ກາຍ​ໂຄວິດຄິດ​ຫາວຽກ​ສີ​ຂຽວ

ກາຍ​ໂຄວິດຄິດ​ຫາວຽກ​ສີ​ຂຽວ - 333 01 - ກາຍ​ໂຄວິດຄິດ​ຫາວຽກ​ສີ​ຂຽວ
ກາຍ​ໂຄວິດຄິດ​ຫາວຽກ​ສີ​ຂຽວ - Untitled design - ກາຍ​ໂຄວິດຄິດ​ຫາວຽກ​ສີ​ຂຽວ

ໂດຍ: ມຶກບໍ່ແຫ້ງ

ໂຄວິດ 19 ໄດ້​ເຮັດ​ໃຫ້ ຫຼາຍ​ພັນ​ຄົນ​ຕ້ອງວ່າງວຽກ​ຂຶ້​ນ​ມາ​ທັນ​ທີ, ບໍ່​ວ່າໃນ​ໂລກກໍ​ຄື​ປະ​ເທດ​ເຮົາ​ ແຕ່ນັ້ນ​ມັນເປັນ​ໂອ​ກາດທີ່​ຈະ​ຊ່ວຍ​ໃຫ້ ຄົນ​ວ່າງວຽກປະ​ກອບ​ອາ​ຊີບ​ທີ່ ໝັ້ນ​ຄົງງ​ແລ​ະ ຍືນ​ຍົງ​ງກວ່າ​ເກົ່າ.

ອາ​ຊີບ​ສີ​ຂຽວແມ່ນ​ຜູ້​ຂຽນ​ແປ​ກົງໆ​ ຈາກ​ພາ​ສາ​ອັງ​ກິດ​ທີ່​ວ່າ ກ​ຣິນ​ຈອບ Green Job ເຊິ່ງ​ອົງ​ການແຮງ​ງານ​ສາ​ກົນ(ILO) ອະ​ທິ​ບາຍວ່າວຽກ​ດັ່ງ​ກ່າວນັ້ນສາ​ມາດ​ປະ​ກອບ​ສ່ວນ​ໃນ​ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມໃຫ້​ຍືນ​ຍົງ​ໄດ້.

ມາ​ຮອດ​ໃນ​ປັດ​ຈຸ​ບັນອາ​ຊີບສີ​ຂຽວແມ່ນ​ລວມ​ເອົາຫຼາຍ​ຂະ​ແໜງ​ການ​ເຊັ່ນ​ວ່າ ​ພະ​ລັງ​ງານ​ທົດ​ແທນ, ກະ​ສິ​ກຳ​ຍືນ​ຍົງ, ການ​ທ່ອງ​ທ່ຽວແບບ​ອະ​ນຸ​ລັກແລະອື່ນໆ ເຊິ່ງ​ເນັ້ນ​ໜັກ​ໄປ​ດ້າ​ນ​ການ​ເປັນ​ມິດ​ຕໍ່​ກັບທຳ​ມະ​ຊາດ, ສະ​ພາບ​ແວດ​ລ້ອມຫຼາຍ​ຂຶ້ນກວ່າ​ເກົ່າ.

ເມື່ອ​ໂຄວິດ​ເກີດ​ຂຶ້ນແລ້ວການ​ວ່າງວຽກຂອງ​ປະ​ຊາ​ຊົນ​ລາວໄດ້​ກາຍ​ເປັນ​ບັນ​ຫາ​ສຳ​ຄັນທີ່​ລັດ​ຖະ​ບານກຳ​ລັງ​ພະ​ຍາ​ຍາມໃຫ້​ກາ​ນ​ຊ່ວຍ​ເຫຼືອ​ຢ່າງ​ຂຸ້ນ​ຂ້ຽວ.

