ສະຫວັນນະເຂດສອບເສັງເອົາລັດຖະກອນຄູ

ສະຫວັນນະເຂດສອບເສັງເອົາລັດຖະກອນຄູ - 94 - ສະຫວັນນະເຂດສອບເສັງເອົາລັດຖະກອນຄູ
ສະຫວັນນະເຂດສອບເສັງເອົາລັດຖະກອນຄູ - Untitled design - ສະຫວັນນະເຂດສອບເສັງເອົາລັດຖະກອນຄູ

ຄູອາສາສະໝັກພາຍໃນແຂວງສະຫວັນນະເຂດທັງໝົດ 2.753 ຄົນ ເຂົ້າຮ່ວມສອບເສັງເພື່ຶອບັນຈຸເຂົ້າເປັນລັດຖະກອນຄູ ແລະ ລັດຖະກອນບໍລິຫານຂອງຂະແໜງການສຶກສາ ແລະ ກິລາແຂວງ ໃນວັນທີ 7 ມິຖຸນາ 2020 ທີ່ໂຮງຮຽນມັດທະຍົມຕອນຕົ້ນສຸນັນທາ ນະຄອນໄກສອນ ພົມວິຫານ ໂດຍຈະຄັດເລືອກເອົາທັງໝົດ 161 ຄົນ.

ຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ ໃຫ້ຮູ້ວ່າ: ປີນີ້ທົ່ວແຂວງສະຫວັນນະເຂດໄດ້ຮັບໂກຕ້າລັດຖະກອນຄູ ແລະ ລັດຖະກອນບໍລິຫານທັງໝົດ 161 ຄົນ, ສ່ວນການຈັດແບ່ງໂກຕ້າແມ່ນເລັ່ງໃສ່ຄູອາສາສະໝັກຫລາຍປີທີ່ສອນຢູ່ເຂດຫ່າງໄກສອກຫລີກ, ບ່ອນຂາດຄູ, ເປັນແຕ່ລະລາຍວິຊາທີ່ມີຄວາມຕ້ອງການໃນແຕ່ລະເມືອງ, ແຕ່ລະໂຮງຮຽນ ແລະ ຄູໂຄງການ ຈຳນວນ 43 ຄົນ ແລະ ລັດຖະກອນບໍລິຫານ 2 ຄົນ, ສໍາລັບໂກຕ້າແບ່ງປັນລັດຖະກອນຄູອາສາສະໝັກ ໄດ້ແບ່ງໃຫ້ແຕ່ລະເມືອງຄື: ຊົນນະບູລີ 16 ຄົນ, ອຸທຸມພອນ 15 ຄົນ, ເມືອງພີນ 12 ຄົນ, ອາດສະພອນ 12 ຄົນ, ວິລະບູລີ 12 ຄົນ, ເຊໂປນ 9 ຄົນ, ພະລານໄຊ 9 ຄົນ, ທ່າປາງທອງ 8 ຄົນ, ເມືອງນອງ 8 ຄົນ, ຈຳພອນ 8 ຄົນ, ອາດສະພັງທອງ 7 ຄົນ, ນະຄອນໄກສອນ ພົມວິຫານ 6 ຄົນ, ສອງຄອນ 5 ຄົນ, ໄຊບູລີ 5 ຄົນ ແລະ ເມືອງໄຊພູທອງ 5 ຄົນ.

ຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ ໃຫ້ຮູ້ຕື່ມວ່າ: ສໍາລັບການສອບເສັງແມ່ນແບ່ງອອກເປັນ 3 ວິຊາຄື: ວິຊາລວມ, ຫລັກວິຊາຄູ ແລະ ວິຊາສະເພາະທີ່ຮຽນມາ ໂດຍມີນະໂຍບາຍພິເສດສໍາລັບຄູອາສາສະໝັກທີ່ສອນມາຫລາຍປີ, ຄູໃນວິຊາທີ່ຕ້ອງການ, ອາຍຸກະສຽນ 33 ປີຂຶ້ນໄປ, ຄູຊົນເຜົ່າ, ຄູທີ່ມີຜົນງານດີເດັ່ນໃນການປະຕິບັດໜ້າທີ່ຜ່ານມາ, ຄອບຄົວທຸກຍາກ ແລະ ເປັນຄູສອນຢູ່ເຂດຫ່າງໄກສອກຫລີກແມ່ນມີຄະແນນເພີ່ມໃຫ້ 40% ກ່ອນການສອບເສັງ.

ສະຫວັນນະເຂດສອບເສັງເອົາລັດຖະກອນຄູ - Wave100S AD to Website 2020 0 - ສະຫວັນນະເຂດສອບເສັງເອົາລັດຖະກອນຄູ
ສະຫວັນນະເຂດສອບເສັງເອົາລັດຖະກອນຄູ - WhatsApp Image 2020 05 27 at 5 - ສະຫວັນນະເຂດສອບເສັງເອົາລັດຖະກອນຄູ
ສະຫວັນນະເຂດສອບເສັງເອົາລັດຖະກອນຄູ - WhatsApp Image 2020 05 27 at 5 - ສະຫວັນນະເຂດສອບເສັງເອົາລັດຖະກອນຄູ
error: Alert: ເນື້ອຫາຂ່າວມີລິຂະສິດ !!