61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່

61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່ - Time fo an Adventure 15 - 61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່
61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່ - Untitled design - 61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່

ໃນວັນທີ 12 ມິຖຸນາ 2020 ທີ່ກະຊວງສາທາລະນະສຸກ ໄດ້ລາຍງານສະພາບການລະບາດຂອງພະຍາດໂຄວິດ-19 ໃນ ສປປ ລາວ ໂດຍ ທ່ານ ດຣ.ສີສະຫວາດ ສຸດທານີລະໄຊ, ຮອງຫົວໜ້າ ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ມີສື່ມວນຊົນ ເຂົ້າຮ່ວມ.

ທ່ານ ດຣ.ສີສະຫວາດ ສຸດທານີລະໄຊ ແຈ້ງໃຫ້ຮູ້ວ່າ: ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 11 ມິຖຸນາ 2020 ການຕິດຕາມຜູ້ເດີນທາງຈາກຈຸດຜ່ານແດນຕ່າງໆມີຈໍານວນຜູ້ເດີນທາງເຂົ້າມາທັງໝົດ 1.910 ຄົນ, ທຸກຄົນໄດ້ວັດແທກອຸນຫະພູມຮ່າງ ກາຍ ແລະ ກວດຫາອາການຜິດປົກກະຕິ ບໍ່ພົບຜູ້ມີອາການເປັນໄຂ້, ທັງໝົດໄດ້ເກັບຕົວຢ່າງມາກວດແລ້ວນຳສົ່ງໄປຈຳກັດບໍລິເວນຢູ່ສະຖານທີ່ ທີ່ກຳນົດໄວ້ຈົນກວ່າຈະຄົບກຳນົດ 14 ວັນ.

ສຳລັບວັນທີ 11 ມິຖຸນາ 2020, ໄດ້ເກັບຕົວຢ່າງມາກວດວິເຄາະທັງໝົດ 249 ຄົນ, ໃນນັ້ນ ແຮງງານລາວ ກັບມາແຕ່ໄທ 224 ຄົນ, ແຮງງານໄທ 15 ຄົນ, ແຮງງານຈີນ 05 ຄົນ ແລະ ກໍລະນີສົງໄສ 05 ຄົນ. ຜົນກວດຂອງແຮງງານລາວ, ແຮງງານໄທ, ແຮງງານຈີນ ແລະ ກໍລະນີສົງໄສ ທີ່ກວດມື້ວານນີ້ບໍ່ພົບເຊື້ອ. ນັບແຕ່ເດືອນມັງກອນ ມາຮອດວັນທີ 11 ມິຖຸນາ 2020 ໄດ້ເກັບຕົວຢ່າງມາກວດທັງໝົດ 9.676 ຕົວຢ່າງມາກວດ, ກວດພົບເຊື້ອທັງໝົດ 19 ຄົນ (61 ມື້ແລ້ວ ທີ່ບໍ່ມີຜູ້ຕິດເຊື້ອເພີ່ມ). ປັດຈຸບັນທົ່ວປະເທດ ມີສູນຈໍາກັດບໍລິເວນທັງໝົດ 80 ສູນ, ມີຜູ້ຖືກຈຳກັດບໍລິເວນຢູ່ສູນ 3.032 ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ.

61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່ - Wave100S AD to Website 2020 0 - 61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່

ທ່ານ ດຣ. ສີສະຫວາດ ກ່າວຕື່ມວ່າ: ສຳລັບການເຂົ້າ-ອອກ ສປປ ລາວ ໄລຍະຜ່ອນຜັນນີ້, ແມ່ນໃຫ້ປະຕິບັດຕາມຄຳແນະນຳສະບັບເລກທີ 1444/ຕປທ.ສພກ, ລົງວັນທີ 01 ມິຖຸນາ 2020 ແລະ ຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າ, ທຸກພາກສ່ວນໃນສັງຄົມ ຈົ່ງສືບຕໍ່ປະຕິບັດແຈ້ງການ, ຄຳແນະນຳຂອງຂະແໜງການຕ່າງໆ ດ້ວຍຄວາມຮັບຜິດຊອບສູງ ຈົນກວ່າຈະມີການປ່ຽນແປງໃໝ່

61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່ - WhatsApp Image 2020 05 27 at 5 - 61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່
61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່ - WhatsApp Image 2020 05 27 at 5 - 61 ວັນ ສປປ ລາວ ຍັງຄົງບໍ່ພົບຜູ້ຕິດເຊື້ອລາຍໃໝ່
error: Alert: ເນື້ອຫາຂ່າວມີລິຂະສິດ !!