່ອ​ສ້າງ​ວຽກ​ເຮັດ​ງານ​ທຳ​ໃຫ້​ຊາວ​ໜຸ່ມ ​ເຊິ່ງ​ເປັນ​ກຸ່ມ​ຄົນ​ທີ່​ຜະ​ເຊີນ​ກັບ​ໄພ​ວ່າງ​ງານ​ທີ່​ແກ່ຍາວ​ມາ​ເປັນ​ເວລາ​ຫລາຍ​ປີ, ສ່ວນ​ເລື່ອງ​ທີ​ສອງ​ນັ້ນກ່ຽວ​ກັບ​ມາດ​ຕະການ​ຂອງ​ຫວຽດນາມ​ໃນ​ການ​ຕ້ານ​ການ​ໃຊ້​ແຮງ​ງານ​ເດັກ.

ຢູ່ ສ.​ເກົາຫລີ, ລັດຖະບານ​ໄດ້​ປະກາດ​ໃຫ້​ຊາບ​ແຕ່​ກາງ​ເດືອນ​ມີນາ 2018 ກ່ຽວ​ກັບ​ນະ​ໂຍບາຍ​ຊຸກຍູ້​ສົ່ງ​ເສີມ​ວຽກ​ເຮັດ​ງານ​ທຳ​ໃຫ້​ແກ່​ຊາວ​ໜຸ່ມ ​ໂດຍ​ເນັ້ນ​ແກ້​ໄຂ​ໄພ​ວ່າງ​ງານ​ຂອງ​ກຸ່ມ​ຄົນ​ທີ່​ມີ​ອາຍຸ​ລະຫວ່າງ 15-29 ປີ ​ໃຫ້​ຢູ່​ໃນ​ລະດັບ 8% ພາຍ​ໃນ​ປີ 2021.

ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - Wave100S AD to Website 2020 0 - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ

ຕາມ​ສະຖິຕິ​ໃນ​ທ້າຍ​ເດືອນ​ທັນວາ 2017 ຊາວ​ໜຸ່ມ​ໃນ​ເກນ​ອາຍຸ​ນີ້​ທີ່​ບໍ່​ມີ​ວຽກ​ເຮັດ​ງານ​ທຳນັ້ນກວມ 9,2%. ນະ​ໂຍບາຍ​ຊອກ​ວຽກ​ເຮັດ​ໃຫ້​ຊາວ​ໜຸ່ມ​ນັ້ນ ລວມມີ​ການ​ສະໜັບສະໜູນ​ດ້ານ​ການ​ເງິນ ​ແລະ ນະ​ໂຍບາຍ​ພາສີ. ນອກ​ນັ້ນ ທາງ​ການ​ຍັງ​ໃຫ້​ຄວາມ​ສຳຄັນ​ເປັນ​ພິ​ເສດ​ສຳລັບ​ຊາວ​ໜຸ່ມ​ທີ່​ເລີ່​ມປະກອບ​ການ​ໃໝ່. ລາຍ​ລະອຽດ​ຂອງ​ນະ​ໂຍບາຍ​ດີໆ​ດັ່ງກ່າວ​ມີ​ຄື: ທາງ​ການ​ຈະ​ມອບ​ເງິນ​ຈຳນວນ 9 ລ້ານ​ວອນ (ປະມານ 8.400 ​ໂດ​ລາ​ສະຫະລັດ) ​ໃຫ້​ຊາວ​ໜຸ່ມ​ກຳມະກອນ​ແຕ່ລະຄົນ​ໃນ​ບໍລິສັດ​ຂະໜາດ​ນ້ອຍ. ທັງ​ນີ້​ກໍ​ເພື່ອ​ຮັດ​ແຄບ​ລາຍ​ຮັບ​ລະຫວ່າງ​ກຳມະກອນ​ໃນ​ບໍລິສັດ​ໃຫຍ່​ກັບ​ບໍລິສັດ​ຂະໜາດ​ນ້ອຍ. ບົດຮຽນ​ໃນ​ໄລຍະ​ຜ່ານ​ມາ​ຊີ້​ໃຫ້​ເຫັນ​ວ່າ: ຊາວ​ໜຸ່ມ​ທີ່​ດຳ​ເນີນ​ທຸລະ​ກິດ ຫລື ​ເຮັດ​ວຽກ​ໃນ​ບໍລິສັດ​ຂະໜາດ​ນ້ອຍ​ນັ້ນມີ​ຄວາມ​ລັ່ງ​ເລ​ໃຈ​ໃນ​ການ​ດຳ​ເນີນ​ທຸລະ​ກິດ​ທີ່​ຕົນ​ລິ​ເລີ່​ມ, ສຸດ​ທ້າຍ​ກໍ​ຕ້ອງ​ໄດ້​ຢຸດ​ກິດຈະການ ພາຍຫລັງ​ດຳ​ເນີນ​ງານ​ມາ​ປະມານ 2-3 ປີ ຍ້ອນ​ຊ່ອງ​ວ່າງ​ລາຍ​ຮັບ​ເມື່ອ​ສົມ​ທຽບ​ກັບ​ບໍລິສັດ​ໃຫຍ່ໆ. ນອກຈາ​ກຈຳນວນ​ເງິນ​ສະໜັບສະໜູນ​ທີ່​ກ່າວ​ມາ​ແລ້ວ​ນີ້, ລັດຖະບານ ສ.​ເກົາຫລີ ຍັງ​ມີ​ນະ​ໂຍບາຍ​ຍົກ​ເວັ້ນພາສີ​ລາຍ​ຮັ​ບ​ເປັນ​ເວລາ 5 ປີ ​ແລະ ສະໜອງ​ເງິນ​ກູ້​ດອກ​ເບ້ຍ​ຕໍ່າ ​ເພື່ອ​ຊ່ວຍ​ບັນດາ​ກຳມະກອນ​ໜຸ່ມ​ໃນ​ບັນດາ​ບໍລິສັດ​ຂະໜາດ​ນ້ອຍ. ພິ​ເສດ​ໄປ​ກວ່າ​ນັ້ນ, ທາງ​ການ​ຍັງ​ມີ​ແຜນ​ອະນຸຍາດ​ເພີ່​ມການ​ວ່າ​ຈ້າງ​ງານ​ໃຫ້​ບໍລິສັດ​ທີ່​ເປັນ​ຂອງ​ລັດ ຈາກ​ຈຳນວນ 28.000 ຄົນ. ທັງ​ນີ້​ກໍ​ເພື່ອ​ເພີ່ມ​ວຽກ​ເຮັດ​ງານ​ທຳ​ໃຫ້​ຊາວ​ໜຸ່ມ​ນັ້ນ​ເອງ. ທ່ານ ມູນ​ແຈ​ອິນ ປະທານາທິບໍດີ ສ.​ເກົາຫລີ ທີ່​ໄດ້​ນຳພາ​ປະ​ເທດ​ຊາດ​ມາ​ຮອດ​ເຄິ່ງທາງ​ຂອງ​ອາຍຸ​ການ​ແລ້ວ​ນີ້ ​ເຄີຍ​ໄດ້​ປະກາດ​ເມື່ອ​ຫາ​ສຽງ​ເລືອກ​ຕັ້ງວ່າ: ຈະ​ເຮັດ​ສຳ​ເລັດ​ການ​ສ້າງ​ວຽກ​ເຮັດ​ງານ​ທຳ​ໃໝ່​ໃຫ້​ໄດ້ 810.000 ຕຳ​ແໜ່​ງງານ ​ໂດຍ​ຈະ​ເນັ້ນການ​ສ້າງ​ອາຊີບ​ທີ່​ມີ​ຄຸນ​ນະພາ​ບສູງ​ພິ​ເສດ​ສຳລັບ​ຊາວ​ໜຸ່ມ. ອາຍຸ​ການ​ຂອງ​ທ່ານ​ຈະ​ສິ້ນສຸດ​ລົງ​ໃນ​ທ້າຍ​ເດືອນ​ພຶດສະພາ ປີ 2022.

