ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ

ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ - 47 1 - ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ
ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ - Untitled design - ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ

ນາຍົກລັດຖະມົນຕີເຢຍລະມັນ Merkel ປະຕິເສດຄຳເຊື່ອເຊີນເຂົ້າຮ່ວມກອງປະຊຸມ G7 ຢູ່ທີ່ ວໍຊິງຕັນໃນເດືອນນີ້. ການໂອ້ລົມກັນທາງໂທລະສັບຂອງສອງຜູ້ນຳ ໄດ້ກາຍເປັນຂໍ້ຂັດແຍ່ງ.

ນາຍົກລັດຖະມົນຕີ Angela Merkel ໃຫ້ຮູ້ວ່າ ເຂົາບໍ່ສາມາດທີ່ຈະເຂົ້າຮ່ວມກອງປະຊຸມຕາມຄຳເຊື່ອເຊີນໄດ້ ເພາະການລະບາດຂອງເຊື້ອພະຍາດຍັງຜັນແປໄປຢ່າງສັບສົນ. ທຣຳ ແຍ້ມອອກມາວ່າ ເຂົາຮູ້ສຶກໝົດຫວັງກັບກຸ່ມ G7, ອົງການສົນທິສັນຍາອັດລັງຕິດເໜືອ ຫຼື ນາໂຕ(NATO) ແລະ ອົງການອະນາໄມໂລກ(WHO)ທີ່ສຸດ. ທຣຳ ຢໍ້າອີກວ່າ ສະຫະລັດກຳລັງເຮັດໜ້າທີ່ດີທີ່ສຸດ ນັບທັງຕໍ່ກັບຜູ້ປະທ້ວງທົ່ວປະເທດໃນຂະນະນີ້.

ຕໍ່ຈາກນັ້ນມາ, ເຢຍລະມັນໄດ້ຂ່າວວ່າ ສະຫະລັດມີແຜນຖອນທະຫານ ປະມານ 9.500 ນາຍອອກຈາກເຢຍລະມັນ, ຊຶ່ງແຜນດັ່ງກ່າວແມ່ນຢູ່ພາຍໃນ 3 ເດືອນຕໍ່ໜ້ານີ້ ໂດຍເຢຍລະມັນບໍ່ໄດ້ຮັບການແຈ້ງເຕືອນລ່ວງໜ້າແຕ່ຢ່າງໃດເລີຍ.

ນັກບັນນາທິການໜັງສືພິມ NYTimes ໃຫ້ຮູ້ວ່າ ບໍ່ຮູ້ວ່າການຕັດສິນໃຈຖອນທະຫານອອກຈາກເຢຍລະມັນຂອງສະຫະລັດນັ້ນ ພົວພັນເຖິງການປະຕິເສດບໍ່ເຂົ້້າຮ່ວມກອງປະຊຸມ G7 ຂອງນາຍົກລັດຖະມົນຕີເຢຍລະມັນ ຫຼື ບໍ່. ເຖິງຢ່າງໃດກໍດີ ມັນໄດ້ກາຍເປັນສັນຍານເຕືອນຄວາມແຕກລ້າວລະຫວ່າງສະຫະລັດ ກັບ ບັນດາປະເທດທີ່ມີຜົນສະທ້ອນໃຫ່ຍທີ່ສຸດຢູ່ໃນຍຸໂຣບ ນັບແຕ່ສົງຄາມໂລກຄັ້ງທີສອງເປັນຕົ້ນມາ. ສະຫະລັດ ແລະ ເຢຍລະມັນມີທັດສະນະຂັດແຍ່ງກັນໃນຫຼາຍບັນຫາ ນັບທັງບັນຫາຂອງລັດເຊຍ, ອີຣານ, ຈີນ, ການຄ້າ ແລະ ການປ້ອງກັນຄວາມສະຫງົບ.

ຄວາມໄວ້ໃຈຊຶ່ງກັນ ແລະ ກັນລະຫວ່າງ ປະທານາທິບໍດີ ທຣຳ ແລະ ນາຍົກລັດຖະມົນຕີ Merkel ໄດ້ຈາງຫາຍໄປແຕ່ດົນແລ້ວ. ເຈົ້າໜ້າທີ່ລະດັບສູງ ແລະ ນັກວິເຄາະໃຫ້ຮູ້ວ່າ ສິ່ງທີ່ສຳຄັນທີ່ສຸດໃນປັດຈຸບັນກໍຄື ຄວາມເຊື່ອໝັ້ນຂອງອົງການສົນທິສັນຍາອັດລັງຕິກເໜືອ ຫຼື ນາໂຕ ກໍໝົດໄປເຊັ່ນດຽວກັນ.

ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ - Wave100S AD to Website 2020 0 - ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ

ການຖອນທະຫານອອກຈາກເຢຍລະມັນ ແລະ ພັນທະມິດທີ່ສຳຄັນຂອງສະຫະລັດຢູ່ໃນ ຍຸໂຣບ ພຽງຝ່າຍດຽວຂອງສະຫະລັດອາເມລິກາ ໂດຍບໍ່ມີການແຈ້ງເຕືອນ ແລະ ປຶກສາຫາລື ຂອງປະທານາທິບໍດີ ທຣຳ ໄດ້ສ້າງຄວາມເສຍຫາຍໃຫ້ ນາໂຕ(NATO) ແລະ ໄດ້ກາຍເປັນຂອງຂວັນຊິ້ນໃຫ່ຍໃຫ້ແກ່ປະທານາທິບໍດີລັດເຊຍ Vladimir Putin ຊຶ່ງເປັນຜູ້ບໍ່ມັກການມີໜ້າຂອງກອງທັບສະຫະລັດຢູ່ໃນ ຍຸໂຣບມາແຕ່ດົນແລ້ວ.

ທ່ານ Kleine-Brockhoff ຢືນຢັນວ່າ ຄູ້ຂັດແຍ່ງຍຸດທະສາດຂອງ ທຣຳ ເວລານີ້ ບໍ່ແມ່ນ Putin ຫຼື ສີຈິນຜິງ ຂອງຈີນອີກ ແຕ່ຫາກແມ່ນ Angela Merkel ນັ້ນເອງ.

ຂ່າວ: ລູກເມືອງພວນ(ແຫຼ່ງຂ່າວ vnexpress.net)

ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ - WhatsApp Image 2020 05 27 at 5 - ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ
ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ - WhatsApp Image 2020 05 27 at 5 - ສຳພັນທະມິດລະຫວ່າງສະຫະລັດອາເມລິກາ ກັບ ເຢຍລະມັນແຕກລ້າວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!