ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ

ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ -                                                                                                                                         19 27 - ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ
ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ - Untitled design - ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ

ໂດຍ: ລູກເມືອງພວນ

ລາວເລີ່ມມີຜູ້ຕິດເຊື້ອໄວຣັສໂຄວິດ-19 ລາຍທຳອິດແມ່ນວັນທີ 24 ມີນາ 2020. ຫຼັງຈາກນັ້ນມາລາວກໍເລີ່ມມີຜູ້ຕິດເຊື້ອສະສົມຂຶ້ນມາເລື້ອຍໆຈົນເຖິງຜູ້ທີ່ 19 ຊຶ່ງເປັນລາຍສຸດທ້າຍຜູ້ຕິດເຊື້ອໃນລາວ ເມື່ອວັນທີ 12 ເມສາ 2020.

ຢູ່ຕໍ່ໜ້າສະຖານະການດັ່ງກ່າວ, ລັດຖະບານລາວຮີບຮ້ອນວາງມາດຕະການທີ່ເຂັ້ມງວດອອກມາ ດ້ວຍຄຳສັ່ງເລກທີ 06/ນຍ, ລົງວັນທີ 29 ມີນາ 2020 ຂອງນາຍົກລັດຖະມົນຕີ. ຕໍ່ຈາກນັ້ນມາ, ກໍໄດ້ມີການປິດກິດຈະການ, ກິດຈະກຳຕ່າງໆ ນັບທັງປິດສາຍການບິນ ແລະ ດ່ານເຂົ້າອອກທັງໝົດລະຫວ່າງປະເທດທີ່ມີຊາຍແດນຕິດຈອດກັບລາວ. ແຕ່ງຕັ້ງຄະນະສະເພາະກິດລະດັບຊາດຂຶ້ນມາເພື່ອປ້ອງກັນ, ຕ້ານ ແລະ ຄວບຄຸມການລະບາດຂອງພະຍາດ ຢ່າງທັນການ, ໃຫ້ການຊີ້ນຳວັນຕໍ່ວັນ, ເລັ່ງຊື້ວັດຖຸອຸປະກອນການແພດ ແລະ ຢາທີ່ຈຳເປັນຈຳນວນໜຶ່ງ, ສົມທົບພົວພັນ ກັບອົງການອະນາໄມໂລກປະຈຳລາວຢ່າງໃກ້ສິດຕິດແທດ ແລະ ທັນການ.

ຖັນແຖວແພດໝໍລາວ ຖືກຂະໜານນາມວ່າເປັນນັກຮົບຊຸດຂາວປະຈັນບານ, ເຮັດວຽກຢ່າງຂະຫຍັນຂັນແຂງ ເຖິງຈະມີຄວາມສ່ຽງສູງກໍຕາມ ແຕ່ນັກຮົບເຮົາກໍບໍ່ໄດ້ໄຫວຫວັ່ນຢ້ານກົວ ແລະ ທໍ້ຖອຍແຕ່ຢ່າງໃດເລີຍ ແຕ່ຫາກຍັງບຸກໜ້າບືນຕົວສູ້ກັບສັດຕູໂຕຮ້າຍກາດນີ້ ເພື່ອຊາດເພື່ອປະຊາຊົນ ຈົນເຖິງມື້ສຸດທ້າຍທີ່ເອົາຊະນະໂຄວິດ-19 ດ້ວຍການປິ່ນປົວຫາຍດີຜູ້ຕິດເຊື້ອທັງໝົດ 19 ຄົນ ແລະ ໄດ້ອອກໂຮງໝໍທັງໝົດແລ້ວ.

ດ້ວຍພະລັງມະຫາສາມັກຄີຂອງປະຊາຊົນລາວທັງຊາດ ເປັນຈິດໜຶ່ງໃຈດຽວຢູ່ອ້ອມຂ້າງພັກ ແລະ ລັດຖະບານ ພວກເຮົາສາມາດຕີເອົາຊະນະສັດຕູໂຄວິດ-19 ໂຕຮ້າຍກາດຢ່າງເປັນທາງການ ພາຍໃນເວລາ 2 ເດືອນເຄິ່ງເທົ່ນນັ້ນ ໂດຍການປະກາດຂອງນາຍົກລັດຖະມົນຕີ ພະນະທ່ານ ທອງລຸນ ສີສຸລິດ ໃນວັນທີ 10 ມີຖຸນານີ້.

ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ - Wave100S AD to Website 2020 0 - ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ

ນິີ້ ພຽງແຕ່ເປັນໄຊຊະນະເບື້ອງຕົ້ນເທົ່ານັ້ນ, ພວກເຮົາປະຊາຊົນລາວທຸກຖ້ວນໜ້າຍັງຈະຕ້ອງໄດ້ສືບຕໍ່ຢູ່ຄຽງຂ້າງພັກ ແລະ ລັດຖະບານຕໍ່ໄປ ໃນການຈັດຕັ້ງປະຕິບັດມາດຕະການຕ່າງໆຂອງລັດຖະບານວາງອອກໃນແຕ່ລະໄລຍະ ເພື່ອປ້ອງກັນບໍ່ໃຫ້ພະຍາດດັ່ງກ່າວກັບມາລະບາດອີກຄັ້ງໃໝ່ໃນປະເທດເຮົາ.

ຕາບໃດພະຍາດໂຄວິດ-19 ບໍ່ໝົດໄປຈາກໂລກນີ້ ແມ່ນເມື່ອນັ້ນ ພວກເຮົາຍັງຈະຕ້ອງມີສະຕິລັວັງຕົວ,ຕື່ນຕົວເປັນເຈົ້າການໃນການຕ້ານ ແລະ ສະກັດກັ້ນພະຍາດນີ້ດ້ວຍຕົນເອງເປັນອັນດັບໜຶ່ງ ສົມທົບກັບປະຕິບັດມາດຕະການຫ້າມຂອງລັດຖະບານຢ່າງເຄັ່ງຄັດ.

ເຖິງ ແມ່ນພວກເຮົາຈະເອົາຊະນະໄດ້ໃນເບື້ອງຕົ້ນກໍຕາມ ແຕ່ບໍ່ໝາຍຄວາມວ່າ ພະຍາດຈະໝົດໄປຈາກປະເທດລາວ, ພວກເຮົາບໍ່ຄວນຫຼະເຫຼີງ ນິ້ງນອນໃຈ ແລະ ຖືເບົາໄດ້, ປະໝາດ ຂາດສະຕິ. ຄະນະສະເພາະກິດຍັງຈະໄດ້ສືບຕໍ່ຕິດຕາມສະຖານນະການການການແຜ່ລະບາດຢູ່ໃນໂລກ ແລະ ບັນດາປະເທດໃກ້ຄຽງຢ່າງໃກ້ສິດ ແລະ ວາງມາດຕະການປ້ອງກັນຢ່າງເຂັ້ມງວດ ເພື່ອບໍ່ໃຫ້ເຊື້ອພະຍາດລະບາດອີກຄັ້ງໃໝ່ຢູ່ໃນປະເທດເຮົາ.

ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ - WhatsApp Image 2020 05 27 at 5 - ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ
ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ - WhatsApp Image 2020 05 27 at 5 - ລາວເອົາຊະນະໂຄວິດ-19 ໄດ້ພາຍໃນ 2 ເດືອນເຄິ່ງ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!