ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19

ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19 - 089 - ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19
ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19 - Untitled design - ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19

ເພື່ອຕິດຕາມເຝົ້າລະວັງການແຜ່ລະບາດຂອງພະຍາດໂຄວິດ 19, ວັນ​ທີ 1 ມີ​ຖຸ​ນາ 2020 ທ່ານ ທອງສີ ເສົາສຸລິພົມ ຮອງເຈົ້າແຂວງຜົ້ງສາລີ ທັງເປັນຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19, ພ້ອມດ້ວຍຄະນະສະເພາະກີດຂັ້ນແຂວງ ໄດ້ລົງເຄື່ອນໄຫວວຽກງານຕິດຕາມຊຸກຍູ້ ການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຢູ່​ດ່ານ​ສາ​ກົນ​ປາງ​ຫົກ. ການ​ລົງ​ເຮັດ​ໃນ​ຄັ້ງ​ນີ້​ໄດ້​ຮັ​ບ​ຟັງ​ການ​ລາຍ​ງານ​ສະ​ພາບການຈັດຕັ້ງປະຕິບັດວຽກງານກ່ຽວການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຈາກ​ຄະ​ນະ​ສະ​ເພາະ​ກິດ​ຂ​ອງ​ດ່ານ.

ເຊິ່ງ​ນັບ​ຕັ້ງ​ແຕ່​ໄດ້​ຮັບ​ບັນ​ດາ​ຄຳ​ສັ່ງ, ແຈ້ງ​ການ​ຕ່າງໆ​ຈາກ​ສູນ​ກາງ ແລະ ແຂວງທາງ​ຄະ​ນະ​ສະ​ກິດ​ດ່ານກໍ​ໍ່ໄດ້ປະຕິບັດເຮັດວຽກງານເຝົ້າລະວັງຢ່າງ​ໃກ້​ຊິດ. ເລີ່ມແຕ່ມີການຈັດຕັ້ງປະຕິບັດແຕ່ວັນທີ 1 ມີນາ 2020 ຫາ ວັນທີ 31 ພຶດສະພາ 2020 ໄດ້ມີຄົນເຂົ້າອອກເມືອງທັງ​ໝົດແຈ້ງເຂົ້າມີ 2.523 ຄົນ, ຍິງ 1.235 ຄົນ, ໃນນັ້ນແຈ້ງເຂົ້າຫວຽດນາມ 51 ຄົນ, ຍິງ 20 ຄົນ, ຄົນແຈ້ງອອກມີ 3.672 ຄົນ , ຍິງ1.520ຄົນ, ສ່ວນ​ໃຫ​ຍ່​ແມ່ນຄົນຫວຽດນາມທັງໝົດ, ພາຫານະໄປຄ່ຽນຖ່າຍຢູ່​ສີ້ນ​ຄ້າຈຸດຄ່ຽນຖ່າຍມີ 1.761 ຖ້ຽວ, ການແບ່ງຈຸດກວດກາກັ່ນຕອງແມ່ນໄດ້ຈັດແບ່ງເປັນ 2 ເບື້ອງຄື: ແຈ້ງເຂົ້າ ແລະ ແຈ້ງອອກ, ໃນນັ້ນໄດ້ມີພະນັກງານແພດ​ໝໍຮັບຜິດຢູ່ຈຸດລະສອງຄົນຜ່ານການຈັດຕັ້ງປະຕິບັດເຫັນວ່າການກວດກາວັດແທກອູນຫະພູມ ຖ້າພົບກໍລະນີ້ສົງໄສແມ່ນໄດ້ແຍກປ່ຽວ ແລະ ໄດ້ປະສານຫາໜ່ວຍງານສະເພາະກິດຂັ້ນເມືອງ ແລະ ໜ່ວຍສະເພາະກິດຂັ້ນແຂວງ ເພື່ອຈະໄດ້ແກ້ໄຂສະພາບການໃຫ້ທັນເວລາ.

