ຄວາມສູງສ້າງໄດ້ ຕ້ອງເຮັດແນວໃດ

ຄວາມສູງສ້າງໄດ້ ຕ້ອງເຮັດແນວໃດ - 57 2 - ຄວາມສູງສ້າງໄດ້ ຕ້ອງເຮັດແນວໃດ
ຄວາມສູງສ້າງໄດ້ ຕ້ອງເຮັດແນວໃດ - Untitled design - ຄວາມສູງສ້າງໄດ້ ຕ້ອງເຮັດແນວໃດ

ໂອກາດຄວາມສູງຂອງເດັກນ້ອຍລາວໃນປັດຈຸບັນແມ່ນສູງຂຶ້ນເມື່ອປຽບກັບແຕ່ກ່ອນ, ແຕ່ຄວາມສູງຂອງເດັກນ້ອຍລາວເມື່ອປຽບທຽບກັບຊາວຕ່າງຊາດແລ້ວຍັງດ້ອຍກ່ວາ ເພາະເດັກຕ່າງຊາດສ່ວນຫລາຍຈະດື່ມນົມຫລາຍ ແລະ ກິນອາຫານທີ່ມີທາດການຊຽມສູງກ່ວາ,  ສ່ວນເດັກນ້ອຍລາວສ່ວນຫລາຍຈະບໍລິໂພກທາດການຊຽມບໍ່ພຽງພໍ. ອາຍຸກັບເພດ ແລະ ການຈະເລີນເຕີບໃຫຍ່ເຕັມທີ່ຂອງເດັກມີໄລຍະເວລາ ຫລື ປີທີ່ດີທີ່ສຸດຂອງພວກເຂົາ ໂດຍສະເລ່ຍແລ້ວ ເດັກຍິງໃນໄລຍະອາຍຸ 9 – 13 ປີ ຫລື ກ່ອນເປັນປະຈຳເດືອນ, ສ່ວນເດັກຊາຍຈະຢູ່ໃນໄລຍະອາຍຸ 10 – 16 ປີ ຈະເປັນໄລຍະທີ່ເດັກຈະເລີນເຕີບໃຫຍ່ໄດ້ໄວທີ່ສຸດ, ໄລຍະປີທີ່ດີທີ່ສຸດຂອງເດັກ ຮ່າງກາຍຕ້ອງການທາດການຊຽມສູງກ່ວາປົກກະຕິ. ສະນັ້ນແລ້ວ ການໄດ້ຮັບທາດການຊຽມໃຫ້ພຽງພໍໃນໄລຍະນີ້ຈຶ່ງສຳຄັນຕໍ່ເດັກຫລາຍ.

ການອອກກຳລັງກາຍທີ່ເໝາະສົມຈະຊ່ວຍໃຫ້ກະດູກແຂງແຮງ ແລະ ການພັກຜ່ອນໃຫ້ພຽງພໍ ແລະ ຖືກວິທີຈະຊ່ວຍໃຫ້ການຈະເລີນເຕີບໃຫຍ່ຂອງເດັກເປັນໄປໄດ້ດີ ລວມເຖິງຄວາມສູງນຳ, ການນອນທີ່ຖືກວິທີ ຄື : ນອນໄວແລ້ວຕື່ນເຊົ້າ ຈະມີການພັດທະນາໄດ້ດີກ່ວາ, ບໍ່ຄວນໃຫ້ເດັກນອນເດິກແລ້ວຕື່ນສວາຍ ເພາະຈະເປັນຜົນເສຍກັບເດັກ, ເລື່ອງກຳມະພັນກໍມີສ່ວນ, ສ່ວນເດັກທີ່ມີພໍ່ແມ່ໂຕນ້ອຍທັງສອງ ແຕ່ກໍມີລູກທີ່ໂຕສູງກ່ວານັ້ນ ເກີດຈາກປັດໄຈຂອງສິ່ງແວດລ້ອມ.

ບໍ່ວ່າຈະເປັນເລື່ອງຂອງການອອກກຳລັງກາຍ ຫລື ການເສີມທາດການຊຽມທີ່ພຽງພໍຕໍ່ຄວາມຕ້ອງການຂອງຮ່າງກາຍ ເຊັ່ນ : ການດື່ມນົມ ຫລື ກິນອາຫານທີ່ມີທາດການຊຽມສູງ ເປັນຕົ້ນ ກໍຈະເຮັດໃຫ້ເດັກໂຕສູງກ່ວາພໍ່ກັບແມ່ໄດ້. ທາດການຊຽມບໍ່ໄດ້ເປັນໂຕເລັ່ງຄວາມສູງ, ແຕ່ຖ້າຮ່າງກາຍຂາດທາດການຊຽມ ຈະເຮັດໃຫ້ຄວາມສູງຢຸດສະງັກໄດ້. ສະນັ້ນແລ້ວ ຄວາມສູງສ້າງໄດ້ຖ້າເຮົາດູແລລູກໃຫ້ຖືກວິທີ, ໃຫ້ລູກໄດ້ດື່ມນົມ ຫລື ກິນອາຫານທີ່ມີທາດການຊຽມຫລາຍໆເປັນປະຈຳ, ໝັ່ນອອກກຳລັງກາຍດ້ວຍຫລາກຫລາຍກິລາ ໂດຍສະເພາະກິລາທີ່ຕ້ອງຢືດໂຕ ເຊັ່ນ : ລອຍນຳ້,  ໂດດເຊືອກ, ບານບ້ວງ ເປັນຕົ້ນ, ຝຶກການນອນ ແລະ ຕື່ນໃຫ້ເປັນເວລາ, ບໍ່ນອນເດິກ, ບໍ່ຕື່ນສວາຍ. ນອກຈາກນີ້, ກໍຄວນບໍລິໂພກອາຫານເສີມ ຫລື ທາດການຊຽມເສີມຮ່ວມນຳ.

ຄວາມສູງສ້າງໄດ້ ຕ້ອງເຮັດແນວໃດ - Wave100S AD to Website 2020 0 - ຄວາມສູງສ້າງໄດ້ ຕ້ອງເຮັດແນວໃດ
ຄວາມສູງສ້າງໄດ້ ຕ້ອງເຮັດແນວໃດ - WhatsApp Image 2020 05 27 at 5 - ຄວາມສູງສ້າງໄດ້ ຕ້ອງເຮັດແນວໃດ
ຄວາມສູງສ້າງໄດ້ ຕ້ອງເຮັດແນວໃດ - WhatsApp Image 2020 05 27 at 5 - ຄວາມສູງສ້າງໄດ້ ຕ້ອງເຮັດແນວໃດ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!