ສຳລັບ​ຢູ່ ຫວຽດນາມ ນັ້ນ, ກົດໝາຍ​ແຮງ​ງານ​ໄດ້​ກຳນົດ​ກ່ຽວ​ກັບ​ແຮງ​ງານ​ໄວ້​ຢ່າງ​ຈະ​ແຈ້ງວ່າ: ​ແຮງ​ງານ​ແມ່ນ​ບຸກຄົນ​ທີ່​ມີ​ອາຍຸ​ແຕ່ 15 ປີ​ຂຶ້ນ​ໄປ ​ແລະ ​ໄດ້​ກຳນົດ​ລະອຽດ​ໃນ​ການ​ໃຊ້​ແຮງ​ງານ​ບຸກຄົນ​ທີ່​ມີ​ອາຍຸ​ຕໍ່າ​ກວ່າ 18 ປີ ​ແລະ ​ໃນ​ກໍລະນີ​ຕ້ອງ​ໄດ້​ໃຊ້​ແຮງ​ງານ​ຕໍ່າ​ກວ່າ 15 ປີ ​ໂດຍ​ອີງ​ໃສ່​ກົດໝາຍ​ດັ່ງກ່າວ, ທາງ​ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ​ຫວຽດນາມ ​ໄດ້​ຈັດ​ບັນຊີ​ບັນດາ​ຂະ​ແໜງ​ອາຊີບ​ທີ່​ເປັນ​ອັນຕະລາຍ​ສຳລັບ​ຜູ້​ທີ່​ມີ​ອາຍຸ​ຕໍ່າ​ກວ່າ 16 ປີ ​ເຊິ່ງປະກອບ​ດ້ວຍ​ປະ​ເພດ​ວຽກ​ໜັກ ​ແລະ ສ່ຽງ​ຕໍ່​ມົນ​ລະ​ພິດ ​ເປັນຕົ້ນ. ບັນດາ​ໂຄງການ​ປະຕິບັດ​ງານ​ລະດັບ​ຊາດ ​ເພື່ອ​ປົກ​ປ້ອງ​ສິດທິ​ຂອງ​ເດັກນ້ອຍ​ນັ້ນກໍ​ໄດ້​ອອກ​ແຮງ​ເຄື່ອນ​ໄຫວ​ຢ່າງ​ຕັ້ງໜ້າ ​ເພື່ອ​ສະກັດ​ກັ້ນ ​ແລະ ​ແກ້​ໄຂ​ບັນຫາ​ເດັກ​ຂໍທານ, ​ເດັກ​ທີ່​ຖືກ​ຂູດ​ຮີ​ດທາງ​ເພດ ກໍ​ຄື​ພາກສ່ວນ​ທີ່​ຖືກ​ບັງຄັບ​ໃຊ້​ແຮງ​ງານ​ໜັກ ​ແລະ ມີ​ຄວາມ​ສ່ຽງ​ຈາກ​ມົນ​ລະ​ພິດ. ​ໃນ​ຕໍ່ໜ້າ​ ທາງ​ການ​ຫວຽດນາມ​ຍັງ​ໄດ້​ວາງ​ເປົ້າໝາຍ​ແກ້​ໄຂ​ບັນຫາ​ຊ່ອງ​ວ່າງ​ກ່ຽວ​ກັບ​ການ​ໃຊ້​ແຮງ​ງານ​ເດັກດ້ານ​ການ​ຕິດຕາມ​ການ​ປະຕິບັດ​ກົດໝາຍ​ແຮງ​ງານ, ສຶກສາ​ອົບຮົມ​ຜູ້​ເປັນ​ພໍ່​ແມ່-ຜູ້​ປົກຄອງ​ຂອງ​ເດັກ​ໃຫ້​ເຂົ້າ​ໃຈ​ກ່ຽວ​ກັບ​ສິດທິ​ຂອງ​ເດັກ, ​ເອົາ​ໃຈ​ໃສ່​ບັນຫາ​ການ​ເຄື່ອນ​ຍ້າຍ​ແຮງ​ງານ​ໃນ​ບັນດາ​ທ້ອງ​ຖິ່ນ ​ແລະ ອື່ນໆ.

ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - WhatsApp Image 2020 05 27 at 5 - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ
ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - WhatsApp Image 2020 05 27 at 5 - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ
ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - WhatsApp Image 2020 05 27 at 5 - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ
ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ - WhatsApp Image 2020 05 27 at 5 - ສ.​ເກົາຫລີ ​ແລະ ຫວຽດນາມ ກັບ​ບັນຫາ​ແຮງ​ງານ​ຊາວ​ໜຸ່ມ ​ແລະ ​ເດັກນ້ອຍ
  • 1024 Posts
  • 0 Comments
iLike/LPN/20
error: Alert: Content is protected !!