ສຳ​ລັບ ວຽກງານການຄ່ຽນຖ່າຍສິນຄ້າ ຢູ່ພາຍໃນດ່ານສາກົນປາງຫົກ ທາງຄະນະສະເພາະກິດ ພ້ອມດ້ວຍ ບັນດາພາກສ່ວນທີ່ກ່ຽວຂອງ ໄດ້ມີການປະຊູມປຶກສາຫາລືກັນໃນການກໍານົດ ລະບຽບການມາດຕະການໃນການຄ່ຽນຖ່າຍສີນຄ້າ ເພື່ອຮັບປະກັນຄວາມປອດໄພ ໃນການສະກັດກັ້ນ ຄວບຄຸມພະຍາດ ​ໂດຍກຳນົດເອົາຈຸດຄ່ຽນຖ່າຍ ສິນຄ້າຢູ່ຈຸດຫຼັກໝາຍ 113 ແຕ່ຕ້ອງເຫັນດີ ແລະ ເປັນເອກະພາບກັນລະຫ່ວາງ ດ່ານເຊີ່ງໜ້າກໍ່ຄືດ່ານສາກົນໄຕຈາງ ສສ ຫວຽດນາມ ສ່ວນການຈັດຕັ້ງປະຕິບັດແມ່ນ​ໄດ້ໃຫ້ໂຊເຟີທັງສອງຝ່າຍ ແມ່ນຕ້ອງໄດ້ມີການກວດກາອຸນນະພຸມ ພ້ອມທັງໃຊ້ເຈວລ້າງມື ແລະ ນຸ່ງຊຸດປ້ອງກັນ ກ່ອນທີຈະຂັບລົດເຂົ້າໄປຫາຈຸດຄ່ຽນຖ່າຍ ເມື່ອໄປຮອດຈຸດຄ່ຽນຖ່າຍແລ້ວ ຕ້ອງລົງອອກຈາກລົດ ໄປຢູ່ບ່ອນທີ່ຮ່າງຈາກຈຸດຄ່ຽນຖ່າຍ ຈົນກ່ວາຈະມີການຄ່ຽນຖ່າຍແລ້ວ ຈື່ງກັບເຂົ້າມາເພື່ອຂັບເອົາລົດກັບຄືນ ເມື່ອລົງມາຮອດດ່ານແລ້ວພວກເຮົາກໍ່ໄດ້ສີດຢາຂ້າເຊື້ອໃສ່ລົດແຕ່ລະຄັນ, ພ້ອມດຽວກັນນັ້ນ ກໍ່ໄດ້ປະຊຸມຮ່ວມກັບບັນດາບໍລິສັດ ທີ່ມີຢູ່ພາຍໃນດ່ານຈໍານວນ 7 ບໍລິສັດເພື່ອກຳນົດຄວາມຕ້ອງການ ໂຊເຟີທີ່ຈະນໍາໃຊ້ຢູ່ພາຍໃນບໍລິສັດຂອງຕົນເອງ ໃນນີ້ກໍ່ເພື່ອເປັນການຕິດຕາມຄົນເຂົ້າອອກໃຫ້ມີຄວາມປອດໄພ.

ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19 - Wave100S AD to Website 2020 0 - ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19

ໃນໂອກາດນີ້ທ່ານ ທອງສີ ເສົາສຸລິພົມ ຮອງເຈົ້າແຂວງໆຜົ້ງສາລີ ທັງເປັນຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ຍັງໄດ້ຮຽກຮ້ອງ ແລະ ແໜ້ນໝັກໃຫ້ຄະນະດ່ານ ແລະ ວີຊາການທີ່ກ່ຽວຂ້ອງໃຫ້ເອົາໃຈໃສ່ເພີ້ມທະວີຍົກສູງຄວາມຮັບຜີດຊອບໃນການປ້ອງກັນໃຫ້ສູງຂື້ນ, ສືບ​ຕໍ່​ປະ​ຕິ​ບັດ​ບັນ​ດາ​ມາດ​ຕະ​ການ​ຜ່ອນ​ຜັນ​ຕ່າງໆແລະ ​ຄຳ​ແນະ​ນຳຂອງ​ກະ​ຊວງ​ການ​ຕ່າງ​ປະ​ເທດ​ກ່ຽວ​ກັບ​ການ​ເດີນ​ທາງ​ເຂົ້າ​ອອກ​ດ່ານໃນສ​ປ​ປລາວ, ສືບຕໍ່ປະສານສົບທົບກັບພາກສ່ວນທີ່ກ່ຽວຂ້ອງພາຍໃນດ່ານໃຫ້ກົມກ້ຽວ, ເຝົ້າລະວັງຢ່າງໃກ້ຊີດໃນການເຂົ້າອອກດ່ານຂອງແຕ່ລະຄົນ ແລະ ສີ້ນຄ້າຕ່າງໆ, ທັງນີ້ກໍ່ເພື່ອເປັນການຮັບປະກັນບໍ່ໃຫ້ພະຍາດ COVID-19 ແຜ່ລະບາດເຂົ້າມາແຂວງຜົ້ງສາລີກໍ່ຄື ສ ປ ປ ລາວ.

ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19 - WhatsApp Image 2020 05 27 at 5 - ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19
ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19 - WhatsApp Image 2020 05 27 at 5 - ຮອງເຈົ້າແຂວງຜົ້ງສາລີ ລົງກວດກາວຽກງານປ້ອງກັນ ແລະ ຄວບຄຸມໂຄວິດ-19
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!