ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ

ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ - aac3a9dc adb4 4195 9a79 68328e355f6e - ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ
ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ - Untitled design - ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ

ໂຄງການພັດທະນາເຂດເສດຖະກິດໃຫມ່ສີທັນດອນກຳລັງຂຸ້ນຂ້ຽວພັດທະນາໂຄງການໄລຍະທີ 1 ໃຫ້ສຳເຫລັດຕາມແຜນໃນປີ 2020 ນີ້, ໂດຍ ເມື່ອບໍ່ດົນມານີ້, ທ່ານນາງ ຄຳພູ ລິດທິສັກ ເຈົ້າເມືອງໆໂຂງ ໄດ້ນຳພາຄະນະວິຊາການຈາກຫ້ອງການເຂດເສດຖະກິດພິເສດແຂວງຈຳປາສັກ, ພະແນກການທີ່ກ່ຽວຂ້ອງອ້ອມຂ້າງແຂວງ ແລະ ກະຊວງທີ່ກ່ຽວຂ້ອງ ລົງກວດກາຕິດຕາມເບິ່ງການຈັດຕັ້ງປະຕິບັດໜ້າວຽກຕົວຈິງຂອງໂຄງການພັດທະນາເຂດເສດຖະກິດພິເສດ ມະຫານະທີສີທັນດອນ ທີ່ພວມລົງມືກໍ່ສ້າງໃນປັດຈຸບັນ, ເຊິ່ງໄດ້ຮັບຟັງການລາຍງານຈາກວິຊາການຂອງທາງໂຄງການພັດທະນາເຂດເສດຖະກິດພິເສດ ມະຫານະ ທີສັນທັນດອນ ໃຫ້ຮູ້ວ່າ: ປັດຈຸບັນໂຄງການແມ່ນພວມດຳເນີນການກໍ່ສ້າງເສັ້ນທາງເບຕົງເສີມເຫຼັກ, ໃນເຂດເທສະບານເມືອງໂຂງ (ຈຸດຫົວໂຂງ) ເຊຶ່ງເປັນໜຶ່ງໃນໜ້າວຽກຫຼັກໃນການປັບປຸງພື້ນຖານໂຄງລ່າງໄດ້ແບ່ງການກໍ່ສ້າງອອກໄປ 3 ໄລຍະກໍ່ສ້າງ, ລວມມີໄລຍະທາງທັງໝົດ 41 ກິໂລແມັດ, ມີມູນຄ່າການກໍ່ສ້າງປະມານ 12 ລ້ານໂດລາສະຫະລັດ, ເຊິ່ງເປັນການຊ່ວຍເຫຼືອລ້າຈາກທາງໂຄງການ. ພາຍຫຼັງການຈັດຕັ້ງປະຕິບັດໂຄງການນັບແຕ່ປີ 2018 ເປັນຕົ້ນມາ ບໍລິສັດຜູ້ຮັບເໝົາກໍ່ສ້າງໄດ້ລົງມືກໍ່ສ້າງສຳເລັດໄປແລ້ວລວມໄລຍະທາງ 28 ກິໂລແມັດ ແລະ ຄາດວ່າໂຄງການກໍ່ສ້າງເສັ້ນທາງເບຕົງອ້ອມດອນໂຂງຈະສຳເລັດໃນຕົ້ນປີ 2021.
ຂະນະດຽວກັນກໍພວມດຳເນີນການກໍ່ສ້າງ ແລະ ພັດທະນາຣີສອດຄອນພະເພັງໃຫ້ກາຍເປັນແຫຼ່ງທ່ອງທ່ຽວຄົບວົງຈອນທີ່ປະກອບໄປດ້ວຍໂຮງແຮມລະດັບ 5 ດາວ, ເຮືອນພັກຕາງອາກາດ, ສະ ໜາມກັອຟ, ສະຖານບັນເທີງ, ສູນບໍລິການນັກທ່ອງທ່ຽວ ແລະ ອື່ນໆ… ສຳລັບແຜນການໃນຕໍ່ໜ້ານີ້ ແມ່ນຈະສືບຕໍ່ເລ່ັງລົງມືກໍ່ສ້າງໂຮງແຮມດອກຈຳປາ, ຂະຫຍາຍສະໜາມກັອຟ, ສ້າງຖະໜົນຄົນຍ່າງໃນຍາມກາງຄືນ, ປັບປຸງແຫຼ່ງທ່ອງທ່ຽວນ້ຳຕົກຕາດຄອນພະເພັງ ແລະ ນ້ຳຕົກຕາດສົມພະມິດ ກໍ່ຄືພື້ນຖານໂຄງລ່າງການທ່ອງທ່ຽວ ເພື່ອຮອງຮັບນັກທ່ອງທ່ຽວທັງພາຍໃນ ແລະ ຕ່າງປະເທດທີ່ມີຕົວເລກນັກທ່ອງທ່ຽວເພີ່ມຂຶ້ນໃນແຕ່ລະປີ.

ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ - Wave100S AD to Website 2020 0 - ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ
ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ - WhatsApp Image 2020 05 27 at 5 - ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ
ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ - WhatsApp Image 2020 05 27 at 5 - ເຂດເສດຖະກິດໃໝ່ສີທັນດອນຂຸ້ນຂ້ຽວພັດທະນາໂຄງການໃນໄລຍະທີ 1 ໃຫ້ສຳເລັດຕາມກຳນົດ
error: Alert: ເນື້ອຫາຂ່າວມີລິຂະສິດ !!