ດ້ວຍທ່າ​ແຮງ​ພື້ນ​ຖານ​ຂອງງ​ສ​ປ​ປ​ລາວທີ່​ຍັງ​ອຸ​ດົ​ມ​ສົ​ມ​ບູນ​ທາງ​ທຳ​ມະ​ຊາດແລະຊັບ​ພະ​ຍາ​ກອນ​ທຳ​ມະ​ຊາດບໍ່​ວ່າຈະ​ເປັນປ່າ​ໄມ້ ອັນ​ກວ້າງ​ຂວາງ, ສາຍ​ນ້ຳ​ຫຼາຍ​ສາຍ, ທີ່​ດິນ​ກະ​ສິ​ກຳ​ອັນ​ກວ້າງ​ຂວາງງ​ແລະອຸ​ດົມ​ສົມ​ບູນແລະອື່ນໆ ທີ່​ປະ​ເທດອື່ນ​ເຂົາ​ເຈົ້າ​ບໍ່​ມີ.

ກາຍ​ໂຄວິດຄິດ​ຫາວຽກ​ສີ​ຂຽວ - Wave100S AD to Website 2020 0 - ກາຍ​ໂຄວິດຄິດ​ຫາວຽກ​ສີ​ຂຽວ

ບວກ​ກັບນິ​ຕິ​ກຳແລະແນວ​ທາງ​ທີ່​ພວກ​ເຮົາ​ມີເຊັ່ນຍຸດ​ທະ​ສາດ​ການ​ພັດ​ທະ​ນາ​ສີ​ຂຽວ (2019), ແຜນ​ພັດ​ທະ​ນາ​ເສດ​ຖະ​ກິດ​-ສັງ​ຄົມແຫ່ງ​ຊາດ​ຄັ້ງ​ທີ VIII ກໍ​ຄືຄັ້ງ​ທີ IX ທີ່​ຈະ​ມາ​ເຖິງ, ຍຸ​ດ​ທະ​ສາດ​ກະ​ສິ​ກຳ, ການ​ເຮັດກະ​ສິ​ກຳ​ທີ່​ດີ, ແນວ​ທາງ​ການ​ພັດ​ທະ​ນາ​ການ​ທ່ອງ​ທ່ຽວແລະອື່ນໆ ສິ່ງ​ເຫຼົ່າ​ນີ້ ແມ່ນ​ເປັນ​ເຄື່ອງ​ມືແລະແນວ​ທາງ​ສຳ​ຄັນທີ່​ພວກ​ເຮົາຄວນ​ຄິດ​ຄຳ​ນຶ່ງ​ກ່ຽວ​ກັບວຽກ​ສີ​ຂຽວຫຼາຍ​ຂຶ້ນ.

​ຜູ້​ຂຽນກໍ​ກ່າວ​ອ້າງ​ເຖິງ​ຄຳ​ແນະ​ນຳຂອງ​ສະ​ຖາ​ບັນ​ຄົ້ນ​ຄວ້າ​ເສດ​ຖ​ະ​ກິດ​ແຫ່ງ​ຊາດຕໍ່​ການ​ຫັນວິ​ກິດໂຄວິກ 19 ​ໃຫ້​ເປັນ​ໂອ​ກາດນັ້ນເພິ່ນ​ວ່າແນະ​ນຳໃຫ້ພັດ​ທະ​ນາການ​ທ່ອງ​ທ່ຽວ​ພາຍ​ໃນ, ສົ່ງ​ເສີມ​ການ​ທ່ອງ​ທ່ຽວພາຍ​ໃນ​ໃຫ້ຫຼາຍ​ຂຶ້ນ. ​ສອດ​ຄ່ອງ​ກັບແນວ​ທາງນີ້​ ການ​ສົ່ງ​ເສີມ​ການ​ທ່ອງ​ທ່ຽວແບບ​ອະ​ນຸ​ລັກແມ່ນ​ທາງ​ເລືອກທີ່​ພວກ​ເຮົາ​ຄວນ​ໄດ້​ຮັບ​ການ​ສົ່ງ​ເສີມ​ຢ່າງ​ຮອບ​ດ້ານ, ຊຸກ​ຍູ້​ສົ່ງ​ເສີມ​ນັກ​ທ່ອງ​ທ່ຽວ​ຄົນ​ລາວໃຫ້​ຮັກ​ການອະ​ນຸ​ລັກຫຼາຍ​ຂຶ້ນກໍ​ຈະສ້າງວຽກ​ເຮັດ​ງານ​ທຳໃນ​ຂະ​ແໜງ​ການນີ້ຫຼາ​ຍ​ຂຶ້​ນ.

