ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່

ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່ - 189 - ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່
ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່ - Untitled design - ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່

ລັດຖະມົນຕີຂອງ ອີຢິບ ທ່ານ Khaled al-Anani ຢືນຢັນວ່າ ອິຢິບ ກຳລັງຈະສ້າງສະຖານທີ່ທ່ອງທ່ຽວ ທີ່ມີຄວາມສະອາດສະອາງ ເປັນໜ້າຢາກໄປທ່ຽວຂອງຜູ້ຄົນໃນທົ່ວໂລກ.

ບໍ່ຕ່າງຫຍງັກັບປະເທດອື່ນໆ, ນັບຕັ້ງແຕ່ເດືອນມີນາ ເປັນຕົ້ນມາ ອີຢິບໄດ້ຢຸດຕິທຸກການເຄື່ອນໄຫວທາງສາຍການບິນ ແລະ ປິດແຫຼ່ງທ່ອງທ່ຽວບູຮານນະສະຖານທຸກແຫ່ງ, ຫໍພິພິທະພັນ, ບ້ານພັກໂຮງແຮມ ເພື່ອສະກັດກັ້ນການແຜ່ລະບາດຂອງເຊື້ອໄວຣັດໂຄວິດ-19.

ອີຢິບ ໄດ້ເລີ່ມມີການຜ່ອນຜັນມາດຕະການຫ້າມ ເພື່ອເລີ່ມເປີດແຫຼ່ງທ່ອງທ່ຽວກັບມາໃນລະດູແລ້ງປີນີ້. ອີງຕາມແຜນການທີ່ວາງໄວ້, ລັດຖະບານ ອີຢິບຈະປະກາດເງື່ອນໄຂ ຜູ້ທີ່ຈະເຂົ້າມາໃນ ອີຢິບ.

ຄາດວ່າ ສະຖານທີ່ ພັກຜ່ອນຢ່ອນໃຈ ໃນແຄມທະເລແດງ, ໃນນັ້ນ ທາງພາກໃຕ້ຂອງ Sinai ແລະ ຫາດຊາຍທະເລ ເມດີເຕີເຣນຽນ ທາງທິດຕາເວັນຕົກຂອງນະຄອນ Alexandria ຈະເປັນຈຸດເປີດກ່ອນໝູ່.

ສະຖານທີ່ທ່ອງທ່ຽວບູຮານນະສະຖານທີ່ມີຄວາມດຶງດູູດແຂກທ່ອງທ່ຽວທີ່ສຸດກໍຄື ປີຣາມິດ Giza ຫຼື ຫໍ Karnak ກໍຈະໄດ້ເປີດປະຕູໃຫ້ນັກທ່ອງທ່ຽວເຂົ້າຊົມ ແຕ່ຈະມີການຄວບຄຸມຢ່າງເຄັ່ງຄັດ, ໂດຍສະເພາະແມ່ນເຂດຫຼຸມສົບຂອງເຈົ້າຊີວິດ Tutankhamun ຈະເຂົ້າໄດ້ພຽງເທື່ອລະ 10 ຄົນເທົ່ານັ້ນ. ໃນຂະນະດຽວກັນ ຈຸດທ່ອງທ່ຽວອື່ນໆ ຈະໄດ້ເປີດຕາມທີຫຼັງ.

ຂະແໜງການທ່ອງທ່ຽວ ເປັນຂະແໜງເສດຖະກິດຫຼັກຂອງ ອີຢິບ ແລະ ຄາດວ່າປີ 2020 ນີ້ຈະມີນັກທ່ອງທ່ຽວເຂົ້າໄປທ່ອງທ່ຽວປະມານ 15 ລ້ານເທື່ອຄົນ, ເພີ່ມຂຶ້ນ 2 ເທື່ອລ້ານຄົນ ທຽບໃສ່ປີ 2019.

ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່ - Wave100S AD to Website 2020 0 - ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່

ແຕ່ທຸກແຜນການທີ່ຄາດຄະເນໄວ້ກ່ອນໜ້ານັ້ນ ລ້ວນແຕ່ຖືກພັງທະລາຍລົງ ໃນເມື່ອສາຍການບິນລະຫວ່າງປະເທດຖືກຍົກເລີກ, ແຫຼ່ງທ່ອງທ່ຽວຕ່າງໆກໍປິດປະຕູລົງ. ປັດຈຸບັນ ບັນດາບ້ານພັກໂຮງແຮມໄດ້ຮັບອະນຸຍາດໃຫ້ເຄື່ອນໄຫວໄດ້ພຽງ 50%.

ເຖິງແມ່ນວ່າຍັງບໍ່ທັນມີຕົວເລກຄວາມເສຍຫາຍຂອງຂະແໜງການທ່ອງທ່ຽວໃນປີນີ້ກໍຕາມ ແຕ່ກໍຄາດວ່າຈະເສຍຫາຍຢູ່ທີ່ 5 ຕື້ USD. ທະນາຄານກາງຂອງ ອີຢິບ ໃຫ້ຮູ້ວ່າ ຈະສະໜອງກ້ອນສິນເຊື່ອ 3 ຕື້ USD, ໃນອັດຕາດອກເບ້ຍ 5% ໃຫ້ຂະແໜງການທ່ອງທ່ຽວ.

ຂ່າວ: ລູກເມືອງພວນ (ແຫຼ່ງຂ່າວ baoquocte.vn)

ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່ - WhatsApp Image 2020 05 27 at 5 - ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່
ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່ - WhatsApp Image 2020 05 27 at 5 - ອີຢິບ ຈະຟື້ນຟູຂະແໜງການທ່ອງທ່ຽວຄືນໃໝ່
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!