ຄໍເນີ ແມັກເກເກີ້ ປະກາດແຂວນນວມຮອບທີ່ 3

ຕາມການລາຍງານຂອງສຳນັກຂ່າວຕ່າງປະເທດໃຫ້ຮູ້ວ່າ: ຄໍເນີ ແມັກເກເກີ້ ນັກຊົກຊາວໄອແລນ ເຈົ້າຂອງຕຳແໜ່ງແຊ້ມ UFC 2 ຮຸ່ນ ປະກາດອຳລາວົງການອີກຄັ້ງຫຼັງຈາກຄືນກັບມາຊົກເອົາຊະນະ ໂດນັນ ເຊີໂຣນ ຍົກທຳອິດດ້ວຍເວລາພຽງ 40 ວິນາທີ ເມື່ອເດືອນມັງກອນທີ່ຜ່ານມາ

ແມັກເກເກີ້ ນັກຊົກອາຍຸ 31 ປີ ເຊີ່ງຖືກສັ່ງຫ້າມຂື້ນຊົກຫຼັງຈາກໄປມີປາກສຽງພ້ອມກັບອາລະວາດ ຈາກການຊົກທີ່ເສຍໃຫ້ ຄາບິນ ນູມາໂກເມດອບ ເມື່ອປີ 2018 ແລະ ມີຂ່່າວຕໍ່ເນື່ອງວ່າກຳລັງຈະຂຶ້ນຊົກອິກຄັ້ງ ແຕ່ແມັກເກເກີ ໄດ້ປະກາດວ່າ: “ຂ້ອຍໄດ້ຕັດສິນໃຈແລ້ວທີ່ຈະແຂວນນວມຈາກການຕໍ່ສູ້ ຂອບໃຈສຳຫຼັບຄວາມຊົງຈຳດີໆ”

ສຳຫຼັບ ເເມັກເກເກີ ໄດ້ຜັນຕົວໄປເຮັດທຸລະກິດຈຳໜ່າຍເຫຼົ້າຈົນເປັນທີ່ຍອມຮັບຈາກຕະຫຼາດ ພ້ອມຍັງສ້າງລາຍໄດ້ຢ່າງມະຫາສານໃຫ້ແກ່ລາວ ແລະເຮັດໃຫ້ແມັກເກເກີ້ ຕັດສິນໃຈຫັນຫຼັງໃຫ້ວົງການຕໍ່ສູ້ໃນທີ່ສຸດ.