ພ້ອມນັ້ນວຽກ​ງານ​ກະ​ສິ​ກຳແບບ​ຍືນ​ຍົງ​ ກໍ​ແມ່ນ​ທາງ​ເລືອກ​ໜຶ່ງ​ທີ່​ທາງສະ​ຖາ​ບັນ​ຄົ້ນ​ຄວ້າ​ເສດ​ຖະ​ກິດ​ແຫ່ງ​ຊາດ​ແນະ​ນຳເຊິ່ງ​ປັດ​ຈຸ​ບັນພວກ​ເຮົາມີ​ທ່າ​ແຮງ​ສູງ, ມີ​ບັນ​ດາແຜນ​ງານໂຄງ​ການ​ຕ່າງໆ ທີ່​ຈະ​ສາ​ມາດເສີມ​ຂະ​ຫຍາຍໃນ​ລະ​ດັບ​ຊາດ​ໄດ້, ສ້າງວຽກ​ງານ​ໃຫ້​ໄດ້ຫຼາຍ​ຂຶ້​ນກວ່າ​ເກົ່າ.

ການ​ສົ່ງ​ເສີມ​ການ​ພັດ​ທະ​ນາ​ກະ​ສິ​ກຳ​ແບບ​ຍືນ​ຍົງ​ ໄດ້​ປະ​ໂຫຍດຫຼາຍ​ດ້ານໆ ພ້ອ​ມ​ໆ​ກັນ, ພວກ​ເຮົາ​ສາ​ມາດສ້າງ​ມູນ​ຄ່າ​ເພີ່ມ​ໃຫ້ ຜົນ​ຜະ​ລິດ, ໜີ​ຫ່າງ​ຈາກ​ບັນ​ຫາ​ສິ່ງ​ແວດ​ລ້ອມຍ້ອນ​ໃຊ້​ສານ​ເຄ​ມີ, ສ້າງ​ການ​ຄ້ຳ​ປະ​ກັນສະ​ບຽງ​ອາ​ຫານ, ສົ່ງ​ເສີມ​ການ​ຜະ​ລິດ​ພາຍ​ໃນຫ່າງ​ໄກການ​ນຳ​ເຂົ້າ​ຈາກ​ຕ່າງ​ປະ​ເທດ, ທີ່​ສຳ​ຄັນສາ​ມາດສ້າງວຽກ​ເຮັກ​ງານ​ທຳໃຫ້​ແກ່​ຜູ້​ວ່າງ​ງານໄດ້​ຢ່າງຫຼວງຫຼາຍ.

ການ​ສົ່ງ​ເສີມການ​ປະ​ກອບ​ອາ​ຊີບສີ​ຂຽວອາດ​ເປັນ​ທາງ​ເລືອກ​ໜຶ່ງ​ທີ່​ຈະ​ເຮັດ​ໃຫ້ ຜູ້​ຄົນ​ສາ​ມາດມີວຽກ​ເຮັດ​ງານ​ທຳທີ່​ໝັ້ນ​ຄົງ, ມີ​ຄວາມ​ຍືນ​ຍົງ​ຕໍ່​ຊາດ​ໄດ້.

ກາຍ​ໂຄວິດຄິດ​ຫາວຽກ​ສີ​ຂຽວ - WhatsApp Image 2020 05 27 at 5 - ກາຍ​ໂຄວິດຄິດ​ຫາວຽກ​ສີ​ຂຽວ
ກາຍ​ໂຄວິດຄິດ​ຫາວຽກ​ສີ​ຂຽວ - WhatsApp Image 2020 05 27 at 5 - ກາຍ​ໂຄວິດຄິດ​ຫາວຽກ​ສີ​ຂຽວ
error: Alert: ເນື້ອຫາຂ່າວມີລິຂະສິດ !!